SAN JUAN 5:39 - Enhlit Bible

³⁹ Apquilinlhanacmec mataa quellhip apquilyipsateycaoc Dios appayvam actalhesomalhca. Apquililtamjoc elvitangvomoc acyimnatem apnenyaoc. Eycaso actalhesomalhca actomja aclingascama sicvisay.

SAN JUAN 5:39 Iomraidhean Croise

SALMOS 1:2

Apquilinyejemoc anco enlhit acmayjayo apvalhoc Dios appayvam. Actomja aclhanma mataa apvalhoc Dios appayvam acnim anco najan alhtaa.

SALMOS 119:11

Yitnec acmam evalhoc lhip appayvam, yoyam mosilhnanalhquejec napato lhip.

SALMOS 133:3

Malha yalya intomjac netin inquilhe Hermón. Invitalhquic yalya inquilhe Sión. Ayinyema maa ningillhoy asoc altamila Visqui ingac. Acvisay acyimnatem ingnenyic cotmongvoycamlha nelha.

SALMOS 16:11

Lhip aptomja selhicmoscama actemaclha acyimnatem ingnenyic. Avanjec mataa lhip appayesayclha ingilvalhoc. Cotlaycaoc asoc acnamco apnaclha lhip.

SALMOS 21:4

Apjalhnoc mataa lhip apquilmalhnaycam macyimnatescama apnenyic. Ajolhec mataa acyimnatem apnenyic rey.

SALMOS 36:9

Apnaclha lhip ningvita actiyapmaclha yingmin acyimnatescama ingnenyic. Apnaclha lhip ningvita singatsiscama olhma.

PROVERBIOS 6:23

Naso, calevascama ayapongmatem acyitsomalhca singanamaclha singiltamescama. Naso, amay actemaclha acyimnatem ingnenyic acyitsomalhca ningiltamsomalhca.

ISAÍAS 34:16

Elyipsit sat quellhip vaycajac ayinyema Visqui ingac: Mepqui ayaymomalhca lhama nata navjac, najan asoc navjac, inquilpasmeclhec acyovoclhojo. Ayinyema siclho apcanama espíritu apanco Visqui ingac.

ISAÍAS 8:20

Colhic sat singiltimnasa amyaa, yoyam ongilyasamcojo — sat cotnejic amyaa. Acyeyjamelhma apquilpayvam sat cotnejic apquiljalhenmo quellhip.

JEREMÍAS 8:9

Elvanmac sat as enlhitaoc, elmacpoc sat maa apquiltomja apquilvenéycam sicpayvam, ¿co laa acyasa (acyitna) apquiltemaclha apquilyascamco?

DANIEL 12:2

Enalhaticjangvomoc sat apquilmasquingvaycmo nano, apquilatoynamap malhic. Elmiyovacpoc sat napocja, colhic sat acyimnatem apnenyaoc cotmongvoycamlha nelha. Elyinyovacpoc sat poc, elmancangvomoc sat, ellingamcojoc sat acyimtalhnama cotmongvoycamlha nelha.

SAN MATEO 22:29

Apcatingmavoc alhta Jesús: —Apquillhinganacme nac quellhip. Am elyasamcoc quellhip Dios appayvam actalhesomalhca najan apmopvan apanco Dios Ingyapam.

SAN MARCOS 10:3

Apcatingmavoc alhta Jesús: —¿Jalhco ilhnic nat aptomja appayvam Moisés? —alhta aptomjac.

SAN MARCOS 12:10

“Am ya elyipsatac vaycajac acpayvam, actomja ilhnic nat: Mataymong apquilyamasma apquilaneycaoc tingma, Inpiquenalhquic tingma apvojac actajescamaclha.

SAN LUCAS 16:29

Aptomjac nic nat apcanya Abraham: “Yitnec maa vaycajac aptalhescama ilhnic nat Moisés najan apnatalhescama ilhnic nat profetas Dios apquillingascama. Ingyane sat elaylhojo maa” —nic nat aptomjac.

SAN LUCAS 16:31

Aptomjac nic nat apcanya Abraham: “Am sat ancoc eljalhnoc maa Moisés najan profetas appayvam Dios apquillingascama, covocmojo apquilvalhoc appayvam aptomja aplhaticjangviyam nipyesicsa apquilmasquingvaycmo” —nic nat aptomjac.

SAN LUCAS 24:25

Aptomjac alhta apquilanya Jesús: —Melyascamco nac quellhip. Alyasquiyam apquilvalhoc pac quellhip amyaa apquillhanma ilhnic nat profetas Dios apquillingascama.

SAN LUCAS 24:27

Yejemoc alhta apquilhicmosa actemaclha ilhnic nat appayvam Moisés najan aclhamoclhojo profetas appayvam Dios apquillingascama. Apcajasoc alhta Jesús aplhena actemaclha aclhanma vaycajac aplhenamap.

SAN LUCAS 24:44

Aptomjac alhta apquilanya Jesús: —Eycaso sicpayvam siltimnascama alhta quellhip, sicmaclha alhta lhama quellhip. Yoyam alhta cotmongvomoc nelha aclhanmaclha vaycajac. Actemaclha selhanma Moisés apnatalhescama najan apnatalhescama profetas Dios apquillingascama najan vaycajac Salmos —alhta aptomjac.

SAN JUAN 1:45

Yejemoc alhta apquitama Felipe Natanael. Aptomjac alhta apcanya: —Ningvitac lhac nincoo enlhit aplhanma ilhnic nat Moisés singanamaclha actalhesomalhca. Najan apquillhanma ilhnic nat apnatalhescama profetas Dios apquillingascama. Apvisay Jesús, José apquitca, tingma pac Nazaret —alhta aptomjac.

SAN JUAN 5:32

Apnec eyca poc aptomja aplingascama sicvisay. Acyasamcoc coo actomja nasoc anco aplingascama sicvisay.

SAN JUAN 5:36

Emcasquic coo Tata sictamjaycam seyanya openacsojo. Eyca as sictamjaycam actomja actamila aclingascama sicvisay, colhno aplhanma alhta Juan. Inlingasquic mataa amyaa sictamjaycam actomja naso siyinyema coo Tata aptomja seyapajascama.

SAN JUAN 5:40

Am colyacmoc quellhip jelyotac, yoyam colhic acyimnatem apnenyaoc.

SAN JUAN 5:46

Am nat ancoc elyascacmoc quellhip Moisés, mejelyascamejec coo lha. Aptalhosquic nic nat Moisés actemaclha selhanma coo.

SAN JUAN 7:52

Apquilatingmavoc alhta: —¿Lhip ya najan co Galilea? Ilyipsit siclho Dios appayvam actalhesomalhca. Metangvomejec sat aclhanma profeta Dios aplingascama, yoyam ingyinyema yoclhilhma Galilea —alhta apquiltomjac.

LOS HECHOS 13:27

Am alhta elyicpilcac enlhitaoc tingma Jerusalén najan apquilimja apmamyi. Apquinatsacpec alhta Jesús. Apquilanayquic alhta ematong. Inquilyipsatalhquic alhta mataa as appayvam aplhanmaclha aclhamoclhojo acnim ninnayclha. Invocmec alhta nelha aplhanmaclha ilhnic nat profeta Dios aplingascama.

LOS HECHOS 17:11

Inquiljalhnec alhta apquilvalhoc judíos co Berea, melno apnaymacoc co Tesalónica. Inquilmec alhta apquilvalhoc tasic amyaa. Apquilyipsatamquic alhta mataa vaycajac Dios appayvam aclhamoclhojo acnim. Apquilyitsamquic alhta mataa actemaclha aplhanma Pablo.

LOS HECHOS 26:27

Visqui Agripa, ¿am ya eyascacmoc lhip apquillhanma profetas Dios apquillingascama? Acyasamco coo, meyasquiyam innac lhip —alhta aptomjac Pablo.

ROMANOS 1:2

Actalhescasquic as vaycajac actemaclha aclhanma evalhoc aplhamoclhojo quellhip apnaycam tingma Roma. Apquiltomja Dios apquilyacyescama apquilasicjayo. Apquilponquincasquic alhta Dios, malha apquevoycam quellhip. Altamjoc coo yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam najan Jesucristo Visqui ingac. Aplhenquic nic nat Dios actomja nasoc anco yoyam jinglingacsic as tasic amyaa. Apnatalhesamquic nic nat profetas Dios apquillingascama as amyaa vaycajac acponquinomalhca. Aplhenacpec nic nat Dios Apquitca. Apvisqui David aptavin niptamin alhta Jesucristo. Espíritu apanco Dios alhta aplingascama aptomja Dios Apquitca apyimtalhnamo, ayinyema aplhaticjangviyam alhta nipyesicsa apquilmasquingvaycmo. Ningillhocac nincoo Dios apcaycaoc ayinyema Jesucristo. Ingilasinaquic alhta nincoo yoyam ongiltimjic apóstoles ningilapajasomalhca. Apquiltamjoc yoyam onlingacsic apvisay nipyesicsa enlhitaoc lhalhma anco, yoyam melyascamejec apvisay Jesucristo najan elilyejiclhojo appayvam. Quellhip najan apquillhenacpoc apquiltomja apquilanyomap ayinyema Jesucristo, malha apquevoycam.

ROMANOS 3:2

Naso, actamila anco apquiltemaclha judíos, am colhno apquiltemaclha enlhitaoc lhalhma anco. Ayinyemaclha apquillhoy apmamyi ilhnic nat judíos aplhanmaclha Dios actomja nasoc anco.

DEUTERONOMIO 18:15

Ingyanic sat Dios, elhic sat lhama profeta sicno coo nipyesicsa quellhip, ellaylhojo sat mataa appayvam.

DEUTERONOMIO 18:18

Ongvanic sat profeta apno lhip nipyesicsa apnaymacoc, etnejic sat aplingascama siyanamaclha najan aplingascama sicpayvam.

DEUTERONOMIO 29:29

Yitnec mocjam moc asoc mepqui ningilyascamco. Apyasamcoc apvamlha apanco Dios Apyimtalhnamo. Yitnec mataa asoc singlingascama nincoo najan inquitquic, yoyam ongilyiplovcasojo mataa: acvisay singanamaclha ayinyema Dios — nic nat aptomjac Moisés.

DEUTERONOMIO 32:47

Jave acmovan amyaa singanamaclha Dios. Actomja acyimnatescama mataa ingnenyaoc. Covoncac sat apquileyvam quellhip as yoclhilhma alhnancoc, payjoc moc nicja vatsam Jordán, apquilvoycamlha sat quellhip — nic nat aptomjac Moisés.

COLOSENSES 3:16

Elane sat coyangvomoc allheneycam apquilvalhoc Jesucristo appayvam nipyesicsa quellhip. Ellhicmosacpojo sat nipyesicsa quellhip actemaclha apquilyascamco. Elpasim sat mataa poc. Elminaycmas sat mataa actemaclha apquilayo Dios. Elminaycmas sat ningminaycmascama alvisay salmos najan alvisay himnos najan actemaclha ningayo Dios. Collhen sat mataa apquilvalhoc Dios naysicsa apquilminaycmascama. Ayinyemaclha apquillhocac quellhip Dios apcaycaoc.

HEBREOS 11:16

Inquillhenquic nic nat mataa apquilvalhoc apquilaoclha actamila anco, am colhnoc nalhpop. Inlhenalhquic nic nat ningaoclha netin. Am nic nat emancac Dios apquiltomja as enlhitaoc apvisay Visqui apancaoc. Apquillanesquic nic nat Dios tingma apyiviy yoyam elhnam as enlhitaoc acma melyasquiyam.

HEBREOS 11:35

Inquilvitaclhec nic nat quilvana anatamcaa apnalhaticjangviyam nipyesicsa apquilmasquingvaycmo. Innec nic nat alasquisa apyimpeoc poc enlhitaoc. Am nic nat colyacmoc eleyoc mepqui apquilmomap yoyam elvomjoc sat moc ningnalhaticjangvoycamlha actamila anco.

JOSUÉ 1:8

Noyinyov nasa aplhanma vaycajac actalhesomalhca singanamaclha. Colhen sat mataa apvalhoc acnim anco najan alhtaa. Itamilquis sat mataa. Iyiplovquis sat aclhamoclhojo actemaclha singanamaclha. Cotamilic sat lhip aptiyascam apyasaclha lhalhma anco.

EL APOCALIPSIS 19:10

Alpolintac alhta nalhpop apquinmamcaclha ángel yoyam opayicsojo. Aptomjac alhta seyanya ángel: —Notne nasa. Coo najan sictimem silancamo lhama Dios. Acno coo lhip najan apquilyalhinga apquiltomja apquillingascama amyaa ayinyema Jesús. Ipayicsojo sat lhip Dios. Ayinyemaclha apquillingasquic mataa amyaa ayinyema Jesús apquiltomja Dios apquillingascama —alhta aptomjac ángel.