SAN JUAN 5:35 - Enhlit Bible

³⁵ Malha calevascama ayitsasquiscama olhma alhta aptomja Juan. Apquililtamjoc alhta quellhip elitsovacsojo acyavataclhojo naysicsa ayitsayolhma apanco.

SAN JUAN 5:35 Iomraidhean Croise

2 SAMUEL 21:17

Apvitac nic nat Abisai, Sarvia apquitca, appecjam epasingvota David. Apcajac nic nat Abisai, apmatnec nic nat filisteo apvinatem. Apquilmiyovquic nic nat apquillhalhmaa epasmoc mataa David naysicsa apquilnapomap. Copvanquejec nic nat ematong apvisqui David, casponejec sat calevascama nipyesicsa co Israel.

ÉXODO 34:35

Yejemoc nic nat apcalasa mocjam napaat Moisés. Apsovjoc nic nat mataa aplhanma apcanamaclha Dios. Aptajavoc nic nat mocjam carpa apponquinomap Moisés.

EZEQUIEL 33:31

Apquilvocta inyicje, yoyam elhnam apnaclha lhip, elaylhojo lhip appayvam. Am eyca elyiplovcasac appayvam. Apquilvajanamquic mataa lhip appayvam malha apquilvajaneycaoc apquilminaycmascama. Moc asoc aclhanma apquilvalhoc acvisay solyayem.

DANIEL 12:3

Colhic sat ayaco enlhit apquillhicmoscama, apquilyascasingvoyam nintemaclha acpeyvomo. Colhojoc sat apquilapongmatem malha apyová ningvita alhtaa.

SAN MATEO 11:11

Actomjac coo silanya quellhip: Naso, paj lhama enlhit lhalhma anco apyimtalhnamo apno Juan yapasquiscama yingmin inyap. Enlhit meyimtalhnamo Dios apquilnancascama, eyca as aptomja apyimtalhnamo, melhno Juan.

SAN MATEO 21:26

Ningiltomjac sat ancoc: Enlhit apcanem, incaymalhquic ongavojoc enlhitaoc. Ayinyemaclha profeta Dios aplingascama apcanyacpoc Juan —alhta apquiltomjac.

SAN MARCOS 1:5

Apquilmiyaclhec alhta apnaclha Juan aplhamoclhojo enlhit. Apquilinyemac alhta yoclhilhma Judea najan tingma Jerusalén. Apquililtimnasquic alhta melyascalhma. Natamin apquilyapascasamquic yingmin Juan navatsam Jordán.

SAN MARCOS 6:20

Apyasamcoc alhta Herodes aptemaclha Juan, aptomja appeyvomo najan apponquinomap. Apcacac alhta. Apyispaquic alhta mataa apjalhenmo apquiltimnaycam. Lhama alhta aplinga apquiltimnaycam Juan, intamjam alhta apvalhoc. Apmiyovcacpec alhta singilpilhtetomaclha.

SAN LUCAS 7:28

Actomjac coo siyanya quellhip: Paj lhama enlhit lhalhma anco apyimtalhnamo apno Juan yapasquiscama yingmin inyap. Naso, enlhit meyimtalhnamo Dios apquilnancascama, eyca as aptomja apyimtalhnamo melhno Juan —alhta aptomjac Jesús.

SAN JUAN 6:66

Yejemoc alhta apquilvatsamco napocja apquillhalhmaa. Masquec alhta apquiltomja apquillhalhmaa.

2 SAN PEDRO 1:19

Yitnec nincoo quilhvo actomja nasoc anco aclhanma profetas apnatalhescama nano, ayinyema ningvitay alhta. Ellhnasojo sat quellhip lha actema nac nincoo. Elyiplovquis sat mataa as amyaa, actomja malha calevascama ningvitay naysicsa yatescamalhma. Eyca as amyaa cotnejic sat ayitsasquiscamalhma apquilvalhoc, malha apyova apyiviy aptiyapma acvocmo ayitsaca.