SAN JUAN 5:28 - Enhlit Bible

²⁸ Nocotlapquis nasa quellhip apquillinga. Covac sat acnim, yoyam ellingac sat sicpayvam apquilmasquingvaycmo.

SAN JUAN 5:28 Iomraidhean Croise

ISAÍAS 26:19

Lhip Visqui ingac, enalhaticjangvomoc sat mocjam lhip apnaymacoc apquilitsepma nano, eleyoc sat mocjam lhalhma anco. Enalhaticjangvomoc sat apquilitsepma, malha apnatiyanma congne malhic, colpayjiclhac sat apquilvalhoc. Lhip ayinyema apquitsasquiscama olhma, colhic sat acnalhaticjasa apquilitsepma apnaycam congne tacjalhpopayc.

DANIEL 12:2

Enalhaticjangvomoc sat apquilmasquingvaycmo nano, apquilatoynamap malhic. Elmiyovacpoc sat napocja, colhic sat acyimnatem apnenyaoc cotmongvoycamlha nelha. Elyinyovacpoc sat poc, elmancangvomoc sat, ellingamcojoc sat acyimtalhnama cotmongvoycamlha nelha.

OSEAS 13:14

¿Coo ya olmeyvoc, yoyam melitsepejec enlhitaoc? Momyovejec sat coo. ¿Coo ya olmeyvoc, yoyam melvomejec sat alyascamaclha ingjangaoc? Momyovejec sat coo. Naso, acmovan innac ningitsepma, elitsapoc sat maa. Acmovan innac malhic, elatoynacpoc sat maa. Coo ayinyema mepqui sicmasma enlhitaoc, elmasquingvomoc sat.

SAN JUAN 3:7

Nocotlapquis nasa aplinga sicpayvam siyanya lhip: “Incaymalhquic quellhip etyamoc mocjam apjalhnancoc.

SAN JUAN 4:21

Apcatingmavoc alhta Jesús: —Lhiya, nojeyasquim nasa coo. Comoc sat acnim, yoyam ongilpayicsojo Ingyapam. Mongilvotayc sat as netin inquilhe. Mongilmiyaclhejec sat najan tingma Jerusalén.

SAN JUAN 4:23

Comoc sat acnim, quilhvo inyicje invaac, yoyam ongilpayicsojo Ingyapam actemaclha nasoc anco ayinyema Espíritu Santo. Apquiltamjoc mataa Ingyapam, yoyam ongilpayicsojo actema nac jay.

SAN JUAN 5:20

Eyasicjavoc coo Tata. Elhicmosquic coo aclhamoclhojo actemaclha aptamjaycam apanco. Jelhicmocsic sat mocjam asoc alyiviy, yoyam cotlapsic sat quellhip apquilvitay.

SAN JUAN 5:25

Actomjac coo silanya quellhip: Covac sat acnim, invaac quilhvo nac jay, yoyam ellingac sat enlhit apquilmasquingvaycmo coo sicpayvam sicvisay Dios Apquitca. Colhic sat acyimnatem apnenyaoc apquiltomja apquilyajayquiclho sicpayvam.

LOS HECHOS 24:15

Yitnec coo lha siljalhanma napato Dios Ingyapam acno as enlhitaoc, yoyam enalhaticjangvomoc apquilmasquingvaycmo, najan apquilpeyvomo najan apquilmapsomcaa.

LOS HECHOS 3:12

Lhama alhta apvita Pedro. Aptomjac alhta apquilanya enlhitaoc: —Enlhitaoc Israel. ¿Soctomja alpilapsa nac apquilvita? ¿Soctomja singilano nac nincoo? ¿Apquilanayqui ya quellhip ayinyema ningmovan inganco najan ningiltamila ningilancam napato Dios? ¿Apquilanayqui ya nintamilquisquiyam nincoo as enlhit?

1 CORINTIOS 15:22

Elmasquingvomoc sat aplhamoclhojo enlhitaoc ayinyema ilhnic nat Adán, aptomja malha singilsilhnanoncama. Acno najan enalhaticjangvomoc sat aplhamoclhojo apquilmasquingvaycmo ayinyema apquilpasmeyquiclha Cristo.

FILIPENSES 3:21

Yitnec ningyovoclhojo yoyam comasquingvomoc. Eyanmongsic sat Visqui ingac moc actemaclha ningyovoclhojo. Elhnasojoc sat ningyovoclhojo actemaclha aptamila apanco apyovoclhojo. Apmopvan innac Visqui ingac. Apvanquic ingyanic yoyam colilyejiclhojo aclhamoclhojo asoc netin najan nalhpop.

EL APOCALIPSIS 20:12

Acvitac alhta apquilmasquingvaycmo nano. Apcanam alhta napato Dios apquilvanyam najan apquitcaoc. Innec alhta almayesamco vaycajac. Najan moc vaycajac acyitna apquilvisay enlhitaoc acyimnatem apnenyaoc. Innec alhta alyicpilco apquilmasquingvaycmo nano acno allhanma vaycajac acnatalhesomalhca, actemaclha apquilyiplovquiscama melitsepmaclha alhta.