SAN JUAN 5:23 - Enhlit Bible

²³ Apquiltamjoc coo Tata, yoyam jelavojoc aplhamoclhojo enlhitaoc, acno apquilayo mataa coo Tata. Acvinalhquic sat ancoc coo, evinacpoc najan coo Tata aptomja seyapajascama.

SAN JUAN 5:23 Iomraidhean Croise

SALMOS 2:12

Eltime sat apquilayo Dios Apquitca yoyam melvejec sat. Melmasquingvomejec sat naysicsa apquileyvam. Cotlapsic sat ongvita naysicsa aplom. Apquilinyejemoc anco enlhit apquiltomja apquilyilhanmeycam Visqui ingac.

ISAÍAS 42:8

Coo sicvisay Dios. Paj poc apyimtalhnamo yoyam otnejic siyayo. Motnejec sat siyayo quilaycmasquiscama selyitquiscama enlhitaoc.

ISAÍAS 44:6

Eycaso sicpayvam Dios: —Sictimem Apvisqui nipyesicsa enlhitaoc Israel. Sictomja silvomquiscama tap sictomja Apvisqui sicyimtalhnamo. Coo sictomja siyimja emamyi najan siyimja alhayi. Paj poc Dios, sicvamlha coo.

ISAÍAS 45:15

Lhip aptomja Dios mongvitay nincoo, malha apposomap. Lhip aptomja Apvisqui apancaoc enlhitaoc Israel, aptomja apquilvomquiscama tap.

ISAÍAS 45:21

Jelyota, jeltimnasquita quellhip. Elpamejitsacpojo aplhamoclhojo. ¿Jalhco ayinyema apquilyasingvoyam nano quellhip? ¿Soc alhta aplingascama as asoc? Coo ayinyema sicvisay Dios, paj poc Dios, sicvamlha coo. Paj poc apquilvomquiscama tap enlhitaoc, sicvamlha coo.

ZACARÍAS 9:9

¡Colpayjiclha apquilvalhoc quellhip tingma Sión! ¡Elminaycmas sat naycisa apquilitsovascama, quellhip co Jerusalén! Apquilhyacme Visqui ingac appeyvomo najan apyimnatem. Mepqui ayajamalhco apvalhoc, yamelyeyjaycoc ayitcoc apquinamtem.

SAN MATEO 10:37

‘Avanjec sat ancoc enlhit apcasicjayo apyap najan inquin, am colhno seyasicjayo coo, copvanquejec etnejic siltamescama. Avanjec sat ancoc enlhit apcasicjayo apquitca, am colhno seyasicjayo coo, copvanquejec etnejic siltamescama.

SAN MATEO 11:27

‘Aptomjac alhta Jesús apquilanya: Elmesquic coo Tata aclhamoclhojo asoc sicmovan. Paj lhama apyascamco sicvisay Apquitca. Apvamlha coo Tata apyasamco. Paj lhama apyascamco apvisay coo Tata. Acvamlha coo sicyascamco apvisay coo Tata. Najan maa apquilyasamcoc sictomja silyascasingviyam apvisay coo Tata.

SAN MATEO 12:21

Elaylhic sat enlhit lhalhma anco apquilnancascama apanco —nic nat intomjac appayvam.

SAN MATEO 15:8

Intasi inyicje apquilpamesma as enlhitaoc. Selayo inyicje apquiltomjac. Tepec eyca acyitna apquilvalhoc apancaoc.

SAN MATEO 28:19

Ellhing sat quellhip nipyesicsa enlhit lhalhma anco. Eltamsaoc sat enlhitaoc, yoyam otnejic siltamsoycaoc. Elyapasquisaoc yingmin naysicsa apquillhanma Ingyapam najan Apquitca najan Espíritu Santo.

SAN LUCAS 10:16

“Injalhnalhcoc ancoc apquilpayvam quellhip, acno acjalhnomalhco coo lha sicpayvam. Apquilvanacpec ancoc quellhip, acno sicvanamalhca coo lha. Acvanalhquic ancoc coo, apvanacpec najan Ingyapam aptomja seyapajascama coo —alhta aptomjac.

SAN JUAN 14:1

Aptomjac alhta mocjam Jesús: —Nocoltamjam nasa apquilvalhoc. Noelyasquim nasa Dios Ingyapam. Nojelyasquim coo lha.

SAN JUAN 16:14

Colhic sat seyaco ayinyema Espíritu apvisay Singilmalhnesquiscama. Ayinyemaclha elhcac sat amyaa ajanco, yoyam ellhicmocsic quellhip.

SAN JUAN 17:10

Aclhamoclhojo asoc ajancaoc actomja lhip apancaoc. Najan lhip asoc apancaoc actomja coo lha asoc ajancaoc. Yitnec apquilvalhoc as enlhitaoc gloria sictamila ayinyema netin, yoyam elpayecsic lhalhma anco.

ROMANOS 15:12

Aptomjac nic nat Isaías profeta Dios aplingascama: Etyamoc sat Isaí aptavin niptamin. Etnejic sat apvisqui nipyesicsa enlhitaoc lhalhma anco. Coytic sat aljalhneycam apquilvalhoc aplhamoclhojo enlhitaoc —nic nat aptomjac.

ROMANOS 6:22

Moc actemaclha quilhvo nac jay. Inmasquec actomja apquilmomap quellhip ayinyema melyascalhma. Quilhvoc apquiltomja Apvisqui apancaoc Dios yoyam elanam quellhip. Cotnejic sat yoyam eltimjic quellhip apquiltamila napato Dios. Ellhovac sat acyimnatem apnenyaoc cotmongvoycamlha nelha.

ROMANOS 8:9

Apquilvatsamquic quellhip apquilyiplovquiscama apquiltemaclha apanco. Apquilyiplovcasquic quellhip actemaclha ayinyema Espíritu apanco Dios. Ayinyemaclha apnec apquilvalhoc quellhip Espíritu apanco Dios. Am sat ancoc elhnac ingvalhoc Espíritu apanco Cristo, mongvanquejec ontimjic apmolhama.

1 CORINTIOS 1:3

Altamjoc coo yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam najan Jesucristo Visqui ingac.

1 CORINTIOS 10:31

Actomjac coo silanya quellhip: Eltime sat mataa apquilayo Dios naysicsa aptoycaoc najan naysicsa apyinaycaoc najan naysicsa apquiltingyey moc asoc.

1 CORINTIOS 16:22

Am sat ancoc colcac apvalhoc enlhit Jesucristo Visqui ingac, etvasacpoc sat. Lhip Visqui ingac, ingyilhyim.

1 CORINTIOS 6:19

¿Am ya elyasamcoc quellhip apquilyovoclhojo aptomja Espíritu Santo tingma pac aptomja apponquinomap? Apnec apquilvalhoc quellhip Espíritu Santo Dios apmescama. Colapvanquejec quellhip ellanac apquiltamjoclha ellana.

2 CORINTIOS 1:9

Inquitlhincasquic alhta yoyam ongitsapoc. Eycaso actemaclha alhta yoyam ongilyasingvomoc mongyasquiyam Dios aptomja aplhaticjasquiyam apquilmasquingvaycmo. Yoyam monlhenamejec actemaclha ningmovan inganco.

2 CORINTIOS 13:14

Altamjoc yoyam ellhovac quellhip apcaycaoc ayinyema Jesucristo Visqui ingac. Yoyam ellhovac singasicjayo ayinyema Dios najan yoyam epasmoc sat Espíritu Santo. Amén.

2 CORINTIOS 5:14

Actomjac coo silanya quellhip: Singasicjayo ayinyema Cristo actomja singyimnatescama. Inlhenquic mataa ingvalhoc nincoo: Lhama aptomja apquitsepma acyanmongam aplhamoclhojo enlhitaoc. Eycaso ayinyema apquiltomja malha apquilitsepma lhama Cristo aplhamoclhojo enlhitaoc.

2 CORINTIOS 5:19

Dios aptomja aptimesquiscama apcasicjayclho aplhamoclhojo enlhitaoc lhalhma anco ayinyema Cristo. Am alhta elyipsatac Dios melyascalhma enlhitaoc. Ingilasinaquic nincoo yoyam ongilpayecsic as amyaa actemaclha singasicjayclho mocjam.

EFESIOS 6:24

Altamjoc coo yoyam epasmoc Dios Ingyapam aplhamoclhojo apquiltomja apquilasicjayo Jesucristo Visqui ingac, apquiltomja apquilinlhanyacmo. Amén.

2 TIMOTEO 1:12

Eycaso ayinyema siclingaycamco acmasca quilhvo nac jay. Am eyca omancac naysicsa siclingaycamco acmasca. Acyasamcoc coo apna semasma, sictomja moyasquiyam. Yitnec apmopvan yoyam emyoc asoc siclhoy coo acvocmo acnim apvoyctamlha sat.

HEBREOS 1:6

Apyantementac sat ancoc Dios yoyam evotac Apquitca as nalhpop apvisay siclha acvitay. Aplhenquic nic nat: Elpayicsojoc sat Sictamongvoyam aplhamoclhojo ángeles —nic nat aptomjac.

2 SAN PEDRO 1:1

Coo nac Simón Pedro, sictimem silancam najan sictimem apóstol siyapajasomalhca ayinyema Jesucristo. Actalhoscasquic as vaycajac quellhip, ayinyemaclha acyitna melyasquiyam quellhip acno nincoo lha, actomja malha asoc acmamnave. Mongyasquiyam ayinyema Dios najan Jesucristo singvomquiscama tap aptomja appeyvomo.

2 SAN PEDRO 3:18

Elyasingvom sat mocjam actemaclha singasicjayo Jesucristo Visqui ingac aptomja singvomquiscama tap. Pac ongiltimjic ningilayo Visqui ingac quilhvo nac jay acvocmo actamongvomlha nelha acnim. Amén.

1 SAN JUAN 2:23

Mongiltomja Ingyapam apquitquic naysicsa ninganem colhic acyascacmo Apquitca. Eyca ninlhenquic sat ancoc apvisay Apquitca, ongiltimjic sat Ingyapam apquitquic.

2 SAN JUAN 1:9

Apyitnocjasquic sat ancoc enlhit actemaclha singillhicmoscama Cristo, eyca as metnaja apyipitcayo Dios. Apquilinlhanacmec sat ancoc actemaclha singillhicmoscama Cristo, eyca as aptomja apyipitcayo Dios Ingyapam najan Apquitca.