SAN JUAN 5:22 - Enhlit Bible

²² Meyanmongsiclheje coo Tata apquiltemaclha enlhitaoc. Eyasinaquic alhta otnejic silyicpilquemo enlhitaoc.

SAN JUAN 5:22 Iomraidhean Croise

SALMOS 96:13

Cotnejic sat malha ayitsovascama naysicsa apquilhyam Visqui ingac. Naso, apquilhyacme yoyam etnejic Visqui ingac. Etnejic sat Visqui ingac ningileyvam lhalhma anco. Acyiplomo actemaclha appeyvomo najan actomja nasoc anco.

SALMOS 98:9

Evotac sat Visqui ingac. Elanic (apcanamaclha) sat apyovoclhojo enlhitaoc as nalhpop. Etnejic sat Visqui apyicpilquemo appeyvomo. Nipyesicsa enlhitaoc apquileyvam lhalhma anco as nalhpop.

ECLESIASTÉS 11:9

Lhip apyimnanic, copayjiclha sat apvalhoc aclhamoclhojo acnim, etingyac asoc altamila. Iyiplovcasojo aclhanmaclha apvalhoc. Noncolvonquim nasa lhip, ingyatingmojoc sat napato Dios, apquilmalhneclho inlhojo lhip aptemaclha.

ECLESIASTÉS 12:14

Epquiniclhac sat ayalhnaclhojo ingvalhoc Dios, acyovoclhojo nintemaclha actamila najan acyovoclhojo nintemaclha almasomcaa, najan nintemaclha acyilhamalhca as ningvamlha nac jay.

SAN MATEO 11:27

‘Aptomjac alhta Jesús apquilanya: Elmesquic coo Tata aclhamoclhojo asoc sicmovan. Paj lhama apyascamco sicvisay Apquitca. Apvamlha coo Tata apyasamco. Paj lhama apyascamco apvisay coo Tata. Acvamlha coo sicyascamco apvisay coo Tata. Najan maa apquilyasamcoc sictomja silyascasingviyam apvisay coo Tata.

SAN MATEO 16:27

Coo sicvisay Sictiyam Sictomja Enlhit. Ovotac sat naysicsa gloria mayayo apanco Tata najan apquillhalhmaa sat ángeles Dios apquilasinancama. Olmesic sat acyanmongam actemaclha apquiltamjaycam moclhama enlhit.

SAN MATEO 28:18

Yejemoc alhta apyoctamo Jesús apquiltamsoycaoc. Aptomjac alhta Jesús apquilanya: —Emcasquic coo Dios Ingyapam sicmovan aclhamoclhojo asoc netin najan nalhpop.

SAN JUAN 17:2

Eyasinaquic lhip otnejic sicyimtalhnamo nipyesicsa aplhamoclhojo enlhitaoc. Yoyam olmesic aclhamoclhojo asoc ayinyema lhip: Acvisay acyimnatem ingnenyic cotmongvoycamlha nelha. Ellhovac sat aplhamoclhojo enlhit selmescama lhip.

SAN JUAN 3:35

Apcasicjavoc mataa Ingyapam Apquitca. Apmescama apmopvan Apquitca, yoyam eltamilsic aclhamoclhojo asoc apancaoc.

SAN JUAN 5:27

Emcasquic sicmovan otnejic silyicpilquemo enlhitaoc, ayinyemaclha coo sicvisay Sictiyam Sictomja Enlhit.

SAN JUAN 9:39

Aptomjac alhta Jesús apquillhicmosa amyaa: —Acvaac coo as nalhpop, yoyam olyicpilcojo apquiltemaclha enlhit. Yoyam elviticlha olhma enlhit mepqui apataoc. Yoyam etniclhac mepqui apataoc enlhit apvitay olhma —alhta aptomjac.

LOS HECHOS 10:42

Ingilasinaquic nincoo Jesús ongiltimnacsic tasic amyaa. Apquiltamjoc onlingacsic apvisay. Ayinyemaclha Dios Ingyapam apquiltemo etnejic Jesús singyicpilquemo ningiltomja ingjalhnancaoc najan apquilmasquingvaycmo.

LOS HECHOS 17:31

Aplhencasquic Dios Ingyapam lhama acnim, yoyam jingilyicpilcojo ningilanalhco lhalhma anco. Inpeyvoc anco apquilyicpilquemo. Apyacyesquic Dios Ingyapam lhama enlhit, yoyam etnejic singyicpilquemo. Metnatsacpejec sat maa, ayinyemaclha aplhaticjasquiyam nipyesicsa apquilmasquingvaycmo —alhta aptomjac Pablo.

ROMANOS 2:16

Covac sat acnim yoyam elyicpilcojo Dios apquiltemaclha enlhitaoc. Epquiniclhac sat ayalhnaclhojo alquitamsama apquilvalhoc enlhitaoc ayinyema Jesucristo. Acno mataa sillhicmoscama quellhip tasic amyaa.

2 CORINTIOS 5:10

Incaymalhquic nincoo ningilanalhco ongilvoclha apnaclha Cristo apna netin aptajanem singyicpilquemoclha. Moclhama enlhit ellhovac sat acyanmongam ayinyema actamila apquiltemaclha naysicsa apquileyvam. Poc sat elvita acyanmongayclha ayinyema apquiltemaclha acmasom naysicsa apquileyvam as nalhpop.

2 TIMOTEO 4:1

Actomjac coo siyanya lhip actemaclha siyasinaycam. Aplingac sicpayvam Dios najan Jesucristo yoyam evotac sat mocjam etnejic Apvisqui. Yoyam elyicpilcojoc sat enlhit apjalhnancaoc najan apquilmasquingvaycmo.

1 SAN PEDRO 4:5

Colhic sat acnalaclho apnaclha singyicpilquemo yoyam elyicpilcojo aplhamoclhojo, najan apjalhnancaoc najan apquilmasquingvaycmo nano.