SAN JUAN 5:20 - Enhlit Bible

²⁰ Eyasicjavoc coo Tata. Elhicmosquic coo aclhamoclhojo actemaclha aptamjaycam apanco. Jelhicmocsic sat mocjam asoc alyiviy, yoyam cotlapsic sat quellhip apquilvitay.

SAN JUAN 5:20 Iomraidhean Croise

SAN MATEO 11:27

‘Aptomjac alhta Jesús apquilanya: Elmesquic coo Tata aclhamoclhojo asoc sicmovan. Paj lhama apyascamco sicvisay Apquitca. Apvamlha coo Tata apyasamco. Paj lhama apyascamco apvisay coo Tata. Acvamlha coo sicyascamco apvisay coo Tata. Najan maa apquilyasamcoc sictomja silyascasingviyam apvisay coo Tata.

SAN MATEO 17:5

Pilapcasquic alhta ayajapvaa yipjopay alyinmom naysicsa appamejitquiscama Pedro. Intipquic alhta appayvam naysicsa yipjopay: —Eycaso sictamongvoyam siyasicjayo, elaylhojo sat appayvam —alhta intomjac amyaa.,

SAN MATEO 3:17

Pilapcasquic alhta ayinyema netin lhama appayvam: —Lhip nac Sictamongvoyam siyasicjayo, acyispaquic lhip —alhta intomjac appayvam.

SAN MATEO 4:8

Yejemoc alhta acyantamaclho yavey Jesús netin inquilhe acvinatem. Inlhicmosquic alhta aclhamoclhojo apquilviscaa yoclhilhma apancaoc lhalhma anco najan aclhamoclhojo apquilnatam.

SAN LUCAS 10:22

“Elmesquic coo Tata aclhamoclhojo asoc sicmovan. Paj lhama apyascamco sicvisay Apquitca. Apvamlha coo Tata apyasamco. Paj lhama apyascamco apvisay coo Tata. Acvamlha coo sicyascamco apvisay coo Tata. Najan maa apquilyasamcoc sictomja silyascasingviyam apvisay coo Tata —alhta aptomjac Jesús.

SAN JUAN 1:18

Am nic nat etamacpoc Dios Ingyapam acvocmo ningvamlha nac jay. Apvamlha pac lhama Apquitca aptomja apyipitcayo Apyap, aptomja singillhicmoscama aptemaclha apanco Dios Ingyapam —alhta aptomjac Juan.

SAN JUAN 10:32

Aptomjac alhta Jesús apquilanya judíos: —Allhicmosqui inyicje quellhip aclhamoclhojo sictamjaycam altamila alinyema coo Tata. ¿Soctomja apquililtamjo nac jelajic? —alhta aptomjac.

SAN JUAN 14:12

Actomjac coo silanya quellhip: Naso, am sat ancoc jeyascacmoc enlhit, elhnasojoc sat actemaclha sictamjaycam. Ellanac sat najan asoc alyiviy, am colhno aso. Ayinyemaclha omyaclhac sat apnaclha coo Tata.

SAN JUAN 15:15

Jave quellhip selancam, ayinyemaclha am eyasamcoc mataa apquilancam yoyam ellanac apvisqui pac. Altimec coo quellhip enaymacoc, ayinyemaclha acyascasingvocmec quellhip aclhamoclhojo asoc siclingay ayinyema coo Tata.

SAN JUAN 17:26

Alyascasingvocmec alhta as enlhitaoc lhip apvisay. Olinlhanmojoc sat mocjam, yoyam olyascasingvomoc. Altamjoc yoyam colmoc apquilvalhoc lhip apcasicjayo, acno siyasicjamalhco coo. Altamjoc elyipitcojoc mataa as enlhitaoc —alhta aptomjac apquilmalhnancama.

SAN JUAN 3:35

Apcasicjavoc mataa Ingyapam Apquitca. Apmescama apmopvan Apquitca, yoyam eltamilsic aclhamoclhojo asoc apancaoc.

SAN JUAN 5:21

Apnalhaticjascacmec coo Tata enlhit apquilmasquingvaycmo. Apquilyimnatescasquic apnenyaoc. Acno coo lha, evanquic olyimnaticsic apnenyaoc enlhitaoc siltamjoclha olmesic.

SAN JUAN 5:25

Actomjac coo silanya quellhip: Covac sat acnim, invaac quilhvo nac jay, yoyam ellingac sat enlhit apquilmasquingvaycmo coo sicpayvam sicvisay Dios Apquitca. Colhic sat acyimnatem apnenyaoc apquiltomja apquilyajayquiclho sicpayvam.

SAN JUAN 5:29

Elanteypoc sat tacjalhpopayc. Enalhaticjangvomoc sat enlhit apquilyiplovquiscama mataa asoc altamila. Colhic sat acyimnatem apnenyaoc. Enalhaticjangvomoc sat enlhit apquilyiplovquiscama mataa asoc almasomcaa. Elnatovasacpoc sat —alhta aptomjac Jesús.

2 SAN PEDRO 1:17

Ningvitac alhta nincoo actemaclha Dios Ingyapam aptimesquiscama apcayo Apquitca. Aptomjac alhta appayvam Dios apna ayitsayoclhilhma: “Eycaso sictamongvoyam siyasicjayo, acyispaquic coo aptemaclha” —alhta intomjac appayvam.