SAN JUAN 5:16 - Enhlit Bible

¹⁶ Aptanovacpec alhta Jesús. Apquililtamjoc alhta elajic Jesús, ayinyemaclha apquilvita actemaclha aptamilquisquiyam acnim ningnayclha.

SAN JUAN 5:16 Iomraidhean Croise

SAN MATEO 12:13

Aptomjac alhta Jesús apcanya enlhit acyamay apmic: —Ipeyvas apmic —alhta aptomjac. Yejemoc alhta appeyvesa apmic. Intamilaclhec alhta apmic, innaclhoc alhta moc apmic.

SAN MARCOS 3:6

Yejemoc alhta apquilantepa fariseos. Apquilpamejitsacpec alhta Herodes apnaymacoc. Apquililtamjoc alhta elajic Jesús.

SAN LUCAS 6:11

Apquillovquic alhta. Apquilpamejitsacpec alhta aplhenacpo Jesús: —¿Jalhco sat ontimjic as enlhit? —alhta apquiltomjac apquilpamesma.

SAN JUAN 1:19

Eycaso actomja alhta Juan aplingascama amyaa. Apnam alhta judíos tingma Jerusalén. Apquilapajasquic alhta sacerdotes najan levitas apnaclha Juan. Apquiltomjac alhta apquilanya: —¿Soc enlhit lhip qui? —alhta apquiltomjac.

SAN JUAN 10:39

Apquililtamjoc alhta judíos elmoc mocjam Jesús. Apquilpoctacmec alhta.

SAN JUAN 15:20

Collhen apquilvalhoc (colyit apatic) quellhip sictomjaclha alhta silanya: “Apyimtalhnamo nac apvisqui, am elhno apquilancam.” Actovasalhquic alhta coo, elnatovasacpoc sat quellhip lha nipyesicsa enlhit lhalhma anco. Apquilyiplovcasquic alhta enlhit coo sicpayvam, colhic sat acyiplovcaso actemaclha apquilpayvam quellhip.

SAN JUAN 5:10

Apquiltomjac alhta judíos apquilanya aptamalviyam: —Acnim ningnayclha intomjac. Copvanquejec lhip esovm aptajanma acnim nac jay —alhta apquiltomjac.

SAN JUAN 5:13

Apvonquipquic alhta Jesús. Ayinyemaclha aplhamoc alhta enlhitaoc. Am alhta eyasamcoc as enlhit aptomja aptamilquisquiyam.

SAN JUAN 5:15

Yejemoc alhta aplhinga enlhit. Apquiltimnasquiclhec alhta judíos apvisay Jesús aptomja aptamilquisquiyam.

SAN JUAN 5:17

Aptomjac alhta Jesús: —Aptamjaycam nic nat mataa coo Tata najan quilhvo nac jay. Sictamjaycam coo lha —alhta aptomjac.

SAN JUAN 5:18

Inyangvocmec alhta apquillom enlhitaoc. Apquililtamjoc alhta elajic Jesús. Jave acvamlha ayinyema aptovascama acnim ningnayclha. Eyca ayinyema najan aplhanma aptomja apyap apanco Dios Ingyapam. Apquilanayquic alhta elhnesacpoc apanco Dios Ingyapam.

SAN JUAN 7:21

Aptomjac alhta Jesús apquilanya enlhitaoc: —Pilapcasquic alhta quellhip apquilvita lhama anco asoc sillanay acnim ningnayclha.

SAN JUAN 7:25

Apnam alhta enlhit apquilinyema tingma Jerusalén. Apquilpamejitsacpec alhta: —¿Jave ya enlhit apquitamacpo, yoyam alhta ematong? —alhta apquiltomjac.