SAN JUAN 4:48 - Enhlit Bible

⁴⁸ Apcatingmavoc alhta Jesús: —Am sat ancoc elvitac quellhip ollanac asoc monquinatquiscama najan asoc sinpilapquiscama, elyascomoc mataa quellhip —alhta aptomjac.

SAN JUAN 4:48 Iomraidhean Croise

DANIEL 4:2

Elyasamcojo quellhip aptamjaycam simpilapquiscama, setnesquiscama alhta Dios apna netin.

DANIEL 6:27

Dios aptomja singvomquiscama tap najan singmasma. Yitnec aptamjaycam simpilapquiscama netin najan as nalhpop. Aptomja apvomquiscama tap congne malhic Daniel, naysicsa asoc navjac aclom yamacmeyva — nic nat intomjac amyaa actalhesomalhca.

NÚMEROS 14:11

Aptomjac nic nat Dios apcanya Moisés: —¿Jalhco sat acvam comascoc selvinnéycam as enlhitaoc? ¿Jalhco sat acvam comascoc selyasquiyam? Allanac alhta coo aclhamoclhojo asoc monquinatquiscama nipyesicsa.

SAN MATEO 16:1

Natamin alhta apquilvaa fariseos najan saduceos apnaclha Jesús. Apquililtamjoc alhta elyipconic Jesús. Apquililtamjoc alhta elvitac asoc monquinatquiscama ayinyema netin.

SAN MATEO 24:24

Elilhyemoc sat enlhit apquiltimesomap apanco Cristo najan apquilsoycam apquilmopvan amyaa. Ellhicmocsic sat asoc monquinatquiscama najan apquiltamjaycam sinpilapquiscama. Apquililtamjo inyicje elyinimsic Dios apquitquic apquilyacyesomap.

SAN MATEO 27:42

—Apquilvomcasquic alhta tap apnaymacoc. Am eyca copvanac evomsacpojo apanco tap. Nasoc sat ancoc aptomja Israel apvisqui apancaoc, ingyane sat etyapoc asoc timyescama. Mongilyascamejec sat nincoo aptomja Dios Apquitca.

SAN MARCOS 13:22

Elilhyemoc sat enlhit apquiltimesomap apanco Cristo najan profeta apmopvancaa amyaa. Ellhicmocsic sat asoc monquinatquiscama najan tamjaycam sinpilapquiscama. Apquililtamjo inyicje elyinimsic Dios apquitquic apquilyacyesomap.

SAN LUCAS 10:18

Apcatingmavoc alhta Jesús: —Eje, acvita inyicje Satanás, malha alyinmom, malha nata actiyam ayinyema netin.

SAN LUCAS 16:31

Aptomjac nic nat apcanya Abraham: “Am sat ancoc eljalhnoc maa Moisés najan profetas appayvam Dios apquillingascama, covocmojo apquilvalhoc appayvam aptomja aplhaticjangviyam nipyesicsa apquilmasquingvaycmo” —nic nat aptomjac.

SAN JUAN 12:37

Inlhamoc alhta aptamjaycam sinpilapquiscama apquillanay Jesús napatavo enlhitaoc. Apquilyascacmec alhta mataa enlhitaoc.

SAN JUAN 15:24

Am alhta copvanac poc enlhit ellanac aptamjaycam sinpilapquiscama. Am alhta ancoc ollanac coo sictamjaycam sinpilapquiscama, colhenalhquejec alhta melyascalhma apancaoc. Apquilvita eyca as enlhitaoc aclhamoclhojo asoc. Actanovalhquic coo, aptanovacpec najan coo Tata nipyesicsa as enlhitaoc.

SAN JUAN 2:18

Apquilatingmavoc alhta judíos. Apquiltomjac alhta apquilanya Jesús: —¿Soc ayanem lhip ellanac as asoc? ¿Jalhco actema asoc monquinatquiscama pa jinlhicmocsic? —alhta apquiltomjac.

SAN JUAN 20:29

Aptomjac alhta Jesús apcanya: —Am eyascacmoc lhip, ayinyemaclha setaa coo. Apquilinyejemo nac enlhit aptomja meyasquiyam, aptomja mejetay coo —alhta aptomjac.

SAN JUAN 4:49

Aptomjac alhta apcanya yatapvisqui: —Visqui, ipecjesam etyaningvomjo yicpintama ingyitsapoc sictamongvoyam —alhta aptomjac.

LOS HECHOS 14:3

Acvoncaclho alhta apnaycam Pablo najan Bernabé. Apquiltimnam alhta amyaa mepqui apquillay. Am alhta elyascacmoc Visqui ingac. Apyimnatescasquic alhta almam apquilvalhoc actemaclha appayvam Visqui ingac (Dios). Apmesquic alhta apquilmopvan, yoyam ellanac asoc monquinatquiscama najan asoc sinpilapquiscama.

LOS HECHOS 15:12

Apquilvanmamquic alhta aplhamoclhojo enlhit. Apquiljalhnoc alhta apquiltimnaycam Bernabé najan Pablo. Apquililtimnasam alhta asoc monquinatquiscama najan asoc sinpilapquiscama nipyesicsa metnaja judíos. Dios Ingyapam alhta inquinyemac apcanem ellana.

LOS HECHOS 2:19

Otnesquisic sat asoc sinpilapquiscama netin. Najan asoc monquinatquiscama as nalhpop: ema najan talha najan acpanma etin.

LOS HECHOS 2:22

“Quellhip enlhitaoc Israel, elaylhojo sicpayvam. Pac olhenic Jesús co Nazaret. Apcasinaquic alhta Dios Ingyapam. Apquiltamjoc alhta etnejic apmopvan aptamjaycam najan aptamjaycam sinpilapquiscama najan asoc monquinatquiscama nipyesicsa quellhip. Eycaso apquilyasamcoc quellhip aptomjaclha Dios Ingyapam.

LOS HECHOS 2:43

Apquilangvocmec alhta aplhamoclhojo enlhit. Apquillhamasoc alhta apquiltamjaycam sinpilapquiscama najan asoc monquinatquiscama apóstoles apquilapajasomap.

LOS HECHOS 4:30

Ipayes sat lhip apmic. Apmopvan yoyam eltamalvocmoc acmasca apyimpeoc. Ingyane sat cotnejic asoc monquinatquiscama najan tamjaycam sinpilapquiscama ayinyema apvisay Jesús, lhip Apquitca apponquinomap —alhta intomjac apquilmalhnancama.

LOS HECHOS 5:12

Invitalhquic alhta nipyesicsa enlhitaoc aclhamoclhojo asoc monquinatquiscama najan asoc sinpilapquiscama ayinyema alhta apóstoles apquilapajasomap. Apcaneclhec alhta mataa apquilanomacpo congne tingma apvisay Salomón.

LOS HECHOS 6:8

Apnec alhta Esteban. Apmopvan alhta innac ayinyema Dios Ingyapam. Appasmec alhta mataa Dios Ingyapam. Apquillanac alhta asoc sinpilapquiscama najan asoc monquinatquiscama nipyesicsa enlhitaoc.

LOS HECHOS 7:36

Apnalovsingvocmec nic nat Moisés ningilyeyjamcaa yoclhilhma Egipto. Apquillanac nic nat asoc sinpilapquiscama najan asoc monquinatquiscama yoclhilhma Egipto. Najan maa acyitnamaclha Yingmin Acyilhvasem, najan yoclhilhma actamopeycaoc cuarenta años.

ROMANOS 15:19

Inyiplovcoc alhta asoc monquinatquiscama najan tamjaycam sinpilapquiscama ayinyema apmopvan Espíritu Santo. Aclingasquic alhta tasic amyaa ayinyema Cristo, ayenmo tingma Jerusalén najan moc yoclhilhma acvocmo yoclhilhma Ilírico.

1 CORINTIOS 1:22

Apquililtamjoc mataa judíos elvitac tamjaycam sinpilapquiscama. Apquililtamjoc mataa griegos metnaja judíos elvitac actemaclha apquilyascamco lhalhma anco.

2 CORINTIOS 12:12

Am alhta elquinatcasac quellhip sictomja nasoc anco apóstol siyapajasomalhca. Apquilvitac alhta sictemaclha silinlhanyacmo nipyesicsa quellhip. Apquilvitac alhta quellhip asoc monquinatquiscama najan asoc sinpilapquiscama najan tamjaycam sinpilapquiscama ayinyema Dios apmopvan.

2 TESALONICENSES 2:9

Etacpoc sat mongyascalhma inyap apyimtalhnesomacpo ayinyema acmovanesquiscama yavey Satanás. Cotalhcac sat actemaclha apmopvan najan actemaclha asoc monquinatquiscama najan aptamjaycam sinpilapquiscama actomja acmovan amyaa.

HEBREOS 2:4

Najan Dios aptomja singlingascama. Aptimescasquic alhta Dios nasoc anco apquillingascama apquilancam ayinyema asoc monquinatquiscama apquillanay alhta najan ayinyema aptamjaycam sinpilapquiscama. Najan ayinyema apmopvan Espíritu Santo, ayinyema apmayjayoclha apanco Dios.