SAN JUAN 4:46 - Enhlit Bible

⁴⁶ Apvoctac alhta mocjam Jesús tingma Caná yoclhilhma Galilea. Tingma Caná actomjayclha alhta siclho yingmin uva yingmenic. Apnec alhta tingma Capernaum lhama enlhit aptomja yatapvisqui. Ningmasquem alhta incajac apquitca.

SAN JUAN 4:46 Iomraidhean Croise

SALMOS 50:15

Jelilmalhnam coo naysicsa apquillingaycamco acyimtalhnama. Olvomsic sat tap quellhip, yoyam jeltimjic selayo quellhip — alhta aptomjac Visqui ingac Dios.

SALMOS 78:34

Pilapcasquic nic nat apquilvita apticyovam. Dios nic nat aplhenacpoc. Apquilpecjasquic nic nat aptingyeycaoc mocjam Dios Visqui ingac.

OSEAS 5:15

Otajojoc sat mocjam siyinyemayaclha. Elyicpilcangvomoc sat apquiltemaclha apquilsilhnanomap apanco. Jeltiyaningvotac sat enlhitaoc naysicsa ayay apquilvalhoc — alhta aptomjac Dios Apyimtalhnamo — nic nat aptomjac profeta.

SAN MATEO 15:22

Pilapcasquic alhta acvitalhco quilvana co Canaán, alpalhamamcaa alhta: —¡Visqui, David apquitca, jeyimlimojo coo! Somquic quilyicjamo actovascama sictamongvoyam. Avanjec ayasquiscama ayimpejic —alhta intomjac.

SAN MATEO 4:13

Am alhta elhnac mocjam Jesús tingma Nazaret. Apnacmec alhta tingma Capernaum nicja acyayengviyam. Yoclhilhma apcaoclha ilhnic nat Zabulón najan Neftalí.

SAN MATEO 9:18

Naysicsa aplhanma alhta Jesús as asoc apvaa lhama enlhit apquimja apmamyi apcaneyquiclhilha. Apquilpolingvaac alhta apnaclha Jesús: —Visqui, pa incotsapoc sictamongvoyam. Ityaningvomjo sat lhip. Ininquin sat apmeoc tacjalhit. Coyimnavomoc sat mocjam —alhta aptomjac.

SAN LUCAS 4:23

Apcatingmavoc alhta Jesús: —Jeltimnacsic sat quellhip actemaclha nimpayvam inganco: “Panatem inyap, itamilcasacpojo apanco. Ninlingac alhta apvisay aptamjaycam tingma Capernaum. Ilhnasojo sat najan aptamjaycam as apcaoclha apanco” —sat eltimjic jelanic.

SAN LUCAS 7:2

Apnec alhta maa lhama capitán co Roma. Ningmasquem alhta incajac apquilancam. Quitlhincasquic alhta ingyitsapoc. Apcasicjavoc alhta Jesús.

SAN LUCAS 8:42

Lhama alhta apquitca as enlhit. Quilvana ayitcoc alhta. Invocmec alhta doce años. Pac alhta incotsapoc apquitca. Apyiplaclhec alhta Jesús najan appintalhnama enlhit. Apquilyingamquic alhta naysicsa aplhingam.

SAN JUAN 2:12

Natamin alhta apmiyaclho Jesús tingma Capernaum. Inquin alhta aplhalhma najan apquilyalhinga najan apquiltamsoycaoc. Malha anit acnim alhta intomjac apnaycam maa.

SAN JUAN 21:2

Eycaso actomja alhta aplhicmosomap: Apquilpasmec alhta Simón Pedro najan Tomás, moc apvisay Gemelo, najan Natanael apquinyema Caná de Galilea najan Zebedeo apquitquic apcanit najan mocjam poc apcanit apquiltamsoycaoc.

JOSUÉ 19:28

Abdón, najan Rehob, najan Hamón, najan Caná, acvaycmo tingma apvanyam Sidón.