SAN JUAN 4:42 - Enhlit Bible

⁴² Apquiltomjac alhta apquilanya quilvana: —Quilhvo ningiltomja mongyasquiyam, jave ayinyema lhiya acpayvam. Ayinyema eyca ninlingay inganco appayvam apanco. Ningyasamcoc nincoo aptomja nasoc anco Cristo, apquilvomquiscama tap enlhit lhalhma anco.

SAN JUAN 4:42 Iomraidhean Croise

ISAÍAS 45:22

Elyanmonquis sat apquilvalhoc yoyam elvomsacpoc tap quellhip apquileyvam lhalhma anco. Coo sicvamlha Dios, paj poc lhalhma anco.

ISAÍAS 52:10

Apvitascasquic actemaclha apyimnatem, malha apyascama netin apmic. Apquilvitac aplhamoclhojo enlhitaoc lhalhma anco. Apquilanoc singvomquiscama tap apquinyema Dios Visqui ingac.

SAN MATEO 1:21

Cotimsic sat ayitca apquinavo. Iltime sat apvisay JESUS. Elvomsic sat tap apnaymacoc enlhitaoc. Elmascocsic sat melyascalhma enlhitaoc —alhta intomjac apvanmoncama.

SAN LUCAS 2:32

Aptomja malha ayitsayolhma, yoyam colsasquisalhma enlhit metnaja judíos. Yoyam elacpojoc enlhitaoc Israel, lhip enlhit apancaoc —alhta aptomjac Simeón.

SAN JUAN 1:29

Moc acnim alhta intomjac. Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo. Aptomja sat apmascoscama melyascalhma enlhit lhalhma anco, malha nipquesic apquitcoc apquilmesomap enlhitaoc. Eyca as aptomja nipquesic apquitcoc Dios apmescama.

SAN JUAN 11:17

Lhama alhta apvoclho Jesús apquitsepmaclha Lázaro. Aplingac alhta amyaa acvocmo cuatro acnim apcatongnomap.

SAN JUAN 17:8

Altimnasquic alhta mataa lhip appayvam simquescama coo. Inquilmec alhta apquilvalhoc lhip appayvam. Apquilyasingvocmec alhta as enlhitaoc siyinyema coo lhip. Am alhta elyascacmoc as enlhitaoc, lhip aptomja seyapajascama.

SAN JUAN 4:29

—Ingva, eltiyaningvomjo siclho lhama enlhit. Eltimnasquic lhac aclhamoclhojo sictemaclha ajanco. ¿Jave ya lhaja Cristo? —alhta intomjac.

SAN JUAN 4:41

Melyasquiyam apquiltomja aplhamoclhojo enlhit apquillinga actomjaclha appayvam Jesús.

LOS HECHOS 13:23

David aptavin niptamin as enlhit apvisay Jesús. Aptomjac enlhitaoc Israel apquilvomquiscama tap. Dios Ingyapam aptimesquiscama. Actemaclha ilhnic nat appayvam aplhanma Dios Ingyapam.

LOS HECHOS 4:12

Paj poc singvomquiscama tap. Paj najan moc apvisay ninlhanma as nalhpop nipyesicsa enlhitaoc actemaclha singvomquiscama tap.

LOS HECHOS 5:31

Dios Ingyapam aptimesquiscama alhta apyimtalhnamo, aptomja Apvisqui najan Singvomquiscama tap. Apquiltamjoc yoyam elyanmongsic apquilvalhoc enlhitaoc Israel, yoyam colmascosalhca melyascalhma.

2 CORINTIOS 5:19

Dios aptomja aptimesquiscama apcasicjayclho aplhamoclhojo enlhitaoc lhalhma anco ayinyema Cristo. Am alhta elyipsatac Dios melyascalhma enlhitaoc. Ingilasinaquic nincoo yoyam ongilpayecsic as amyaa actemaclha singasicjayclho mocjam.

1 TIMOTEO 4:10

Eycaso ayinyema actemaclha ningiltamjaycam najan actemaclha ningvascapma, malha ningilnapomalhca. Ayinyemaclha yitnec nincoo aljalhanma ingvalhoc Dios aptomja mengyitsepma. Aptomja apmamyi singvomquiscama tap ningiltomja mongyasquiyam. Aptomja najan apquilvomquiscama tap aplhamoclhojo enlhitaoc.

1 SAN JUAN 2:2

Apyinyovacpec Jesucristo aptomja macmescama Dios acyanmongam mongilyascalhma. Jave acvamlha acyanmongam mongilyascalhma nincoo. Najan lha acyanmongam melyascalhma enlhitaoc lhalhma anco.

1 SAN JUAN 4:14

Ningvitac nat nincoo. Ninlingasquic nincoo as amyaa: Apcapajasquic nat Apquitca as nalhpop yoyam elvomsic tap enlhitaoc lhalhma anco.

1 SAN JUAN 5:20

Ningyasamcoc najan: Apvaac nat Dios Apquitca yoyam jingilyascasingvomoc nincoo. Apquiltamjoc ongilyicpilcangvomoc Dios aptomja nasoc anco. Ningilpasmec mataa aptomja nasoc anco apvisay Jesucristo Dios Apquitca. Eyca as apvisay Dios aptomja nasoc anco najan apvisay apyimnatescama ingnenyaoc cotmongvoycamlha nelha.