SAN JUAN 4:22 - Enhlit Bible

²² Am elyasamcoc quellhip co Samaria Ingyapam naysicsa apquilpayescama. Nincoo eyca co Judea ningyasamcoc actemaclha ningilpayescamo Ingyapam. Co Judea inquinyemac actomja ningilvomsomalhca tap.

SAN JUAN 4:22 Iomraidhean Croise

GÉNESIS 49:10

Copvanquejec lhama enlhit eyinyovsic apmaycam apmic memong yayem vajic. Evac sat actomja apancoc apanco memong yayem vajic. Elyejiclhojoc sat aplhamoclhojo enlhitaoc.

ESDRAS 4:2

Apquilmiyaclhec nic nat cotnaja ingmoc apnaclha Zorobabel najan Josué najan apquilviscaa maa. Apquiltomjac nic nat apquilanya: —Jingilane sat ongilpasmoc nincoo lha tingma apponquinomap. Yitnec nincoo lha ningilayo Dios acno apquilayo quellhip. Yitnec mataa ningmescama asoc macmescama Dios, siclhoc nat aptimem apvisqui Esar-hadón, apvisqui co Asiria, aptomja ilhnic nat singnalayquinta as yoclhilhma.

SALMOS 147:19

Visqui ingac ayinyema singanamaclha, apquillhoy nic nat Jacob apquilmolhama (Israel).

SALMOS 68:20

Dios Visqui ingac aptomja singvomquiscama tap. Aptomja singmasma yoyam mongmasquingvomeje.

ISAÍAS 12:2

Dios aptomja sevomquiscama tap, mepqui sicyasquiyam coo, mepqui siyay coo. Visqui ingac aptomja sevomquiscama tap, sictomja sicyilhanmeycam, aptomja seyimnatescama.

ISAÍAS 12:6

Elilpalhamam sat quellhip apnaycam tingma Jerusalén. Apnec nipyesicsa quellhip Dios Visqui ingac aptomja apyimtalhnamo apanco, apvisay Santo mayayo — sat eltimjic quellhip — nic nat aptomjac profeta.

ISAÍAS 2:3

Elvoclhac sat maa aplhamoclhojo enlhitaoc. Eltimjic sat elanic: —Noc, ongilyacsic netin inquilhe actomja Dios apanco. Ongilyacsic sat apmaclha Dios aptomja ningyeyjamcaa Jacob apvisqui pac. Jingillhicmocsic sat actemaclha yoyam ongyiplovcasojo, malha amay ningyiplayclha nincoo. Tingma Jerusalén sat conyemac singanamaclha najan tingma Jerusalén sat conyemac Dios appayvam.

ISAÍAS 46:13

Coo eyca ayinyema apquilvomsomap tap quellhip, ningatoc anco silvomquiscama tap quellhip. Elvitac sat co Jerusalén ningilvomsomalhca tap ayinyema coo. Ellhovamcoc sat israelitas mayayoclha ayinyema coo — alhta aptomjac Visqui ingac — nic nat aptomjac profeta.

ZACARÍAS 9:9

¡Colpayjiclha apquilvalhoc quellhip tingma Sión! ¡Elminaycmas sat naycisa apquilitsovascama, quellhip co Jerusalén! Apquilhyacme Visqui ingac appeyvomo najan apyimnatem. Mepqui ayajamalhco apvalhoc, yamelyeyjaycoc ayitcoc apquinamtem.

SAN LUCAS 24:47

Colngalhcac sat amyaa lhalhma anco. Tingma Jerusalén sat cotyapoc amyaa. Elanyacpoc sat enlhitaoc elyanmongsic apquilvalhoc, yoyam colmascosalhcac melyascalhma.

LOS HECHOS 17:23

Naysicsa sictiyascam natingma acvitangvocmec mataa actemaclha apquilayo quilaycmasquiscama acyitsomalhco dios. Acvitac alhta lhama acvatnamalhquilha. Yitnec alhta actalhesomalhca as appayvam: “Dios Ingyapam meyicpilcomap apanco” —alhta intomjac actalhescama. Apquilacoc mataa quellhip lhama Dios melyicpilquemo. Eycaso aptomja Dios siltimnascama quilhvo quellhip.

LOS HECHOS 17:30

Am colhenam apvalhoc Dios Ingyapam apquiltemaclha ilhnic nat enlhitaoc melyascamco. Quilhvo eyca apquilanyacpo aplhamoclhojo enlhit lhalhma anco, yoyam elyanmongsic apquilvalhoc.

LOS HECHOS 3:26

Aplhaticjascacmec alhta Apquitca Dios Ingyapam. Apcapajascama alhta siclho nipyesicsa quellhip, yoyam epasmoc quellhip. Yoyam etlhamcoc quellhip apquiltemaclha acmasom.

ROMANOS 11:18

Copvanquejec lhip evinam judíos apquiltomja malha yamit ayenomalhca. Aptomjac sat ancoc lhip apvinéycam judíos, iyasamcojo anco: Jave lhip aptomja apyimnatescama inquipmenaoc. Eyca inquipmenaoc actomja acyimnatescama lhip, aptomja lhip malha actong.

HEBREOS 7:14

Ningyasamcoc nincoo, Visqui ingac apquinyema Judá apmolhama. Am nic nat elhenac Moisés yoyam eltimjic Dios apquilancam Judá apmolhama.