SAN JUAN 4:10 - Enhlit Bible

¹⁰ Apcatingmavoc alhta Jesús: —¿Inyasamco ya lhca Dios Ingyapam apcaycaoc? ¿Jeyicpilco ya coo siyanya lhac jeyacvesic yingmin? Ayanayc coo am jeyicpilcac lhiya. Jeyicpilcoc sat ancoc lhiya, quilhvoc sat jeyanic, yoyam omquesic lhiya yingmin actemaclha mongitsepma —alhta aptomjac.

SAN JUAN 4:10 Iomraidhean Croise

SALMOS 10:17

Visqui ingac. Apjalhnoc lhip apquilmalhnancama enlhit conjamalhca apquilvalhoc. Aptamilquiscacmec lhip apquilvalhoc.

SALMOS 46:4

Lhama vatsam actomja acjalhyincayam tingma apvanyam, apmaclha Visqui ingac apyimtalhnamo. Vatsam actingaoc actomja ayitsovasquiscama enlhitaoc.

ÉXODO 17:6

Olaylhic sat lhip mataymong acvinatem (inquilhe) Horeb, moc acvisay Sinaí. Iticpong sat lhip mataymong acvinatem, cotyapoc sat yingmin, elyinamcoc sat enlhitaoc — nic nat aptomjac Dios Apyimtalhnamo. Apyiplovcasquic nic nat Moisés napatavo ningayo apquilvanyam.

LOS CANTARES 4:15

Actiyapmaclha yingmin ayinyema inquilhe Líbano, ningvita as amyip.

ISAÍAS 12:3

Ningilvomsomalhca tap acyitsomalhca acyitnamaclha yingmin, elyinaoc sat quellhip lha acyiplomo acpayjayclha apquilvalhoc.

ISAÍAS 35:6

Elnilhtong sat malha popyit enlhit mepqui alhta apquillhingam. Elpalhamam sat mocjam mepqui alhta apquilpayvam. Cotalhcac sat mocjam acyitnamaclha yingmin yoclhilhma actamopeycaoc, cotniclhac sat ayinyem yingmin.

ISAÍAS 42:6

Coo sicvisay Dios. Ayevam alhta lhip naysicsa siyasicjayo. Acmiyovquic coo lhip sicmaycaoc emic. Actimescasquic lhip aplingascama sicmayjayoclha nipyesicsa enlhitaoc Israel. Actimescasquic lhip apquilsasquiscama olhma nipyesicsa enlhitaoc lhalhma anco.

ISAÍAS 43:20

Coltimjic sat selayo asoc navjac najan vavo najan lhapin. Ayinyema sictipquiscama yingmin yoclhilhma actamopeycaoc najan vatsam yoclhilhma acyamacoclhilhma. Altamjoc elyinamcoc enlhitaoc ajancaoc sictomja silyacyescama.

ISAÍAS 44:3

Oyanquincajac sat yingmin yoclhilhma acyamacoclhilhma. Otipsic sat vatsam acyamayo lhopactic. Opquinic sat Espíritu ajanco apquilvalhoc apquitquic. Ovaticjapsic sat aptovana quilhvoc appaliyam.

ISAÍAS 49:10

Cotnejic sat mepqui mayic quellhip najan mepqui apquilyamay. Cajejec sat acnim najan acmajat quellhip, ayinyema sicmasma coo najan sicnalayclha quellhip actiyapmaclha yingmin, yoyam elyinamcoc.

ISAÍAS 9:6

Aptiyacmec lhama sicaa apquinavo aptomja Dios singmescama. Eyquima aptomja apyimtalhnamo apanco. Apvisay Apmopvan Simpilapquiscama. Moc apvisay Singyascasingviyam. Moc apvisay Dios Apyimtalhnamo. Moc apvisay Dios Netin. Moc apvisay Apquilvinsayclho olhma.

JEREMÍAS 2:13

Yitnec apquilsilhnanomap apanco enlhitaoc ajanco: lhama acvisay selyamasma coo, sicyitsomalhca actiyapmaclha yingmin. Moc acvisay yamyamilquit apquillanay alhta quellhip, actomja acpalhama, mepqui mataa yingmin avalhoc — alhta aptomjac.

EZEQUIEL 16:35

Quip elaylhojo quellhip apquilyitsomacpo quilvana alanatama:

ZACARÍAS 13:1

Aptomjac alhta mocjam Visqui ingac: Coytic sat tingma Jerusalén actiyapmaclha yingmin, actomja ayalhnascama meyascalhma najan apquilsilhnanomap apanco David aptovana niptamin najan apnaycam tingma Jerusalén.

ZACARÍAS 14:8

Cotalhcac sat ayinyem yingmin tingma Jerusalén, najan acmocjitmaclha najan piyam. Conyejic sat nicja yingmin payjoc Mar Muerto (Acyitnamaclha yingmin ápac). Conyejic sat mocjam nicja yingmin payjoc Mediterráneo.

SAN LUCAS 11:13

Quip elanojo. Apsomcavo inyicje quellhip. Apvancaac quellhip elmesamcoc apquitquic asoc altamila. Aptasoc apanco Ingyapam netin. Ningilmalhnaquic ancoc jingilmesic Espíritu Santo, coyangvomoc sat singilmescama —alhta aptomjac Jesús.

SAN JUAN 16:3

Elvajanamcoc sat apquiltemaclha apancaoc. Ayinyemaclha am elyicpilcangvocmoc Dios Ingyapam. Am najan jelyicpilcangvocmoc coo lha.

SAN JUAN 17:3

Apquiltamjoc lhip, yoyam elyicpilcangvomoc enlhitaoc, lhip aptomja Dios Ingyapam apvamlha pac lhama aptomja nasoc anco. Yoyam elyicpilcangvomoc sicvisay Jesús sictomja Cristo aptomja lhip apcapajascama. Eyca as acvisay acyimnatem ingnenyic cotmongvoycamlha nelha.

SAN JUAN 3:16

Aptomjac alhta Jesús: ‘Avanjec anco acliclamo apvalhoc Dios enlhit lhalhma anco. Apcapajasquic alhta Apquitca apvamlha pac lhama, yoyam metvasacpejec sat moclhama aptomja melyasquiyam Apquitca. Colhic sat acyimnatem apnenyaoc cotmongvoycamlha nelha.

SAN JUAN 4:14

Mejingajiclhejec sat mataa acnim ningiltomja ningyam yingmin ayinyema sicmescama coo. Eycaso yingmin sicmescama coo cotnejic sat actiyapmaclha mataa yingmin ingvalhoc ingac. Yoyam colhic sat acyimnatem ingnenyaoc cotmongvoycamlha nelha —alhta aptomjac.

SAN JUAN 6:35

Aptomjac alhta apquillhicmosa Jesús: —Coo nac sicvisay nintom acyimnatescama ingnenyic. Cajejec sat mataa mayc aptomja seyoycta. Cajejec sat mataa acnim aptomja mejeyasquiyam.

SAN JUAN 6:51

Coo nac sicvisay nintom ayinyema netin. Aptovquic sat ancoc enlhit as nintom, mengyitsepejec sat cotmongvoycamlha nelha. Nintom sicmescama coo actomja sicyovoclhojo ajanco. Momyovalhcoyc co ajanco, yoyam colhic acyimnatem apnenyic enlhit lhalhma anco —alhta aptomjac.

LOS HECHOS 9:11

Yejemoc alhta aptomja apcanya Visqui: —Ingva, iyas sat lhip malamong tingma acvisay Amay Acpeyvomo. Ipeyvojo sat Judas tingma pac. Ilmalhnam sat apnaclha enlhit apvisay Saulo co Tarso. Apquilmalhnaquic quilhvoc maa Dios Ingyapam.

ROMANOS 8:32

Am alhta emyavac Apquitca apanco Dios. Apyinyovquic alhta Apquitca yoyam ematong singyanmongam nincoo. Apcapajasquic alhta Apquitca ningyesicsa, malha singmescama. Yiplovcoc singmescama aclhamoclhojo asoc.

1 CORINTIOS 1:30

Quellhip apquiltomja apquilpasmeyquiclha Cristo ayinyema Dios. Cristo ayinyema actemaclha ningyascamcolhma najan actemaclha ningilpeyvomo najan actemaclha ningiltamilcasomalhco inganco najan actemaclha ningilvomsomalhca tap. Eycaso ayinyema apmayjayoclha Dios.

1 CORINTIOS 10:4

Apquilyinamquic nic nat ningyam ayinyema Dios. Apquilyinamquic nic nat mataa yingmin ayinyema actiyapma mataymong ayinyema Dios. Apquillhalhma ilhnic nat apquiltomjac as mataymong. Eyca as mataymong aptomja ilhnic nat Cristo.

2 CORINTIOS 9:15

Gracias actomjac coo Dios Ingyapam ayinyema singmescama cotlaycaoc singaycaoc, mongvanquejec ongilyipsitic.

EFESIOS 2:8

Lhama mocjam siclhanma: Apquilvomsomap tap quellhip ayinyema apcasicjayo Dios, ayinyema najan melyasquiyam quellhip. Jave apquiltimem apanco quellhip, eyca actomja singmescama Dios.

HEBREOS 6:4

Mongvanquejec nincoo lhama asoc: Ningvitac sat ancoc ayitsayolhma, ningyipconquic sat ancoc singaycaoc ayinyema Dios, ningillhocac sat ancoc Espíritu Santo,

1 SAN JUAN 5:20

Ningyasamcoc najan: Apvaac nat Dios Apquitca yoyam jingilyascasingvomoc nincoo. Apquiltamjoc ongilyicpilcangvomoc Dios aptomja nasoc anco. Ningilpasmec mataa aptomja nasoc anco apvisay Jesucristo Dios Apquitca. Eyca as apvisay Dios aptomja nasoc anco najan apvisay apyimnatescama ingnenyaoc cotmongvoycamlha nelha.

EL APOCALIPSIS 21:6

Aptomjac alhta seyanya mocjam: —Acpenasquic coo aclhamoclhojo asoc. Coo sicvisay malha ayenmoclha aclhamoclhojo asoc najan actomjaclha nelha. Acnim sat ancoc incajac enlhit, omquesic sat apyam mepqui acyanmongam, ayinyema actiyapmaclha yingmin actomja acyimnatescama ingnenyic.

EL APOCALIPSIS 22:17

Aptomjac Espíritu Santo najan Nipquesic Apquitcoc apponcanma: —Ingyilhyim —aptomjac mataa. Itne sat lhip lha aptomja aplingay: —Ingyilhyim —sat itne. Acnim sat ancoc incajac lhip, ingyilhyim. Apquiltamjoc sat ancoc eyinic, iyin sat yingmin actomja acyimnatescama ingnenyic mepqui acyanmongam.

EL APOCALIPSIS 7:17

Ayinyemaclha apyancac Nipquesic Apquitcoc acyitnaclha Visqui aptajanem. Etamilsic sat as enlhitaoc, malha apnatoscama nipquesic. Enalaclhac sat as enlhitaoc acyitnaclha yingmin actomja acyimnatescama ingnenyaoc. Dios sat elicsic apate yingmenic as enlhitaoc —alhta aptomjac apquimja apmamyi.