SAN JUAN 3:6 - Enhlit Bible

⁶ Acno lhama apitic incanayc najan ayitquic. Acno lhama ingjangaoc najan ayitquic. Acno lhama Espíritu najan ayitquic.

SAN JUAN 3:6 Iomraidhean Croise

GÉNESIS 5:3

Invocmec nic nat 130 años aptiyascam Adán. Aptiyacmec nic nat apquitca apvisay Set. Innoc nic nat aptemaclha apyap.

GÉNESIS 6:12

Apvitac nic nat Dios Apyimtalhnamo apquiltemaclha almasomcaa enlhitaoc lhalhma anco. Lhama ilhnic nat apvita Dios Apyimtalhnamo apquiltemaclha apancaoc enlhitaoc.

GÉNESIS 6:5

Apvitac nic nat Dios Apyimtalhnamo apquiltemaclha apquilmapsomcaa enlhitaoc lhalhma anco. Inquilquitamquic nic nat mataa apquilvalhoc asoc almasomcaa.

JOB 14:4

Mepqui ayalhnayo mataa apvalhoc enlhit, mepqui mataa aptemaclha appeyvomo.

JOB 25:4

¿Apvanqui ya enlhit apanco etningvomoc napato Dios, naysicsa aptemaclha apsilhnanomap apanco?

SALMOS 51:10

Visqui ingac, itnesquis evalhoc yoyam cotnejic ayalhnayo. Itnesquis alhnancoc acyascamco anco evalhoc.

SAN JUAN 1:13

Jave apquiltamongvoyam apanco. Jave appaliyam ayinyema enlhit. Jave najan enlhit ayinyema apquiltimesquiscama. Dios Ingyapam eyca apquiltimesquiscama apquitquic.

SAN JUAN 3:7

Nocotlapquis nasa aplinga sicpayvam siyanya lhip: “Incaymalhquic quellhip etyamoc mocjam apjalhnancoc.

ROMANOS 7:18

Acyasamcoc coo, paj lhama sictemaclha ajanco actamila. Inlhenquic inyicje evalhoc yoyam oyiplovcasojo actemaclha actamila, am eyca oyiplovcasac mataa.

ROMANOS 7:25

Pac ontimjic gracias Dios Ingyapam. Apvamlha Dios aptomja sevomquiscama tap ayinyema Jesucristo Visqui ingac. Acyiplovcasquic evalhoc singanamaclha Dios. Acyiplovcasquic coo sictemaclha ajanco actemaclha mongyascalhma actomja semam.

ROMANOS 7:5

Ningilvajanamquic alhta nintemaclha nano. Singascamaclha actomja alhta aclhaticjascama asoc almasomcaa ingilvalhoc. Inyiplovcoc alhta ningitsepma acyanmongam ningyiplovquiscama acmasom.

ROMANOS 8:13

Ayinyemaclha apquilyiplovcasquic sat ancoc quellhip apquiltemaclha apanco, coyiplovjoc sat apquilitsepma. Apquilvatsamquic sat ancoc quellhip apquiltemaclha apanco, malha apquilnapayclha sat cotnejic ayinyema Espíritu apanco Dios. Colhic sat acyimnatem apnenyaoc quellhip.

1 CORINTIOS 6:17

Ningyipitcavoc sat ancoc Visqui ingac, ongiltimjic sat malha lhama ayinyema Espíritu apanco Cristo.

2 CORINTIOS 5:17

Ningiltomjac sat ancoc ningilpasmeyquiclha Cristo, ongiltimjic sat ingjalhnancaoc. Inmasquec nintemaclha nano, ingjalhnancaoc ningiltomjaclha.

GALATAS 5:24

Apquilvatsamquic apquiltemaclha nano enlhitaoc apquiltomja apquilyipitcayo Cristo. Inmasquec actemaclha anco ingvalhoc nano.

EFESIOS 2:3

Ningilvajanamquic alhta nincoo lha nintemaclha inganco. Ningilyajaclhoc alhta mataa actemaclha ningmayjayoclha najan actemaclha ayitsepma ingnenyic. Covanquejec alhta jingyeycajac apyanmongsayclha Dios nintemaclha inganco. Ningno nincoo enlhitaoc lhalhma anco.

COLOSENSES 2:11

Apquiltimec quellhip apquilpasmeyquiclha Cristo, malha acyitna asoc monquinatquiscama quellhip. Jave asoc monquinatquiscama apyimpeoc ayinyema enlhit eyca actemaclha apquilvomsomap tap naysicsa melyascalhma najan apquiltemaclha nano. Eyca as asoc monquinatquiscama ayinyema Cristo.

1 SAN JUAN 3:9

Ningiltimec sat ancoc Dios apquitquic, mongvanquejec ongilyiplovsic actemaclha nintamongvaycmolhma. Ayinyemaclha yitnec ningyimnatem ayinyema Dios, malha actic ayenomalhca ingvalhoc. Mongvanquejec ongilyiplovsic actemaclha nintamongvaycmolhma. Ayinyemaclha nincoo ningiltomja Dios Apquitquic.