SAN JUAN 3:3 - Enhlit Bible

³ Apcatingmavoc alhta Jesús: —Actomjac coo siyanya lhip: “Naso, am sat ancoc etyacmoc mocjam enlhit ayinyema Dios Ingyapam, metangvomejec sat Dios apquilnancascama” —alhta aptomjac.

SAN JUAN 3:3 Iomraidhean Croise

JEREMÍAS 5:21

Quip elaylhojo quellhip alyeyjamelhma, acnaycaoc apataoc najan apjaycaoc, apquiltomja eyca melvitay olhma najan mellingay olhma.

EZEQUIEL 36:26

Oyanmongsic sat quellhip moc apquilvalhoc, cotnejic sat apquilvalhoc acmasom acyitsomalhca mataymong, colhic sat actamilaycam apquilvalhoc.

SAN MATEO 16:17

Aptomjac alhta Jesús apcanya Pedro: —Apquilinyejemo nac lhip Simón, Jonás apquitca. Am conyemac enlhit apyasingvoyam lhip as asoc. Coo Tata apna netin eyca aptomja apyascasingviyam.

SAN MATEO 19:24

Mocjam lhama siclhanma: Avanquic sat ancoc comilanic soquitama actic voncayispoc moctoscama, copvanquejec eyca enlhit acma apquilnatam epalhavomoc Dios apquilnancascama —alhta aptomjac.

SAN MATEO 21:31

Aptomjac alhta Jesús: —¿Soc apquitca aptomja apquilyajayquiclho actomja apmayjayoclha apyap? —alhta aptomjac. Apquilatingmavoc alhta enlhitaoc: —Apsilhyo —alhta apquiltomjac. Aptomjac alhta Jesús apquilanya enlhitaoc: —Actomjac coo silanya quellhip: Naso, elpalhavomoc sat apquilmamyi Visqui netin apquilnancascama enlhit apquilmam tacja solyayem najan quilvanaa alanatama, am colhno quellhip.

SAN MATEO 5:18

Actomjac coo silanya quellhip: Naso, am sat ancoc comascac netin najan nalhpop, comasquejec sat najan lhama actalhamavo actalhesomalhca singanamaclha. Cotnejic sat aclhamoclhojo asoc acvocmo acsovjomalhca.

SAN MARCOS 10:14

Lhama alhta apvita apquiltomjaclha Jesús. Am alhta colcac apvalhoc, apquilpamejitsa: —Noelmiyov nasa jelyota insicaa ayitcoc. Noelyas nasa ilhma, eyca actomja nac ancaoc Dios apquilnancascama.

SAN MARCOS 9:47

Insilhnanaquic sat ancoc lhip apatic, iyinyov. Intasi inyicje lhip epalhavomoc Dios apquilnancascama actema nac apyavec, am colhno eyinyovacpoc acyitnaclha cosponeyaclha talha acna anit apataoc.

SAN JUAN 1:13

Jave apquiltamongvoyam apanco. Jave appaliyam ayinyema enlhit. Jave najan enlhit ayinyema apquiltimesquiscama. Dios Ingyapam eyca apquiltimesquiscama apquitquic.

SAN JUAN 1:5

Apquilsascasquic alhta olhma naysicsa yatescamalhma. Am alhta covanac yatescamalhma cosponsic ayitsayolhma.

SAN JUAN 1:51

Aptomjac alhta mocjam Jesús: —Actomjac coo silanya quellhip: Naso, elvitangvomoc sat quellhip acyaptomalhca netin. Elvitangvomoc sat quellhip Dios ángeles apancaoc. Elmiyaclhac sat mataa netin najan elvayventac sat nalhpop tecjelhit sicvisay Sictiyam Sictomja Enlhit —alhta aptomjac.

SAN JUAN 12:40

Inquilmec apataoc enlhitaoc ayinyema Dios Ingyapam. Apquilyimtalhnescasquic Dios Ingyapam apquilvalhoc enlhitaoc. Apquiltamjoc Dios Ingyapam, yoyam melvityeje olhma enlhit acna apataoc. Apquiltamjoc najan, yoyam colhenejec apquilvalhoc elyasingvomoc amyaa. Yoyam colhenejec apquilvalhoc enlhitaoc elyanmongsic moc apquilvalhoc, yoyam eltamalvomoc ayinyema siltamilquisquiyam —nic nat intomjac appayvam.

SAN JUAN 3:4

Aptomjac alhta mocjam Nicodemo: —¿Apvanqui ya enlhit apvanyam etyamoc mocjam? Copvanqueje inyicje etalhniclhac mocjam avalhoc inquin, yoyam etyimiclhac mocjam —alhta aptomjac.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

2 CORINTIOS 5:17

Ningiltomjac sat ancoc ningilpasmeyquiclha Cristo, ongiltimjic sat ingjalhnancaoc. Inmasquec nintemaclha nano, ingjalhnancaoc ningiltomjaclha.

GALATAS 6:15

Ningiltomjac sat ancoc ningilpasmeyquiclha Jesucristo, colhenalhquejec sat ningilvisay judíos najan ningilvisay metnaja judíos. Colhenalhcac sat acvamlha actemaclha ingvalhoc alhnancoc ayinyema Dios.

EFESIOS 2:1

Collhen apquilvalhoc apquiltemaclha alhta nano quellhip. Apquilyiplovcasquic alhta quellhip apquiltemaclha almasomcaa najan melyascalhma. Malha apquilitsepma alhta quellhip napato Dios.

DEUTERONOMIO 29:4

Am alhta elyasingvocmoc quellhip aptomjaclha Dios.

TITO 3:5

Am nat ongiltamilcasalhcac inganco. Eyca ingilvomcasquic alhta tap ayinyema singamliyam Dios. Najan ayinyema singyapasquisaycaoc acvisay malha nintiyam alhnancoc. Najan ayinyema Espíritu Santo singiltimesquiscama ingjalhnancaoc.

SANTIAGO 3:17

Eyca ningyascamcolhma ayinyema netin acvisay mepqui nintamongvaycmolhma najan mepqui ningilatingmomalhca. Acvisay najan ningiltamilcasomalhco inganco najan nintemaclha ningilyajayquiclho. Acvisay najan ningamliyam najan ningyiplovquiscama actamila. Acvisay najan mepqui acyasquiyam ingvalhoc najan mepqui anit ingvalhaoc.

1 SAN PEDRO 1:3

Pac ongilavojoc sat mataa Dios Ingyapam najan Jesucristo Visqui ingac. Avanjec alhta singamliyam Dios. Ingiltimescasquic alhta ingjalhnancaoc singmescama ingvalhoc alhnancoc, ayinyema aplhaticjangvoycamlha Jesucristo nipyesicsa apquilmasquingvaycmo. Singmescama alhta aljalhneycam ingvalhoc alhnancoc.

1 SAN JUAN 2:29

Apquilyasamcoc quellhip, appeyvomo nac Jesucristo. Elyasamcojo sat najan: Moclhama apquiltomja apquilyiplovquiscama actemaclha acpeyvomo, eyca as apquiltomja Dios apquitquic.

1 SAN JUAN 3:9

Ningiltimec sat ancoc Dios apquitquic, mongvanquejec ongilyiplovsic actemaclha nintamongvaycmolhma. Ayinyemaclha yitnec ningyimnatem ayinyema Dios, malha actic ayenomalhca ingvalhoc. Mongvanquejec ongilyiplovsic actemaclha nintamongvaycmolhma. Ayinyemaclha nincoo ningiltomja Dios Apquitquic.

1 SAN JUAN 5:1

Am sat ancoc ongilyascacmoc Jesús aptomja singvomquiscama tap, ontimjic sat Dios apquitquic. Ningasicjavoc sat ancoc Dios Ingyapam, incaymalhquic ongilasicjojo najan lha ingilyalhinga apquiltomja Dios apquitquic.

1 SAN JUAN 5:18

Ningyasamcoc nincoo: Mongvanquejec ongiltamongvomjo olhma ningiltomja Dios apquitquic. Ayinyemaclha Dios Apquitca aptomja sintamilquiscama. Covanquejec somquic quilyicjamo jingilsilhnana.

1 SAN JUAN 5:4

Nintimec sat ancoc Dios apquitquic, ongilyimnac sat. Am colhoyc sat apquiltemaclha enlhit lhalhma anco. Mongyasquiyam nincoo actomja acyimnatem, am colhno apquiltemaclha enlhit lhalhma anco.

EL APOCALIPSIS 3:14

‘Aptomjac alhta mocjam seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Laodicea: “Eycaso appayvam aptomja apvisay Nasoc Anco, aptomja mepqui apyeycajascaoc aplhanma najan mepqui apmopvan amyaa, aptomja apvitaycamco apquilantipquiscama Dios aclhamoclhojo asoc: