SAN JUAN 3:23 - Enhlit Bible

²³ Juan alhta najan apquilyapascasamco yingmin tingma Enón, ayamquitilha tingma Salim. Ayinyemaclha avanjec alhta yingmin maa. Apquilvaac alhta enlhitaoc. Innec alhta acyapascasamco yingmin.

SAN JUAN 3:23 Iomraidhean Croise

GÉNESIS 33:18

Apyinyovquic nic nat Jacob yoclhilhma Padan-aram. Apvoclhec nic nat yoclhilhma Canaán. Apmeyjec nic nat mocjam. Apquillanac nic nat tingma pac acpayjoclha ningato tingma apvanyam apvisay Siquem.

JEREMÍAS 51:13

Quellhip co Babilonia, apquileyvomaclha quellhip payjoc vatsam alyivey, cascama apquilnatam quellhip. ¡Vocmec nelha apquileyvam quellhip!

EZEQUIEL 19:10

Moc apyitquiscama Visqui ingac: Quellhip inquin acyitsomalhca uva avjac acma acyilhna, ayimja nicja acyitnamaclha yingmin actamilaclha lhopactic.

EZEQUIEL 43:2

Pilapcasquic alhta sicvita gloria mayayoclha Dios Visqui apancaoc israelitas, ayinyema actiyapmaclha acnim. Inlingalhquic ayilhtingyovam malha ayinyema yingmin acvanyam, najan maa ayitsay olhma acvanyam (acyivey) lhalhma anco.

SAN LUCAS 3:7

Apquicjingvocmec alhta enlhitaoc apnaclha Juan. Apquililtamjoc alhta colhic acyapascasamco yingmin. Aptomjac alhta apquilanya Juan: —Yitnec quellhip apquilvalhoc malha yamacyeyva ayitcaoc. ¿Soc ayinyema altimnascama elinyejic quellhip acyanmongayclha ayinyema Dios, yoyam covac sat?

SAN JUAN 3:22

Natamin alhta as asoc aplhinga Jesús najan apquiltamsoycaoc. Apquilmiyaclhec alhta yoclhilhma Judea. Apnacmec alhta lhama apquiltamsoycaoc. Apyapascasamquic alhta yingmin enlhitaoc.

SAN JUAN 3:24

Am alhta covocmoc, yoyam colhic acnescacmo singilpilhtetomaclha Juan.

EL APOCALIPSIS 1:15

Inquilapongmatquic alhta apmancoc, malha tava ápac acyilhvasiscama talha. Acyimnatem alhta appayvam, malha piyam apquilhtingyovam alhta intomjac.

EL APOCALIPSIS 14:2

Yejemoc alhta siclinga netin acpayvam acyiviy, malha piyam apquilhtingyovam najan ayilhtingyovayam acyiviy. Aclingac alhta malha apquilpayvascama yatalhpong apyiviy.

EL APOCALIPSIS 19:6

Aclingac coo malha apquilpayvam aplhamoclhojo enlhitaoc. Najan malha yingmin ayinyem ayilhtingyovam. Najan malha quilhtingyovayam acyimnatem. Apquiltomjac alhta apquilminaycmascama: ¡Aleluya, eltime apquilayo Dios! Quilhvoc aptomja Apvisqui apyimtalhnamo Dios Visqui ingac.

1 SAMUEL 9:4

Apsovjam nic nat yoclhilhma acma inquilhe Efraín. Apsovjam nic nat yoclhilhma Salisa. Am nic nat etaac apnatoscama. Apsovjam nic nat yoclhilhma Saalim. Am nic nat etaclha. Apsovjam nic nat yoclhilhma Benjamín. Am nic nat etaclha.