SAN JUAN 3:21 - Enhlit Bible

²¹ Apquilyoctac mataa ayitsayolhma enlhit apquiltomja apquilyiplovquiscama actomja nasoc anco. Apquililtamjoc yoyam colvitalhca apquiltemaclha altamila ayinyema Dios Ingyapam —alhta aptomjac.

SAN JUAN 3:21 Iomraidhean Croise

SALMOS 119:105

Lhip appayvam actomja ayitsasquiscama naysicsa sictiyascam. Actomja actotseycaoc amay ningyiplayclha.

SALMOS 119:80

Momancayc sat mataa coo sicyiplovquisa lhip appayvam, mepqui sicsilhnanomalhca ajanco.

ISAÍAS 26:12

Lhip Visqui ingac aptomja singimlayquiclho, nasoc anco lhip singillhinquiscama naysicsa ningiltamjaycam.

ISAÍAS 8:20

Colhic sat singiltimnasa amyaa, yoyam ongilyasamcojo — sat cotnejic amyaa. Acyeyjamelhma apquilpayvam sat cotnejic apquiljalhenmo quellhip.

OSEAS 14:8

Quellhip apquilmolhama Efraín: Comalhquejec sat mocjam quilaycmasquiscama. ¡Sicvamlha coo sictamilquiscama najan sicmasma quellhip! Sicyitsomalhca coo yamit alhnancoc najan actamila. Elvitac sat mataa acyilhna ayinyema coo — alhta aptomjac Dios Apyimtalhnamo — nic nat aptomjac profeta.

SAN JUAN 1:47

Lhama alhta apvita Jesús aplhingacmo Natanael. Aptomjac alhta apcanya: —Quip elanojo, aplhingacmo nac maa israelita apanco mepqui apyinimseycam —alhta aptomjac.

SAN JUAN 3:20

Apquiltanovquic ayitsayolhma enlhit apquiltomja apquilyiplovquiscama asoc almasomcaa. Am elyoctac ayitsayolhma. Apquililtamjoc am colvitalhca apquiltemaclha apancaoc.

SAN JUAN 5:39

Apquilinlhanacmec mataa quellhip apquilyipsateycaoc Dios appayvam actalhesomalhca. Apquililtamjoc elvitangvomoc acyimnatem apnenyaoc. Eycaso actalhesomalhca actomja aclingascama sicvisay.

SAN JUAN 7:17

Apquiltamjoc sat ancoc enlhit eyiplovcasojo apmayjayoclha Ingyapam, metnatsejec sat sellhicmoscama. Naso nac ayinyema Dios Ingyapam, jave ayinyema sillhicmoscama ajanco.

1 CORINTIOS 15:10

Cotnejic ac maa actemaclha sicvisay lha. Dios aptomja seyimlaycmo coo. Cotnaja alhto seyimlaycmo alhta Dios. Avanjec alhta sictamjaycam, am colhno apquiltamjaycam enaymacoc apóstoles. Jave coo ayinyema sicmovan ajanco, Dios eyca ayinyema seyimlaycmo aptomja semquescama apmopvan.

2 CORINTIOS 1:12

Ningiltamjoc ongiltimnacsic quellhip actemaclha acyascamco anco ingvalhoc naysicsa acpayjayclha ingvalhoc: Ningyiplovcasquic mataa lhalhma anco actemaclha ningiltamilcasomalhco inganco najan lha nipyesicsa quellhip. Ingilpasmec alhta Dios ayinyema singasicjayo. Am alhta conyemac actemaclha ningyascamco inganco.

GALATAS 6:8

Ninginaclhec sat ancoc actic, ongnaclhic sat acyilhna. Ningyiplovcasquic sat ancoc nintemaclha nano, coyiplovjoc sat ningnatovasomalhca. Ningyiplovcasquic sat ancoc Espíritu apanco Dios, ongillhovac sat acyimnatem ingnenyic cotmongvoycamlha nelha.

EFESIOS 5:9

Intipcasquic mataa ayitsayolhma nintemaclha actamila najan nintemaclha acpeyvomo najan actemaclha actomja nasoc anco.

FILIPENSES 1:11

Coyit apquilvalhoc actemaclha actamila ayinyema Jesucristo. Sat cotnejic malha acyilhna acnaclhamalhca. Colhic sat mataa ayaco Dios Ingyapam.

FILIPENSES 2:13

Epasmoc sat Dios yoyam eliltamjoc quellhip actemaclha actamila yoyam elpenacsojo quellhip. Eycaso actomja apmayjayoclha Dios Ingyapam.

COLOSENSES 1:29

Eycaso ayinyema sicvascapma mataa, malha silnapomalhca intomjac. Eyimnatasquic mataa apmopvan ayinyema Cristo.

HEBREOS 13:21

Ningiltamjoc nincoo Dios eltimesquisic apquilpeyvomo quellhip yoyam elvajanamcoc quellhip actemaclha apmayjayoclha Dios. Jingilanecsic sat ingilvalhoc Dios ayinyema Jesucristo yoyam eyispac nintemaclha. Colhic sat mataa ayaco Cristo cotmongvoycamlha nelha. Amén.

1 SAN PEDRO 1:22

Apquilyajaclhoc alhta quellhip amyaa actomja nasoc anco. Apquilalhnasquic alhta apquilvalhoc quellhip yoyam elasicjojo ingilyalhinga. Elinlhanmojo sat apquilasicjamacpo nipyesicsa.

1 SAN JUAN 1:6

Ninlhenam sat ancoc nintomja ninpasmeyquiclha Dios naysicsa ningileyvam mocjam yatescamalhma. Ongiltimjic sat ningmovan amyaa mepqui ningyiplovquiscama actomja nasoc anco.

3 SAN JUAN 1:11

Eyalhing siyasicjayo. Novjanaoc nasa aptemaclha apmapsom. Iyiplovquis sat actemaclha actamila. Ningyiplovcasquic sat ancoc actemaclha actamila, cotnatsalhquejec sat ningiltomja Dios apquitquic. Ningyiplovcasquic sat ancoc actemaclha acmasom, ontimjic sat malha mongyicpilquem Dios Ingyapam.

EL APOCALIPSIS 3:15

Acyasamcoc coo aptemaclha lhip. Mepqui apmalhalhama nac lhip, mepqui najan apmelhanma. Altamjo inyicje etnejic lhip apmalhalhama apanco, inlhoyqui laa etnejic sat apmelhanma apanco.