SAN JUAN 3:17 - Enhlit Bible

¹⁷ Apcapajasquic alhta Dios Ingyapam Apquitca as nalhpop. Am eltamjoc eyanmongsiclha apquiltemaclha enlhit lhalhma anco. Apquiltemoc elvomsic tap enlhit lhalhma anco.

SAN JUAN 3:17 Iomraidhean Croise

ZACARÍAS 9:9

¡Colpayjiclha apquilvalhoc quellhip tingma Sión! ¡Elminaycmas sat naycisa apquilitsovascama, quellhip co Jerusalén! Apquilhyacme Visqui ingac appeyvomo najan apyimnatem. Mepqui ayajamalhco apvalhoc, yamelyeyjaycoc ayitcoc apquinamtem.

SAN MATEO 1:23

Quip elanojo, inlovsoc sat cotnejic quilvana mepqui atava. Cotimsic sat ayitca apquinavo. Colhic sat actimesa apvisay Emanuel, ningiltimem nincoo Dios singilpalhavoy —nic nat intomjac appayvam.

SAN MATEO 18:10

‘Quip elanojo quellhip. Noelvinam nasa sicaa apno aso. Actomjac coo silanya quellhip: Apnam netin ángeles apquiltamilquiscama sicaa. Apquilanoc mataa napaat coo Tata apna netin.

SAN MATEO 18:11

Acvaac coo sicvisay Sictiyam Sictomja Enlhit, yoyam olvomsic tap enlhit aplhinganyam.

SAN LUCAS 19:10

Acvaac coo sicvisay Sictiyam Sictomja Enlhit, yoyam olquitmoc najan olvomsic tap apquiltomja apquillhinganyam —alhta aptomjac.

SAN LUCAS 9:56

Coo sicvisay Sictiyam Sictomja Enlhit. Acvaac coo, yoyam olvomsic tap enlhitaoc. Am oltamjoc olnapoc —alhta aptomjac.

SAN JUAN 1:29

Moc acnim alhta intomjac. Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo. Aptomja sat apmascoscama melyascalhma enlhit lhalhma anco, malha nipquesic apquitcoc apquilmesomap enlhitaoc. Eyca as aptomja nipquesic apquitcoc Dios apmescama.

SAN JUAN 10:36

¿Soctomja apquilanya nac quellhip otipsic coo apvisay Dios Ingyapam? ¿Inlhoyqui laa siclhena lhac: Coo sictimem Dios Apquitca? Eponquincasquic coo Tata. Eyapajasquic coo as nalhpop.

SAN JUAN 11:42

Acyasamcoc coo, apjalhnoc mataa lhip silmalhnancama. Acpamejitcasquic coo lhip, yoyam melyascomoc as enlhitaoc nac jay, aptomja lhip seyapajascama coo —alhta aptomjac.

SAN JUAN 17:18

Lhip alhta aptomja seyapajascama nipyesicsa enlhitaoc lhalhma anco. Acno coo lha, alapajasquic as enlhitaoc nipyesicsa enlhitaoc lhalhma anco.

SAN JUAN 17:21

Altamjoc eltimjic lhama apquilpasmeyquiclha as enlhitaoc, acno lhip Tata aptomja seyipitcayo najan coo lha sictomja sicyipitcayo lhip. Yoyam ongiltimjic nincoo lha ninpasmeyquiclha as enlhitaoc. Elyicpilcangvomoc sat enlhitaoc lhalhma anco, aptomja seyapajascama lhip.

SAN JUAN 17:23

Coo sictomja sicyipitcayo as enlhitaoc najan lhip aptomja seyipitcayo coo. Altamjoc yoyam eltimjic lhama apquilpasmeyquiclha apquilanomacpo. Elyicpilcangvomoc sat enlhitaoc lhalhma anco, aptomja lhip seyapajascama. Najan aptomja apquilasicjayo lhip as enlhitaoc, acno lhip seyasicjayo mataa coo.

SAN JUAN 17:25

Tata appeyvomo, am eyicpilcacpoc lhip nipyesicsa enlhitaoc lhalhma anco. Coo eyca acyicpilcoc lhip. Apquilyicpilcoc as enlhitaoc lhip aptomja seyapajascama.

SAN JUAN 17:3

Apquiltamjoc lhip, yoyam elyicpilcangvomoc enlhitaoc, lhip aptomja Dios Ingyapam apvamlha pac lhama aptomja nasoc anco. Yoyam elyicpilcangvomoc sicvisay Jesús sictomja Cristo aptomja lhip apcapajascama. Eyca as acvisay acyimnatem ingnenyic cotmongvoycamlha nelha.

SAN JUAN 17:8

Altimnasquic alhta mataa lhip appayvam simquescama coo. Inquilmec alhta apquilvalhoc lhip appayvam. Apquilyasingvocmec alhta as enlhitaoc siyinyema coo lhip. Am alhta elyascacmoc as enlhitaoc, lhip aptomja seyapajascama.

SAN JUAN 20:21

Aptomjac alhta mocjam Jesús apquilanya apquiltamsoycaoc: —Colpayjiclha apquilvalhoc quellhip. Pac olapajacsic quellhip acno coo lha seyapajascama coo Tata —alhta aptomjac.

SAN JUAN 3:34

Enlhit apcapajasomap apquinyema Dios Ingyapam apquiltimnam mataa Dios appayvam. Ingmesquic nincoo Dios Ingyapam Espíritu Santo cotlaycaoc, mepqui apquilyipsateycaoc.

SAN JUAN 5:36

Emcasquic coo Tata sictamjaycam seyanya openacsojo. Eyca as sictamjaycam actomja actamila aclingascama sicvisay, colhno aplhanma alhta Juan. Inlingasquic mataa amyaa sictamjaycam actomja naso siyinyema coo Tata aptomja seyapajascama.

SAN JUAN 5:38

Am najan coyitnac mataa apquilvalhoc coo Tata appayvam. Elyascacmec mataa quellhip siyinyema coo Tata aptomja seyapajascama.

SAN JUAN 5:45

Nocolavojo nasa apnenyaoc olhenic apquiltemaclha quellhip napato coo Tata. Apquililjalhnec mataa quellhip Moisés, yoyam etnejic apmasma. Apnec maa Moisés aptomja aplhanma apquiltemaclha quellhip.

SAN JUAN 6:29

Apcatingmavoc alhta Jesús: —Apquiltamjoc coo Tata aptomja seyapajascama, yoyam mejelyascamejec quellhip. Nojelyasquim nasa coo —alhta aptomjac.

SAN JUAN 6:38

Netin coo ayinyemac. Motnejec coo sicmayjayo ajanco, sat eyca otnejic apmayjayoclha coo Tata aptomja seyapajascama.

SAN JUAN 6:40

Eycaso actomja apmayjayoclha coo Tata aptomja seyapajascama. Apquiltamjoc yoyam colhic acyimnatem apnenyaoc moclhama aptomja selaneyo sicvisay Dios Apquitca najan aptomja mejeyasquiyam. Onalhaticjascomoc sat actamongvomlha nelha acnim —alhta aptomjac.

SAN JUAN 6:57

Acyimnatem apnenyic innac coo Tata aptomja seyapajascama. Acyimnatem enquenyic coo lha innac ayinyema coo Tata. Elhojoc sat enlhit aptomja aptom ejepitic. Colhic sat acyimnatem apnenyic ayinyema coo.

SAN JUAN 7:29

Acyicpilcoc coo, ayinyemaclha siyinyemay coo Tata aptomja seyapajascama —alhta aptomjac.

SAN JUAN 8:11

Incatingmavoc alhta quilvana: —Visqui, paj lhama enlhit —alhta intomjac. Aptomjac alhta apcanya Jesús: —Motnesquiseje coo lha acmasom. Colhing maa, colvates sat coyascalhma lhiya —alhta aptomjac.

SAN JUAN 8:42

Aptomjac alhta mocjam Jesús: —Nasoc sat ancoc quellhip apquiltomja apquilyap Dios, jelasicjojoc sat coo lha. Ayinyemaclha acvaac coo, siyinyema Dios Ingyapam. Jave sicvoy ajanco, Dios apvamlha pac lhama aptomja seyapajascama.

1 SAN JUAN 2:2

Apyinyovacpec Jesucristo aptomja macmescama Dios acyanmongam mongilyascalhma. Jave acvamlha acyanmongam mongilyascalhma nincoo. Najan lha acyanmongam melyascalhma enlhitaoc lhalhma anco.

1 SAN JUAN 4:14

Ningvitac nat nincoo. Ninlingasquic nincoo as amyaa: Apcapajasquic nat Apquitca as nalhpop yoyam elvomsic tap enlhitaoc lhalhma anco.