SAN JUAN 3:11 - Enhlit Bible

¹¹ Actomjac coo siyanya lhip: Naso, ninlhenquic mataa asoc ningyascamco. Ninlingasquic mataa acvisay asoc ningvitay. Am eyca colmac apquilvalhoc quellhip amyaa ninlingascama.

SAN JUAN 3:11 Iomraidhean Croise

ISAÍAS 50:2

¿So actomja yi motay enlhit seyoycta coo? ¿So actomja yi motay enlhit, yoyam jeyatingmojo? Quellhip apquilanem mepqui sicyimnatem, yoyam opasingvoclha, najan mepqui sicmovan, yoyam olvomsic tap quellhip. Evanquic coo ongvanic lhama sicpayvam, quilhvoc sat coymac yingmin acvanyam najan vatsam, yoyam colitaspoc quilasma, coltajapoc sat maa.

ISAÍAS 53:1

¿Naso ya melyascomoc sat enlhit, apquillinga inlhojo amyaa? ¿Soc enlhit yoyam elvita apmopvan apanco Visqui ingac?

ISAÍAS 55:4

Actimescasquic alhta David yoyam etnejic aplingascama sicvisay nipyesicsa enlhitaoc. Yoyam etnejic apvisqui najan apyimtalhnamo nipyesicsa enlhitaoc lhalhma anco.

ISAÍAS 65:2

Altamjoc alhta inyicje omoc tacja as enlhit selinmelhaycam, am alhta colyacmoc jelyota. Apquilyiplovcasquic alhta apquiltemaclha apancaoc acmasom.

SAN MATEO 11:27

‘Aptomjac alhta Jesús apquilanya: Elmesquic coo Tata aclhamoclhojo asoc sicmovan. Paj lhama apyascamco sicvisay Apquitca. Apvamlha coo Tata apyasamco. Paj lhama apyascamco apvisay coo Tata. Acvamlha coo sicyascamco apvisay coo Tata. Najan maa apquilyasamcoc sictomja silyascasingviyam apvisay coo Tata.

SAN MATEO 23:37

‘¡Co Jerusalén layi, co Jerusalén layi! Innamquic apquilnapma quellhip, apquilajac profetas Dios apquillingascama. Apquilyicnacpec mataymong soycam amyaa Dios apquilnancascama. Altamjoc alhta inyicje mataa ongvansiclhac quellhip co Jerusalén. Malha inyicje tataa ayansayclha ayitcaoc coning alhimpancoc. Am alhta eyca colyavocmoc quellhip.

SAN LUCAS 10:22

“Elmesquic coo Tata aclhamoclhojo asoc sicmovan. Paj lhama apyascamco sicvisay Apquitca. Apvamlha coo Tata apyasamco. Paj lhama apyascamco apvisay coo Tata. Acvamlha coo sicyascamco apvisay coo Tata. Najan maa apquilyasamcoc sictomja silyascasingviyam apvisay coo Tata —alhta aptomjac Jesús.

SAN JUAN 1:11

Apvaac alhta as nalhpop actomja apanco. Am alhta emacpoc tacja nipyesicsa apnaymacoc.

SAN JUAN 1:18

Am nic nat etamacpoc Dios Ingyapam acvocmo ningvamlha nac jay. Apvamlha pac lhama Apquitca aptomja apyipitcayo Apyap, aptomja singillhicmoscama aptemaclha apanco Dios Ingyapam —alhta aptomjac Juan.

SAN JUAN 12:49

Jave siltimnaycam ajanco. Coo Tata aptomja seyapajascama, yoyam oltimnam najan olhicmocsic enlhitaoc.

SAN JUAN 14:24

Am sat ancoc jeyasicjac enlhit, meyiplovsejec coo sicpayvam. Jave inyicje sicpayvam ajanco amyaa apquiljalhenmo mataa quellhip. Eyca appayvam coo Tata aptomja seyapajascama.

SAN JUAN 3:12

Altimnasquic lhac inyicje asoc as nalhpop. Apquilyascacme eyca quellhip. Altimnasquic sat ancoc asoc alinyema netin, ¿melyascameje ya sat quellhip? —alhta aptomjac.

SAN JUAN 3:13

‘Aptomjac alhta mocjam: Paj mocjam lhama enlhit apvaycmo netin. Apvamlha pac apvaycmo maa aptomja apvayveyquinta as nalhpop. Apmaclha maa netin apvisay Aptiyam Aptomja Enlhit.

SAN JUAN 3:3

Apcatingmavoc alhta Jesús: —Actomjac coo siyanya lhip: “Naso, am sat ancoc etyacmoc mocjam enlhit ayinyema Dios Ingyapam, metangvomejec sat Dios apquilnancascama” —alhta aptomjac.

SAN JUAN 3:5

Apcatingmavoc alhta Jesús: —Actomjac coo siyanya lhip: “Naso, am sat ancoc etyacmoc mocjam enlhit ayinyema yingmin najan Espíritu Santo, metangvomejec sat Dios apquilnancascama.

SAN JUAN 5:43

Acvaac coo siyinyema coo Tata aptomja seyapajascama. Am eyca jelmac tacja quellhip. Apvaac sat ancoc poc aptomja apvoy apanco, quilhvoc sat elmoc tacja quellhip.

SAN JUAN 7:16

Apcatingmavoc alhta Jesús: —Jave sillhicmoscama ajanco, eyca ayinyema coo Tata aptomja seyapajascama.

SAN JUAN 8:14

Aptomjac alhta mocjam Jesús: —Aclingasqui inyicje sicvisay ajanco. Nasoc anco actomja siclingascama. Acyasamcoc coo siyinyemayaclha, acyasamcoc najan sicyasaclha. Am elyasamcoc quellhip siyinyemayaclha najan sicyasaclha.

SAN JUAN 8:26

Acyasamcoc coo aclhamoclhojo apquiltemaclha apancaoc quellhip. Aclingasquic coo amyaa lhalhma anco acvamlha siclingay ayinyema coo Tata aptomja nasoc anco —alhta aptomjac.

SAN JUAN 8:38

Aclingasquic coo mataa amyaa, aptomja selhicmoscama coo Tata. Apquillanac mataa asoc quellhip ayinyema apquilyap apquiltimnascaoc —alhta aptomjac.

LOS HECHOS 22:18

Acvitac alhta Visqui ingac. Aptomjac alhta seyanya: “Ipecjesam, ityip tingma Jerusalén. Colyacmoc elaylhojo lhip appayvam actemaclha aplingascama sicvisay” —alhta aptomjac.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

EL APOCALIPSIS 1:5

Altamjoc yoyam ellhovac quellhip apcaycaoc ayinyema Jesucristo. Aptomja aplingascama amyaa appeyvomo mepqui apyeycajascaoc aplhanma. Aptomja aplhaticjangviyam apmamyi nipyesicsa apquilmasquingvaycmo. Aptomja Apvisqui tacjaplhit apquilviscaa lhalhma anco as nalhpop. Cristo aptomja singasicjayo, aptomja apmascoscama mongilyascalhma ayinyema apquitsepma singyanmongam.

EL APOCALIPSIS 3:14

‘Aptomjac alhta mocjam seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Laodicea: “Eycaso appayvam aptomja apvisay Nasoc Anco, aptomja mepqui apyeycajascaoc aplhanma najan mepqui apmopvan amyaa, aptomja apvitaycamco apquilantipquiscama Dios aclhamoclhojo asoc: