SAN JUAN 21:22 - Enhlit Bible

²² Apcatingmavoc alhta Jesús: —Altamjoc sat ancoc etyisam acvocmo sicvactamo mocjam, ¿soctomja apquiltamjo nac eyasamcojo lhip? Jeyiplovjo eyca lhip —alhta aptomjac.

SAN JUAN 21:22 Iomraidhean Croise

SAN MATEO 16:24

Aptomjac alhta Jesús apquilanya apquiltamsoycaoc: —Apquiltamjoc sat ancoc jeyiplovjo enlhit, incaymalhquic yoyam memyovacpoyc apanco. Epatmiclhac sat apanco appatmeycam malha asoc timyescama, seyiploycam mataa.

SAN MATEO 24:27

Coo sicvisay Sictiyam Sictomja Enlhit. Invocmec sat ancoc acnim sicvoyctamlha, malha quilyinmayam sat cotnejic. Colsacsic sat olhma lhalhma anco.

SAN MATEO 24:3

Apnaclhec alhta Jesús netin inquilhe acvisay Olivos. Yejemoc alhta apquilyoctamo apquiltamsoycaoc. Apquiltomjac alhta apquilanya Jesús: —Visqui, ¿jalhco sat acvam cotnejic as asoc aplhena lhac? ¿Soc sat asoc ongvitac monquinatquiscama, yoyam cotmongvomoc nelha as asoc apvactamo sat lhip? —alhta apquiltomjac.

SAN MATEO 24:44

Elpenacsojo sat quellhip lha. Apquilanayquic sat ancoc quellhip movota sicvisay Sictiyam Sictomja Enlhit, cotlapsic sat ovota —alhta aptomjac.

SAN MATEO 25:31

‘Aptomjac alhta mocjam Jesús: Ovotac sat coo mocjam sicvisay Sictiyam Sictomja Enlhit naysicsa gloria siyapongmatem ajanco. Sellhalhmaa sat ángeles silasinancama. Olhic sat netin Visqui aptajanem.

SAN MATEO 8:22

Apcatingmavoc alhta Jesús: —Jeyiplom sat lhip. Ilane sat enlhit malha apjapaoc napato Dios Ingyapam elatongnic sat enlhit apquilitsepma —alhta aptomjac.

SAN MARCOS 9:1

Actomjac coo siyanya quellhip: —Naso, cotalhcac sat Dios apquilnancascama acyimnatem yicpintama elmasquingvomoc napocja as enlhitaoc apcanaycam nac lha —alhta aptomjac.

SAN JUAN 21:19

Apquitsepma alhta aplhenac. Apquiltamjoc alhta Jesús eyascasingvomoc Pedro actemaclha yoyam ingyitsapoc. Yoyam colhic ayaco Dios Ingyapam actemaclha apquitsepma. Aptomjac alhta Jesús apcanya Pedro: —Noc, jeyiplaclha coo —alhta aptomjac.

SAN JUAN 21:21

Lhama alhta apvita Pedro aptomja apcanya Jesús: —Visqui, ¿jalhco sat cotnejic nelha as apquiltamescama? —alhta aptomjac.

1 CORINTIOS 11:26

Naysicsa aptoycaoc mataa as quilpasmongam najan naysicsa apyinaycaoc as uva yingmenic inlhenalhquic actemaclha apquitsepma Visqui ingac, acvocmo acnim apvoyctamlha sat.

1 CORINTIOS 4:5

Noeltime nasa quellhip apcanem eyicpilco poc yicpintama covac acnim ningyicpilcomalhcoclha. Elalh sat acnim apvoyctamlha Visqui ingac. Etnejic sat apyicpilquemo yoyam epquiniclha ayalhnaclhojo asoc acposomalhca ingvalhoc naysicsa yatescamalhma. Ayalhnaclhojo sat epquiniclha actemaclha alquitamsama ingvalhoc. Colhic sat singaco ayinyema Dios acno actemaclha nintamjaycam.

1 TESALONICENSES 2:19

Invocmec sat ancoc acnim apvoyctamlha Visqui ingac, ¿soc sat enlhit ongvita yoyam epayesiclha ingilvalhoc? ¿Soc sat najan enlhit conyemac actemaclha aljalhneycam ingvalhoc? ¿Soc sat enlhit ongilvitac yoyam ongillhovac acyanmongam ayinyema Visqui ingac?

SANTIAGO 5:7

Quellhip elyalhinga. Elinlhanmojo quellhip acvocmo acnim apvoyctamlha Visqui ingac. Apquilinlhanacmec mataa enlhit aptamjaycam amyip yoyam etac acyilhna. Apquiljalhnec siclhoc acmamay amamyi acvocmo moc acmamay yicpintama apnaclhama acyilhna.

SANTIAGO 5:8

Elinlhanmojo sat najan quellhip lha. Elyimnaticsojo apquilvalhoc, ayinyemaclha camquitvaac apvoyctamlha Visqui ingac.

EL APOCALIPSIS 1:7

Quip elanojo. Evotac sat Cristo naysicsa yipjopay. Elvitac sat aplhamoclhojo enlhitaoc apquilhyam. Elvitac sat najan enlhitaoc apquiltomja alhta apquilajem Cristo. Elyipcalhic sat aplhamoclhojo enlhitaoc lhalhma anco apquilvita sat apquilhyam. Nasoc sat cotnejic.

EL APOCALIPSIS 2:25

Elinlhanmojo sat apquilyiplovquiscama quellhip asoc apquilyasingvoyam acvocmo acnim sicvoyctamlha sat.

EL APOCALIPSIS 22:20

Aptomjac appayvam aptomja aplingascama as amyaa: —Naso, yejemoc sat ovota —alhta aptomjac. Amén. Visqui Jesús, ingyilhyim.

EL APOCALIPSIS 22:7

Quip ilanojo, yejemoc sat ovota. Apquilinyejemoc anco apquiltomja apquilyiplovquiscama Dios appayvam acnatalhesomalhca as vaycajac —alhta aptomjac.

EL APOCALIPSIS 3:11

Cotlapsic sat ovota. Ilinlhanmojo sat apyiplovquiscama asoc apyasingvoyam lhip yoyam melatamacpejec acyanmongam yoyam elhcac sat.