SAN JUAN 20:21 - Enhlit Bible

²¹ Aptomjac alhta mocjam Jesús apquilanya apquiltamsoycaoc: —Colpayjiclha apquilvalhoc quellhip. Pac olapajacsic quellhip acno coo lha seyapajascama coo Tata —alhta aptomjac.

SAN JUAN 20:21 Iomraidhean Croise

SAN MATEO 10:16

Aptomjac alhta mocjam Jesús: —¡Quip elanojo quellhip! Pac olapajacsic quellhip malha nipquesic naysicsa asoc navjac aclom. Eltamilsojo sat apquilvalhoc eltimjic malha nimisma. Noelovquis nasa apquilvalhoc, eltime sat malha valhaay.

SAN MATEO 10:40

‘Aptomjac alhta mocjam Jesús: Apquilmacpec sat ancoc tacja quellhip, eyca as enlhit aptomja semam tacja coo. Acmalhquic sat ancoc tacja coo, eyca as enlhit aptomja apmam tacja coo Tata aptomja seyapajascama.

SAN LUCAS 24:36

Naysicsa apquilpamejitsomap alhta apquiltamsoycaoc apquiningvactamo Jesús nipyesicsa. Appayvesa alhta: —Eltamilsojo apquilvalhoc quellhip —alhta aptomjac.

SAN JUAN 13:20

Actomjac co silanya quellhip: Naso, apquilmec sat ancoc tacja quellhip enlhit apcapajasomap, coo siyapajascama, acno selmam tacja coo lha. Jelmec sat ancoc tacja coo, acno apquilmam tacja coo Tata aptomja seyapajascama —alhta aptomjac.

SAN JUAN 14:27

‘Altamjoc coo coltamilam apquilvalhoc netamin coo. Ellhovac sat quellhip ayinyema coo actamilaycam evalhoc. Intasi nac actamilaycam ingvalhoc ayinyema coo, am colhno ayinyema enlhit lhalhma anco. Nocoltamjam nasa apquilvalhoc, noela nasa quellhip.

SAN JUAN 20:19

Ayenmoclha semana alhnancoc alhta intomjac. Intalhnacmec alhta. Apquilapeclhec alhta apatnaoc tingma apnamcaclha apquiltamsoycaoc. Judíos alhta apquilacac. Yejemoc alhta aptalhningvoclho Jesús. Apquiningvoclhec alhta nipyesicsa apquilpamejitsa: —Colpayjiclha apquilvalhoc —alhta aptomjac.

SAN JUAN 20:22

Natamin aplhanma alhta apvatipnapsa apquiltamsoycaoc. Aptomjac alhta Jesús apquilanya: —Colma apquilvalhoc Espíritu Santo.

SAN JUAN 20:26

Ocho acnim alhta intomjac apquilaneyclho mocjam apquiltamsoycaoc congne tingma. Tomás alhta najan apquillhalhma. Apquilapeclhec alhta apatnaoc tingma. Yejemoc alhta apquiningvactamo Jesús nipyesicsa. Aptomjac alhta Jesús apquilanya: —Colpayjiclha apquilvalhoc —alhta aptomjac.

SAN JUAN 3:17

Apcapajasquic alhta Dios Ingyapam Apquitca as nalhpop. Am eltamjoc eyanmongsiclha apquiltemaclha enlhit lhalhma anco. Apquiltemoc elvomsic tap enlhit lhalhma anco.

LOS HECHOS 1:2

acvaycmo apmiyayclhilha netin. Amamyi apmiyayclha netin alhta apquilyacyesa apóstoles apquilapajasomap. Apcasinaquic alhta Espíritu Santo actemaclha, yoyam elvajanamcoc apóstoles apquilapajasomap.

LOS HECHOS 1:8

Apvayventac sat ancoc Espíritu Santo tacjaplhit quellhip, ellhovamcoc sat apquilmopvan. Eltimjic sat quellhip apquillingascama sicvisay tingma Jerusalén najan yoclhilhma Judea najan yoclhilhma Samaria acvocmo nelha lhalhma anco.

2 TIMOTEO 2:2

Aplingac alhta mataa lhip amyaa actomja nasoc anco. Altimnasquic alhta mataa napatavo apquiltomja apquilvitaycamco. Ilasina sat lhip poc enlhitaoc apquilpeyvomo apquilmopvan ellhicmocsic apnaymacoc.

HEBREOS 3:1

Quellhip elyalhinga, Dios apquilyacyescama. Quellhip apquiltomja apquilanyomap malha apquevoycam Dios. Quip elanojo quellhip Jesús, aptomja Dios apcapajascama najan Dios apquilancam apyimtalhnamo ningiltomja ningyiplovquiscama.

3 SAN JUAN 1:14

Inlhenquic evalhoc ovotamojoc sat apnamcaclha yoyam ongilpamejitsalhcojo.