SAN JUAN 2:16 - Enhlit Bible

¹⁶ Aptomjac alhta Jesús apquilanya aptomja apquilhacjam yamvalhaay: —Elsaclha mocjay asoc apancaoc. Noeltimesquis nasa alyanmomalhquilha coo Tata tingma pac —alhta aptomjac.

SAN JUAN 2:16 Iomraidhean Croise

JEREMÍAS 7:11

¿Apquilanayqui ya quellhip as tingma ajac apponquinomap apvisay apquilyilhanmomaclha apquilminyilhma? Acvitac coo apquiltemaclha apancaoc quellhip. Nasoc sicpayvam sicvisay Dios Visqui apancaoc.

SAN MATEO 21:12

Aptalhningvoclhec alhta Jesús congne Dios tingma apponquinomap. Apquilapajasquic alhta enlhit apquilyanmongsomap congne. Apquilyanincasamquic alhta mesa apancaoc apquilyanmonquiscama moc solyayem. Apquilyanincasamquic alhta apquiltajanem enlhit apquilhacjam yamvalhaay.

SAN MATEO 21:13

Aptomjac alhta Jesús apquilanya: —Yitnec actalhesomalhca Dios appayvam: “Coo tingma ajac cotnejic sat apquilmalhnancamaclha enlhit” —nic nat intomjac appayvam. Apquiltimescasquic quellhip as tingma apquilyilhanmomaclha apquilminyilhma —alhta aptomjac.

SAN MATEO 22:5

Apquilvinoc nic nat enlhit apquilanyomap alhta eltasomoc caya apto. Apquilhpanec nic nat enlhit. Amyip nic nat apyasac poc. Aptamjaycam apanco ilhnic nat apyoclhac poc.

SAN MARCOS 11:17

Apquillhicmosquic alhta Jesús: —Yitnec actalhesomalhca vaycajac: “Coo tingma ajac cotnejic sat apquilmalhnancamaclha enlhit apnaycam lhalhma anco.” Apquiltimescasquic quellhip as tingma apquilyilhanmomaclha apquilminyilhma —alhta aptomjac.

SAN LUCAS 2:49

Apcatingmavoc alhta Jesús apquitcoc: —¿Soctomja selquitama nac qui? Lha incoyasamcoc lhiya najan lhip, movanqueje coo motingya Tata asoc apanco —alhta aptomjac.

SAN JUAN 10:29

Apmeyjec coo Tata aptomja selmescama sicnatoscama, am elhnoc aplhamoclhojo enlhit. Copvanquejec enlhit elnatamoc, ayinyemaclha apquilmiyovquic coo Tata sicnatoscama.

SAN JUAN 2:15

Lhama alhta apvita Jesús. Apquillanac alhta navá quilyicpilhquitma vayqui ayimpejic. Yejemoc alhta apquilantipsa tingma apponquinomap aplhamoclhojo najan nipquesic najan vayqui. Apquilhacasquic alhta solyayem apancaoc aptomja apquilyanmonquiscama moc solyayem. Apquilyaninsamquic alhta mesa apancaoc.

SAN JUAN 20:17

Aptomjac alhta Jesús apcanya quilvana: —Avanquic lhiya jemamcoc coo. Am omyaclhac mocjam netin apnaclha coo Tata. Coltimnasquiclha sat elyalhinga. Cotne sat canic lhiya: Omyaclhac sat apnaclha coo Tata aptomja najan apquilyap quellhip. Apnaclha Dios ajanco najan quellhip Dios apancaoc —alhta aptomjac.

SAN JUAN 5:17

Aptomjac alhta Jesús: —Aptamjaycam nic nat mataa coo Tata najan quilhvo nac jay. Sictamjaycam coo lha —alhta aptomjac.

SAN JUAN 8:49

Aptomjac alhta mocjam Jesús: —Jave coo moyascamcolhma. Ayacoc coo Tata. Quellhip eyca am jelaco.

1 TIMOTEO 6:5

Najan apquilpameteycam acvoncaclho ayinyema enlhit malha acyeyjamelhma. Apquiltomja melyiplovquiscama actomja nasoc anco. Apquilanayquic mataa coyangvomoc apquilnatam ayinyema mongyasquiyam.

2 SAN PEDRO 2:3

Eyca as enlhitaoc eltingyamcoc sat mataa quellhip solyayem apancaoc ayinyema apquilmopvancaa amyaa. Inlhenalhquic nano yoyam elyicpilcacpoc enlhitaoc apquiltema nac lha. Nasoc anco, covac sat acnim yoyam elnatovasacpoc.