SAN JUAN 19:42 - Enhlit Bible

⁴² Yejemoc alhta apcatongnacpo Jesús, ayinyemaclha ningatoc alhta tacjalhop. Inquitlhincasquic alhta comoc acnim ningnayclha, judíos acnim apancaoc.

SAN JUAN 19:42 Iomraidhean Croise

SALMOS 22:15

Inmasquec sicyimnatem, malha asoc acyamay intomjac. Inyimnaquic ajalhcoc coo. Lhip aptomja sepcanvoyam ningitsepmaclha.

ISAÍAS 53:9

Apcatoynacpec alhta nipyesicsa cotnajaclha apnaymacoc. Nipyesicsa enlhitaoc apquilmapsomcaa. Am alhta coyitnac apsilhnanomap apanco. Am alhta coyitnac apmopvan amyaa.

SAN MATEO 12:40

Natqui acnim najan natqui alhtaa ilhnic nat apma Jonás avalhoc yamquilasma. Sat colhojoc maa apvisay Aptiyam Aptomja Enlhit. Natqui acnim najan natqui alhtaa sat cotnejic apyitnama congne tacjalhop.

SAN JUAN 19:14

Ingyitsicso acnim alhta intomjac. Secaseclha eyca pa eltamjacpoc pascua caya apquilyeycajaycaoc. Aptomjac alhta Pilato apquilanya enlhitaoc: —Quip elanojo quellhip Apvisqui apancaoc —alhta aptomjac.

SAN JUAN 19:20

Apquilyipsatquic alhta mataa aplhamoclhojo judíos. Ningatoc alhta tingma Jerusalén apyipitsomacpilha asoc timyescama Jesús. Yitnec alhta actalhesomalhca natqui altemaclha: hebreo appayvam najan griego appayvam najan latín appayvam.

SAN JUAN 19:31

Acnim ningnayclha alhta intomjac, yicpintama eltamjacpoc pascua caya apquilyeycajaycaoc. Am alhta eltamjoc judíos elyilhic apquilitsepma netin asoc timyescama acnim ningnayclha. Caya apvanyam alhta intomjac as acnim ningnayclha. Apquilmiyaclhec alhta judíos apnaclha Pilato. Apquiltomjac alhta apquilanya Pilato: —Ingyane sat colhic alintasa apilhquipcoc enlhit apticyovam. Ingyane sat colhic aljalhyovasa netin asoc timyescama —alhta apquiltomjac.

SAN JUAN 19:41

Yitnec alhta amyip acpayjo apquilyipitquiscamaclha asoc timyescama. Yitnec alhta as amyip tacjalhop alhnancoc. Am alhta ingyatongnacpoc mocjam enlhit apquitsepma.

LOS HECHOS 13:29

Invocmec alhta nelha aclhanmaclha vaycajac aplhenamap Jesús. Aplicacpec alhta netin asoc timyescama. Apcatongnacpec alhta.

1 CORINTIOS 15:4

Apcatongnacpec alhta Cristo. Natqui acnim alhta intomjac aplhaticjangvocmo, acno aclhanma Dios appayvam actalhesomalhca.

COLOSENSES 2:12

Innec alhta acyapascasamco yingmin quellhip. Malha apquilatongnomap lhama Cristo apquiltomja quellhip. Malha najan apnalhaticjangviyam lhama Cristo apquiltomja quellhip. Ayinyemaclha am alhta elyascacmoc quellhip Dios apmopvan aptomja aplhaticjasquiyam Visqui ingac nipyesicsa apquilmasquingvaycmo.