SAN JUAN 19:36 - Enhlit Bible

³⁶ Eycaso actomja alhta as asoc, yoyam cotmongvomoc nelha aclhanmaclha Dios appayvam actalhesomalhca: “Am colhejec sat ayintasa lhama apilhcapoc.”

SAN JUAN 19:36 Iomraidhean Croise

2 REYES 15:12

Eycaso aplhanma ilhnic nat Dios Visqui ingac apcanyacpo Jehú: apquillhenacpo apquitquic, najan aptovana najan aptovana niptamin, cuatro generaciones, eltimjic apquilviscaa co Israel.

SALMOS 22:14

Coo sictomja malha yingmin acyanquinomalhca. Inquilyitipquic acyovoclhojo elhquipcoc. Ayovsec evalhoc coo, malha papac appayjayclha intomjac evalhoc.

SALMOS 34:20

Aptamilcasquic mataa ningyovoclhojo Visqui. Am colhejec mataa ayintasa ingilhquipcoc.

SALMOS 35:10

Cotnejic sat evalhoc: —Visqui, lhip apyimnatem apanco melhno poc — sat cotnejic evalhoc. Lhip aptomja apquilmasma enlhit melyimnatem napatavo apquilyimnatem. Lhip aptomja apquilmasma enlhit mepqui asoc napatavo apquilasquiscama apyimpeoc.

ÉXODO 12:46

Incaymalhquic aplhamoclhojo ingyaniclhac lhama tingma yoyam eltovamcoc congne. Noelsaclhes nasa apitic amyip. Noelintas nasa alhquipcoc.

NÚMEROS 9:12

Noelayim nasa apjapitic acvaycmo secaseclha. Noelintas nasa apilhquipcoc nipquesic. Elsavojo sat apcanamaclha Dios, actemaclha apquilyiplovquiscama.

SAN MATEO 1:22

Eycaso invitalhquic alhta. Invocmec nic nat nelha Visqui ingac appayvam aplhanma ilhnic nat profeta Dios aplingascama, yoyam cotnejic:

SAN JUAN 13:18

‘Am olhenac quellhip apquilanomacpo. Acyasamcoc coo apquiltomja silyacyesaycam nipyesicsa quellhip. Incaymalhquic cotmongvomoc nelha actemaclha Dios appayvam actalhesomalhca: Enlhit sictomo lhama nintom aptomja setanongvoyam, etnejic sat malha cotnaja emoc.

SAN JUAN 19:24

Apquilpamejitsacpec alhta singilpilhtetemo: —Mongilyaptec sat. Sicas sat ontovacsic. Emoc sat aptomja apmetsovjam —alhta apquiltomjac. Invocmec alhta nelha aclhanma Dios appayvam actalhesomalhca: “Apquilmilascacpe nac silantalhnama. Apnatovasquic sicas apmetsovjacpo sictalhnama” —nic nat intomjac actalhesomalhca. Apquilvajanamquic alhta singilpilhtetemo actemaclha aclhanma nic nat actalhesomalhca.

SAN JUAN 19:28

Apyasamcoc alhta Jesús actomja acpensomalhca aptamjaycam. Invocmec alhta nelha aclhanmaclha Dios appayvam actalhesomalhca. Ayinyemaclha aptomjac alhta Jesús: —Acnim coo eyajac —alhta aptomjac.