SAN JUAN 18:8 - Enhlit Bible

⁸ Aptomjac alhta inyicje: Coo nac aso. Selquitamsama sat ancoc coo, elane sat eltajiclha sellhalhmaa —alhta aptomjac.

SAN JUAN 18:8 Iomraidhean Croise

ISAÍAS 53:6

Ningillhinganyam innac ninlhamoclhojo, malha nipquesic apquillhinganyam. Ningilyasquic mataa ningilyasaclha inganco. Aplingamcoc acmasca Dios apquilancam ayinyema nincoo mongilyascalhma, malha appatimquiscama acyimtalhnama Dios.

SAN MATEO 26:56

Invitalhquic as asoc, yoyam cotmongvomoc nelha Dios appayvam apnatalhescama ilhnic nat profetas Dios apquillingascama —alhta aptomjac. Yejemoc alhta apquinyajamco apquiltamsoycaoc. Aplhapcoc alhta aptomjaclha Jesús.

SAN JUAN 10:28

Olmesic sat acyimnatem apnenyaoc cotmongvoycamlha nelha. Melnatovasacpejec sat mataa. Acmiyovquic coo sicnatoscama. Copvanquejec enlhit jelnatamoc sicnatoscama.

SAN JUAN 13:1

Invocmec alhta acnim yicpintama pascua caya apquilyeycajaycaoc. Apyasamcoc alhta Jesús acvocmo acnim, yoyam elvaticsic aptiyascam as nalhpop, yoyam eyoclhac sat mocjam apnaclha Apyap. Apquilasicjavoc alhta mataa apnaymacoc apnaycam as nalhpop. Inyangvocmec alhta Jesús apquilasicjayo acvocmo nelha aptiyascam as nalhpop.

SAN JUAN 13:36

Aptomjac alhta Pedro apcanya Jesús: —Visqui, ¿jalhcojo sat eyacsic? —alhta aptomjac. Apcatingmavoc alhta Jesús: —Copvanquejec lhip jeyiplaclha quilhvo nac jay sicmiyaclhilha. Jeyimjaoclhac sat eyca —alhta aptomjac.

SAN JUAN 16:32

Quip elanojo. Comoc sat acnim, invaac najan quilhvo nac jay, yoyam ingyilhpanic quellhip. Moc amay sat elmiyaclhac mataa poc. Jelyinyoc sat coo. Molhejec sat elhapco, apnec coo Tata aptomja siclhalhma.

SAN JUAN 18:7

Yejemoc alhta apquilmalhna mocjam Jesús: —¿So apquiltingya yi? —alhta aptomjac. Apquilatingmavoc alhta: —Jesús co Nazaret ninquitamac —alhta apquiltomjac.

SAN JUAN 18:9

Invocmec alhta acvamlha aplhanmaclha Jesús: “Am alhta alhnanacmoc lhama enlhit selmescama alhta coo Tata.”

1 CORINTIOS 10:13

Inyipconalhquic mataa actemaclha mongyasquiyam nincoo acno najan poc enlhitaoc. Am eyeycajasac mataa appayvam Dios. Mengyanejec sat Dios jingyipconic mongvanco asoc. Ningilyipconalhquic sat ancoc mocjam, Dios sat jinlhicmosic yoyam ongilyipjongvomoc tap. Jingilpasmoc sat yoyam mongilsilhnanalhquejec nincoo.

2 CORINTIOS 12:9

Aptomjac alhta seyanya Visqui ingac: “Innoc acvamlha siyasicjayo lhip, coymalhquejec mocjam. Invitalhquic mataa acyiviy sicmovan naysicsa mepqui lha apmopvan enlhit” —alhta aptomjac Visqui ingac. Altamjoc olhenic mataa sictemaclha mepqui sicmovan ajanco yoyam colhic evalhoc Cristo apmopvan apanco.

EFESIOS 5:25

Quellhip enlhitaoc. Elasicjojo mataa apnatamcaa. Ayinyemaclha Cristo najan aptomja apcasicjayo apmolhama. Apyinyovquic alhta acyimnatem apnenyic acyanmongam apmolhama.

1 SAN PEDRO 5:7

Nocollhen nasa apquilvalhoc asoc yoyam cotnejic, ayinyemaclha Dios apquiltamjoc mataa elmeyvoc quellhip.