SAN JUAN 17:19 - Enhlit Bible

¹⁹ Acponquinalhquic coo ajanco, eyca ayinyemaclha as enlhitaoc. Altamjoc colhic alponquinsa as enlhitaoc ayinyema actomja nasoc anco.

SAN JUAN 17:19 Iomraidhean Croise

ISAÍAS 62:1

Aptomjac nic nat profeta: Movanquejec mataa mepqui siclingascama amyaa, sicvita quellhip apnaycam tingma Jerusalén, najan mepqui siclovquiscama sicyampay. Ongvevam sat Visqui ingac epasingvotac quellhip, colhojoc sat ningvitay secaseclha, najan malha actotseycaoc amamyi nipyesicsa quellhip.

JEREMÍAS 1:5

Acponquincasquic alhta lhip metyaycamlha mocjam lhip. Inlhenquic alhta evalhoc lhip etnejic sat profeta aplingascama sicvisay nipyesicsa enlhitaoc lhalhma anco — alhta aptomjac Dios.

NÚMEROS 7:15

Lhama vayqui, lhama nipquesic, lhama nipquesic apquitcoc, aptiyascam lhama año, ematong sat macmescama Dios malvatnama talha acyanmongam mongilyascalhma.

SAN JUAN 10:36

¿Soctomja apquilanya nac quellhip otipsic coo apvisay Dios Ingyapam? ¿Inlhoyqui laa siclhena lhac: Coo sictimem Dios Apquitca? Eponquincasquic coo Tata. Eyapajasquic coo as nalhpop.

SAN JUAN 15:13

Apyinyovquic sat ancoc enlhit acyimnatem apnenyic acyanmongam apnaymacoc, eycaso actomja acyiviy anco apcasicjayo.

SAN JUAN 15:3

Apquilalhnayo inyicje quellhip ayinyema coo sicpayvam siltimnascama mataa quellhip.

SAN JUAN 17:17

Ilponquinquis as enlhitaoc ayinyema actomja nasoc anco. Lhip appayvam actomja nasoc anco.

SAN JUAN 17:20

‘Jave acvamlha silmalhnesquiscama as enlhitaoc. Almalhnescasquic najan enlhit, yoyam eltimjic melyasquiyam ayinyema apquilyajayquiclho apquilpayvam as enlhitaoc.

1 CORINTIOS 1:2

Actalhescasquic as vaycajac actemaclha aclhanma evalhoc apquiltomja Dios apmolhama apnaycam tingma Corinto. Apquiltomja Dios apquilyacyescama apquilpasmeyquiclha Jesucristo. Dios aptomja apquilponquinquiscama quellhip, malha apquevoycam. Inlhenquic najan ingilvalhoc aplhamoclhojo lhalhma anco apquiltomja apquillhanma apvisay Jesucristo Visqui ingac. Ayinyemaclha Jesucristo aptomja Apvisqui apancaoc najan nincoo lha Visqui ingac.

2 CORINTIOS 4:15

Invitalhquic as asoc acyanmongam quellhip. Coyangvomoc sat apquillhoy Dios apcaycaoc aplhamoclhojo enlhitaoc. Coyangvomoc sat apquiltimem gracias Dios Ingyapam aplhamoclhojo enlhitaoc yoyam colhic ayaco Dios.

2 CORINTIOS 7:14

Altimnasquic alhta ingyalhing Tito actemaclha siyayo quellhip. Altimnasquic alhta Tito actomja nasoc anco, acno alhta mataa siltimnascama quellhip amyaa actomja nasoc anco.

2 CORINTIOS 8:9

Apquilyasamcoc quellhip actemaclha singilasicjayo Jesucristo Visqui ingac. Cotlaycaoc nic nat apquilnatam Visqui ingac. Apyinyovquic nic nat apquilnatam. Aptomjac nic nat mepqui asoc yoyam eltimjic quellhip malha acma apquilnatam, ayinyema mepqui asoc Visqui ingac.

COLOSENSES 1:6

Inlingalhquic lhalhma anco as amyaa nac jay, malha ningvitay acyilhna. Acno alhta siclhoc apquillingay quellhip lha tasic amyaa. Apquilyicpilcangvocmec alhta Dios apcaycaoc actomja nasoc anco.

1 TESALONICENSES 4:7

Apquiltamjoc Dios yoyam ontimjic ningiltamilcasomalhco inganco yoyam cotnejic ayalhnayo ingvalhoc. Dios aptomja singanama, malha singevoycam yoyam mongilvajanamquejec actemaclha ayitsepaycam ingnenyic.

2 TIMOTEO 2:10

Aclingamco inyicje acmasca. Altamjo eyca opasmoc apquiltomja Dios apquilyacyescama. Yoyam elvitac sat ningilvomsomalhca tap cotmongvoyam nelha ayinyema ninpasmeyquiclha Cristo Jesús.

TITO 2:14

Apyinyovsomacpo apanco yoyam ematong singyanmongam nincoo. Yoyam jingilvomsic tap naysicsa asoc almasomcaa. Yoyam ongiltimjic ningilalhnayo mepqui ningmasom. Yoyam ongiltimjic apquitquic yoyam ongilyiplovcasojoc actemaclha actamila.

HEBREOS 10:29

Coyangvomoc sat apyanmongsayclha Dios aptemaclha enlhit aptomja apvinéycam Dios Apquitca najan aptomja apvinéycam em pac Jesucristo najan aptomja aptipsaycam apvisay Espíritu apanco Dios aptomja singasicjayo. Ayinyemaclha Jesucristo em pac actomja asoc monquinatquiscama apmayjayoclha Dios aplhanma alhta yoyam colhejec acyascacmo.

HEBREOS 2:11

Aplhamoclhojo enlhitaoc apquilponquinomap apquiltomja Apquilyapam Dios. Najan Apquitca aptomja apponquinquiscama enlhitaoc aptomja Apyap Dios. Am alhta emancac Dios Apquitca etnejic apquilvisay apquilyalhinga.

HEBREOS 9:13

Apquilmec mataa Dios apquilancam ema ac asoc acticyovam, ayinyema yataay apquinavo najan vayqui inquinavo najan vayqui tajap ac acmeta., Apquililhpajac mataa Dios apquilancam apyimpeoc enlhitaoc melyascalhma yoyam eltimjic apquilponquinomap najan yoyam comascoc comasis apyimpeoc. Eycaso ayinyema acmovan ema ac asoc acticyovam.

HEBREOS 9:18

Am nic nat comalhcac monquinatquiscama apmayjayoclha Dios aplhanma siclhoc anco mepqui ema ayinyema asoc acticyovam.

HEBREOS 9:26

Copvanquejec alhta Cristo ingyitsapoc mataa aclhamoclhojo años ayenmo siclhoc nic nat allanomalhca as nalhpop. Acvamlha lhama apvoy alhta Cristo yicpintama actomjaclha nelha ningvamlha nac jay. Apmesomacpo apanco actemaclha macmescama Dios yoyam emascocsic mongilyascalhma.

1 SAN JUAN 3:18

Quellhip eyitquic. Noeltime nasa alhto apquilpayvam yoyam elasicjojo. Elyiplovcasojo sat mataa actemaclha ningasicjayo actomja nasoc anco.

1 SAN JUAN 3:3

Enlhit acyitna aljalhneycam apvalhoc, incaymalhquic etamilsacpojo apanco, apno Jesucristo aptomja aptamilsomacpo apanco.