SAN JUAN 16:33 - Enhlit Bible

³³ Altimnasquic lha inyicje as asoc, yoyam eltamilsojoc apquilvalhoc quellhip apquiltomja selyipitcayo. Ellingamcoc sat acmasca quellhip naysicsa apquileyvam as nalhpop. Elyimnaticsojo apquilvalhoc. Coo nac sicyimnatem, am olhno enlhit lhalhma anco —alhta aptomjac.

SAN JUAN 16:33 Iomraidhean Croise

SALMOS 68:18

Dios Visqui ingac. Apquinamtec nic nat lhip nitno apnalayclha apquilmomap. Aplhocac nic nat malmescama lhip nipyesicsa enlhitaoc. Elpalhavotac sat enlhitaoc apquilinmelhaycam apnaclha lhip.

MIQUEAS 5:5

Evac sat aptomja singmescama actamilaycam ingvalhoc. Ellanac sat apquilimpocjay co Asiria, elnatovacsic tingma ingac apquiltamila. Ongilapajacsic sat siete apquilviscaa najan ocho enlhit apquilyimtalhnamo.

SAN MATEO 9:2

Yejemoc alhta apquilvaa enlhit. Apquilpatmeyam alhta enlhit apquilyelcomap apyitnama netin aptajanma. Lhama alhta apvita Jesús actemaclha melyasquiyam enlhitaoc. Aptomjac alhta Jesús apcanya meyimnatem: —Lhip, sictimem emoc. Copayjiclha apvalhoc lhip. Inquilmascosalhquic melyascalhma lhip —alhta aptomjac.

SAN LUCAS 19:38

Apquiltomjac alhta: —Ningilayo aptomja apquilhyam apsoyam apvisay Visqui ingac. Coltamilsojoc sat apvalhoc netin. Ningayo netin Dios Ingyapam —alhta intomjac amyaa.

SAN LUCAS 2:14

Gloria apcapongmatem Dios apna netin. Coltamilsojoc apquilvalhoc enlhit apquilasicjayo Dios Ingyapam —alhta apquiltomjac.

SAN JUAN 12:31

Quilhvoc olyicpilcojo apquiltemaclha enlhit lhalhma anco. Quilhvoc sat colhic actipsa avisqui ac as nalhpop.

SAN JUAN 14:1

Aptomjac alhta mocjam Jesús: —Nocoltamjam nasa apquilvalhoc. Noelyasquim nasa Dios Ingyapam. Nojelyasquim coo lha.

SAN JUAN 14:27

‘Altamjoc coo coltamilam apquilvalhoc netamin coo. Ellhovac sat quellhip ayinyema coo actamilaycam evalhoc. Intasi nac actamilaycam ingvalhoc ayinyema coo, am colhno ayinyema enlhit lhalhma anco. Nocoltamjam nasa apquilvalhoc, noela nasa quellhip.

SAN JUAN 16:11

Intovasalhquic nalhpop avisqui ac —acvisay apyicpilquemo Dios Ingyapam, yoyam elyicpilcojo apquiltemaclha apancaoc.

LOS HECHOS 14:22

Aptomjac alhta Pablo najan Bernabé apquilanya enlhit melyasquiyam tasic amyaa: “Elyimnaticsojo mataa apquilvalhoc. Elinlhanmojo apquiltimem melyasquiyam tasic amyaa. Elyasamcojo quellhip: Incaymalhquic colhamojoc actemaclha acyajapmo ingilvalhoc, yoyam ongilpalhavomoc Dios apquilnancascama” —alhta apquiltomjac.

LOS HECHOS 23:11

Moc alhtaa alhta intomjac. Apvitac alhta Pablo napaat Visqui ingac. Aptomjac alhta apcanya: —Pablo, iyimnaticsojo apvalhoc. Aplingasquic lhip sicvisay tingma Jerusalén. Elngacsic sat najan sicvisay tingma Roma —alhta aptomjac.

LOS HECHOS 27:22

Actomjac coo siyanya quellhip: Elyimnaticsojo apquilvalhoc. Mongilmasquejec sat nincoo. Barco sat eyca covayvamcoc.

LOS HECHOS 27:25

Quellhip enaymacoc. Elyimnaticsojo apquilvalhoc. Moyascacmoc coo Dios Ingyapam. Acyasamcoc najan, nasoc sat cotnejic actomjaclha lhac seyanya ángel Dios apcasinancama.

LOS HECHOS 9:31

Yitnec alhta altamilaycam apquilvalhoc Jesucristo apmolhama yoclhilhma Judea najan yoclhilhma Galilea najan yoclhilhma Samaria. Inquilyimnatesalhquic alhta apquilvalhoc. Apquilacoc alhta mataa Visqui ingac. Aplhameclhec alhta ayinyema appasmom Espíritu Santo.

2 CORINTIOS 1:3

Actimec mataa siyayo Dios aptomja Apyap Jesucristo Visqui ingac. Aptomja singamliyam inyap najan Dios aptomja aptamilquisquiyam ingvalhoc.

2 CORINTIOS 13:11

Quellhip elyalhinga. Sas sat apnaycam, colpayjiclha apquilvalhoc quellhip. Ellaniclha sat aclhamoclhojo asoc nipyesicsa. Eltamilquisquim sat apquilvalhoc poc nipyesicsa quellhip. Elinlhanmojo sat apquilyiplovquiscama. Eltamilsojo sat mataa apquilvalhoc. Epasmoc sat quellhip Dios aptomja singasicjayo najan acyitna actamilaycam apvalhoc.

2 CORINTIOS 2:14

Pac ontimjic gracias Dios. Ingnalaclhec mataa Dios sintimesquisa ningilyimnatem ayinyema Cristo yoyam jingilanojo enlhitaoc. Ninlingasquic nincoo apvisay Visqui ingac nipyesicsa enlhitaoc lhalhma anco, malha ilhnamoc acpayjeyquiclha acpaniyam lhalhma anco.

2 CORINTIOS 4:7

Inyitsalhquic nincoo ningilyovoclhojo yatingvalhva. Appiquinquic Dios ingilvalhoc asoc acmamnave anco. Cotnatsalhquejec sat ayinyemayaclha acyiviy ningmovan. Am conyemac nincoo inganco, Dios eyca ayinyema ningmovan.

2 CORINTIOS 6:4

Ningiltamjoc mataa yoyam cotalhca nintemaclha ningiltomja Dios apquilancam. Ningilinlhanacmec mataa naysicsa ninlingaycamco acmasca najan naysicsa ayaymomalhca asoc najan naysicsa actamjaycam ingvalhoc.

2 CORINTIOS 7:4

Am oyascacmoc coo apquiltemaclha quellhip. Aclhenquic coo mataa apquiltemaclha actamila quellhip yoyam colhic alaco. Avanjec mataa acpayjayclha evalhoc naysicsa siclingaycamco acmasca.

GALATAS 1:4

Apyinyovsomacpo apanco acyanmongam mongilyascalhma, ayinyema apmayjayoclha Dios Ingyapam. Aptomja singilvayclha ningiltomja ningileyvam naysicsa ayasomquilha as ningvamlha nac jay.

GALATAS 6:14

Am oyimtalhnesalhco ajanco. Inlhenquic mataa evalhoc apquitsepma netin asoc timyescama Visqui ingac Jesucristo. Mopasmejec sat mataa apquiltemaclha enlhit lhalhma anco, malha siyitsepma actomjac coo. Inmasquingvocmec najan apquiltemaclha enlhit lhalhma anco movanquejec mataa opasmoc.

FILIPENSES 4:7

Dios Ingyapam sat elmesic altamilaycam apquilvalhoc, am colhno ayinyema enlhit apquillhanma. Coltamilic sat apquiltemaclha quellhip ayinyema altamilaycam apquilvalhoc apquiltomja apquilpasmeyquiclha Cristo Jesús.

COLOSENSES 1:20

Apquiltamjoc nic nat Dios yoyam coytic altamilaycam apquilvalhoc enlhitaoc ayinyema apquitsepma Cristo netin asoc timyescama. Apquiltamjoc nic nat Dios yoyam elasicjiclhojoc mocjam enlhitaoc apquileyvam as nalhpop najan apnaycam netin.

1 TESALONICENSES 3:4

Ningiltimnasquic alhta inyicje naysicsa ningma alhta nipyesicsa quellhip, mongvanquejec mongvita nincoo acmasca. Eycaso acvaa quilhvo nac jay. Apquilvita najan quellhip lha.

1 TESALONICENSES 3:7

Quellhip ingilyalhinga. Intamilaclhec mocjam ingilvalhoc ninlinga actemaclha melyasquiyam quellhip. Ayinyemaclha yimtilhec nincoo aso naysicsa ninlingaycamco acmasca.

2 TESALONICENSES 3:16

Actamilaycam ingvalhoc ayinyema Visqui ingac. Ningiltamjoc nincoo yoyam ellhovac quellhip mataa actamilaycam apquilvalhoc najan aclhamoclhojo actemaclha. Ningiltamjoc yoyam epasmoc quellhip Visqui ingac.

2 TIMOTEO 3:12

Nasoc as amyaa: Ningiltamjoc sat ancoc onlhojoc aptemaclha Jesucristo, mongvanquejec mongvita singilminlhinaycam.

HEBREOS 11:25

Apquiltamjoc nic nat Moisés elngamcojoc lhama acmasca apnaymacoc apquilvisay Dios apmolhama. Am nic nat eltamjoc Moisés ingyitsovacsojo acyavataclhojo naysicsa asoc alinyema mongilyascalhma.

HEBREOS 7:2

Cotlaycaoc nic nat asoc apmetsovjom Abraham naysicsa apquilnapomap. Apquilmasquic nic nat Abraham moclhama diez asoc apmetsovjom macmescama Melquisedec aptomja Dios apquilancam. Moc ningiltimem Melquisedec “Visqui Appeyvomo”. Apquiltimec nic nat moc apvisay “apvisqui tingma Salem”, ningiltimem nincoo Salem apvisay “apvisqui actamilaycam ingvalhoc”.

1 SAN PEDRO 5:9

Elyimnates quellhip actemaclha melyasquiyam malha apquilmaycam yoyam melacyejec sat quellhip. Apquilyasamcoc quellhip actemaclha apquillingaycamco acmasca ingilyalhinga apnaycam lhalhma anco, acno quellhip.

1 SAN JUAN 2:13

Quellhip elyapmayc. Actalhoscasquic quellhip as vaycajac. Ayinyemaclha apquilyicpilcangvocmec quellhip Dios Ingyapam aptomja apma siclhoc anco, apmamyi apquilantipquiscama aclhamoclhojo asoc. Quellhip quilyimnanic. Actalhoscasquic quellhip as vaycajac. Ayinyemaclha apmeleyjac alhta quellhip, am colhno somquic quilyicjamo. Quellhip eyitquic. Actalhoscasquic alhta quellhip. Ayinyemaclha apquilyicpilcangvocmec quellhip Dios Ingyapam.

1 SAN JUAN 4:4

Quellhip eyitquic. Quellhip apquiltomja Dios apquitquic. Apquilmopvan innac quellhip, am elhnoc enlhit apquilmopvancaa amyaa. Apnec quellhip apquilvalhoc Espíritu apanco Dios aptomja apyimtalhnamo, am colhno somquic quilyicjamo acna apquilvalhoc enlhitaoc lhalhma anco.

1 SAN JUAN 5:4

Nintimec sat ancoc Dios apquitquic, ongilyimnac sat. Am colhoyc sat apquiltemaclha enlhit lhalhma anco. Mongyasquiyam nincoo actomja acyimnatem, am colhno apquiltemaclha enlhit lhalhma anco.

EL APOCALIPSIS 12:11

Apmeleyjac ingilyalhinga, am colhnoc yavey Satanás. Apquilyimnatem ingilyalhinga ayinyema apquitsepma Nipquesic Apquitcoc najan ayinyema apquillingascama amyaa ayinyema Dios. Am alhta elmiyavac acyimnatem apnenyaoc acvocmo yoyam eticyo.

EL APOCALIPSIS 3:21

Apquilinlhanacmec sat ancoc enlhit apyiplovquiscama, olhnesic sat sicnaclha. Jelhojoc sat lhama sicmaclha netin sictajanem actomja Visqui aptajanem. Acno alhta coo lha silinlhanyacmo naysicsa sicyiplovquiscama. Acnacmec alhta lhama coo Tata apmaclha netin aptajanem actomja Visqui aptajanem.

EL APOCALIPSIS 7:14

Actomjac alhta coo siyatingmavo: —Visqui, lhip apyasamcoc —alhta actomjac coo. Aptomjac alhta seyanya mocjam: —Avanjec alhta apquillingaycamco acmasca apquilinyemayaclha as enlhitaoc. Apquilyimyesquic alhta apquilantalhnama em pac Nipquesic Apquitcoc. Apquilmopisaclhec alhta apquilantalhnama.

JUECES 3:2

Incaymalhquic nic nat israelitas aptovana elyasingvomoc actemaclha ningimpocjay apquiltemaclha nano.