SAN JUAN 16:22 - Enhlit Bible

²² Innoc najan quellhip. Apyovsecac quellhip quilhvo nac jay. Otangvotac sat mocjam quellhip. Colpayjiclhac sat apquilvalhoc quellhip. Comascosalhquejec sat acpayjayclha apquilvalhoc.

SAN JUAN 16:22 Iomraidhean Croise

JOB 34:29

Am sat ancoc ingyajalhnoc Dios, ¿soc enlhit yoyam ingyinmelham? Apyilhanmec sat ancoc Dios, ¿soc enlhit apmopvan eticlhac mocjam Dios? Colapvanquejec elinmelham enlhitaoc,

SALMOS 146:2

Actimec coo siyayo Visqui aclhamoclhojo acnim. Omnaycmacsic sat actemaclha siyayo Dios acvocmo acnim siyitsepma.

SALMOS 33:21

Impayjeclhec ingvalhoc apna Visqui ingac. Nintimec ningilayo actomja acpeyvomo apvisay.

ISAÍAS 25:9

Colngalhcac sat actemaclha ninlhanma: Quip elanojo quellhip Dios singvomquiscama tap, mepqui mataa ningyasquiyam. Elitsovacsojo, colpayjiclha apquilvalhoc aptomja singvomquiscama tap — sat cotnejic ninlhanma nincoo.

JEREMÍAS 31:12

Elvotac sat naysicsa apquilminaycmascama najan apquilitsovascama tingma Jerusalén. Ellhovamcoc sat cotlaycaoc asoc: trigo apactic, najan uva ayingmenic, najan aceite, najan apnatoscama nipquesic najan vayqui. Apquilyitsomacpo ayimjaclha ninganma actamila. Eltimjic sat apquilyimnatem cotningvoyam nelha.

SAN MATEO 28:8

Inquiltajavoc alhta mocjam quilvanaa. Inquilacac alhta siclho, inquilitsovasoc najan. Innateymaoclhec alhta, yoyam coltimnasquiclha amyaa apquiltamsoycaoc.

SAN LUCAS 10:42

Lhama asoc eyca ningilanyomalhca ongillanac. Inyacyesquic lhac María actamila asoc. Colatamalhqueje nac maa —alhta aptomjac.

SAN LUCAS 16:25

Apcatingmavoc nic nat Abraham: Emoc, coyit apatic nintamin alhta. Altamila asoc alhta innamcoc lhip mengyitsepmaclha. Asomcoc alhta aptiyascam mengyitsepmaclha Lázaro. Quilhvo eyca intamalvaac apvalhoc Lázaro. Apyovsec lhip quilhvo acmasca.

SAN LUCAS 19:26

Apcatingmavoc alhta apvisqui: Actomjac coo siyanya quellhip: Yitnec sat ancoc asoc, ongillhoveclhac sat mocjam. Yitnec sat ancoc lhama asoc, colhic sat sintapilhquiscaso asoc ingac —alhta aptomjac.

SAN LUCAS 24:41

Apquilyascacmec alhta mocjam ayinyema alpayjayclha apquilvalhoc najan acpilapquiscama apquilvalhoc. Aptomjac alhta apquilanya Jesús: —¿Yitne ya nintom? —alhta aptomjac.

SAN JUAN 14:1

Aptomjac alhta mocjam Jesús: —Nocoltamjam nasa apquilvalhoc. Noelyasquim nasa Dios Ingyapam. Nojelyasquim coo lha.

SAN JUAN 14:19

Quilhvoc sat ovonquepoc coo. Mejelviticlhejec sat mocjam enlhit lhalhma anco. Quellhip eyca jelvitac sat mataa. Colhic sat acyimnatem apnenyaoc, ayinyemaclha cayjec coo enquenyic.

SAN JUAN 14:27

‘Altamjoc coo coltamilam apquilvalhoc netamin coo. Ellhovac sat quellhip ayinyema coo actamilaycam evalhoc. Intasi nac actamilaycam ingvalhoc ayinyema coo, am colhno ayinyema enlhit lhalhma anco. Nocoltamjam nasa apquilvalhoc, noela nasa quellhip.

SAN JUAN 16:16

‘Acyavataclhojo sat cotnejic mejelvitay quellhip. Ovotac sat jayqui mocjam, jelviticlhac sat quellhip. Omyaclhac sat apnaclha coo Tata —alhta aptomjac.

SAN JUAN 16:20

Actomjac coo silanya quellhip: Naso, elyipcalhic sat quellhip. Elinlhanmam sat najan quellhip. Eyca elitsovacsojoc sat enlhitaoc lhalhma anco. Naso, colyitnocjojoc sat apquilvalhoc quellhip. Comascoc sat eyca acyitnocjayo apquilvalhoc. Colpayjiclhac sat apquilvalhoc quellhip.

SAN JUAN 16:6

Nasoc anco alyitnocjavo apquilvalhoc quellhip, ayinyemaclha siltimnasa lhac as asoc.

SAN JUAN 21:7

Apnec alhta maa apquiltamescama aptomja alhta Jesús apcasicjayo. Aptomjac alhta as apquiltamescama apcanya Pedro: —Visqui ingac nac maa —alhta aptomjac. Lhama alhta aplinga Simón Pedro. Yejemoc alhta apcalacpo apava. Ayinyemaclha mepqui apava alhta Pedro. Apnilhtinquic alhta congne yingmin.

SAN JUAN 4:14

Mejingajiclhejec sat mataa acnim ningiltomja ningyam yingmin ayinyema sicmescama coo. Eycaso yingmin sicmescama coo cotnejic sat actiyapmaclha mataa yingmin ingvalhoc ingac. Yoyam colhic sat acyimnatem ingnenyaoc cotmongvoycamlha nelha —alhta aptomjac.

LOS HECHOS 13:52

Payjeclhec alhta apquilvalhoc enlhit melyasquiyam tasic amyaa. Espíritu Santo alhta apnac apquilvalhoc.

LOS HECHOS 16:25

Alhtaa aysicso alhta intomjac. Yejemoc alhta apquililmalhna najan apquilminaycmasa Dios appayvam Pablo najan Silas. Apquiljalhnoc alhta apnaymacoc aptomja apquilpilhtetomacpo lhama.

LOS HECHOS 2:46

Am alhta coyeycajalhca moc apquiltemaclha. Apquilinlhanacmec alhta aclhamoclhojo acnim apquilyoyquiclha tingma apponquinomap. Apquilyaptama quilpasmongam alhta aptomjac moclhama tingma. Inquilpayjeclhec alhta mataa apquilvalhoc naysicsa aptoycaoc apquilpasmeyquiclha.

LOS HECHOS 5:41

Yejemoc alhta apquilantepa apóstoles apquilapajasomap napatavo apquilviscaa apquilpamejitsomap. Payjeclhec alhta apquilvalhoc mayasquiscama apyimpeoc acyanmongam apquillhanma apvisay Jesús.

2 CORINTIOS 6:10

Ingilyovsecac mataa nincoo, inpayjeclhec eyca mataa ingilvalhoc. Mepqui asoc nincoo, ningilmasquic eyca cotlaycaoc asoc enlhitaoc. Mepqui ningilnatam nincoo, yitnec eyca aclhamoclhojo asoc.

2 TESALONICENSES 2:16

Jesucristo Visqui ingac najan Dios Ingyapam aptomja singilasicjayo nincoo. Dios singaycaoc ayinyema ningillhoy acpayjayclha ingvalhoc cotmongvoycamlha nelha najan aljalhneycam ingvalhoc actamila.

HEBREOS 10:34

Apquilimlacmoc alhta quellhip apnaymacoc apquilmomap naysicsa apquillingaycamco acmasca. Inpayjeclhec alhta apquilvalhoc quellhip naysicsa apquilatamomap apquilnatam. Ayinyemaclha apquilyasamcoc quellhip acyitna netin apquilnatam actamila anco najan actomja comasquingvoyam.

HEBREOS 6:18

Apquiltamjoc nic nat Dios colhic actamilaycam ingvalhoc, ayinyema aplhanma apanco actomja nasoc anco najan ayinyema aplhenamacpo apanco yoyam colhejec acyascacmo. Ayinyemaclha copvanquejec Dios etnejic apmopvan amyaa. Dios aptomja sintamilquiscama. Ningilinlhanacmec nincoo actemaclha aljalhneycam ingvalhoc.

1 SAN PEDRO 1:8

Apquilasicjavo inyicje quellhip Jesucristo, am eyca elvitac mocjam. Am inyicje elvitac quilhvo, am eyca elyascacmoc quellhip. Invocmec sat ancoc nelha melyasquiyam, malha apquilvoyam apmamyi acvisay ningilvomsomalhquilha tap. Avanjec sat cotnejic acpayjayclha apquilvalhoc quellhip, am colhno actemaclha acpayjayclha ingvalhoc as nalhpop.