SAN JUAN 16:13 - Enhlit Bible

¹³ Apvaac sat ancoc Espíritu apvisay Singilmalhnesquiscama aptomja nasoc anco, elyascasingvomoc sat aclhamoclhojo asoc actomja nasoc anco. Jave sat aplhanma apanco, elngacsic sat acvisay asoc actomja aplingay ayinyema coo Tata. Elyasingvomoc sat quellhip asoc yoyam colvac sat.

SAN JUAN 16:13 Iomraidhean Croise

ISAÍAS 11:2

Elhic sat mataa espíritu apanco Dios apvalhoc maa. Colhic sat acyascamco apvalhoc, najan acyimtalhnamo apvalhoc, najan acmovan apvalhoc, najan acyicpilquemo apvalhoc, najan alyajayquiclho apvalhoc napato Dios.

JOEL 2:28

Aptomjac alhta Dios Apyimtalhnamo: Ongvapajacsic sat nalhit acnim espíritu ajanco elhic sat apquilvalhoc apyovoclhojo enlhitaoc. Ellingacsic sat sicvisay quellhip apquitquic apquilinava najan quilvanaa. Colvitac sat apquilvanmoncama apquilvanyam najan quilyimnanic.

SAN JUAN 12:49

Jave siltimnaycam ajanco. Coo Tata aptomja seyapajascama, yoyam oltimnam najan olhicmocsic enlhitaoc.

SAN JUAN 14:17

Colapvanquejec enlhit lhalhma anco ellhovac Espíritu nac maa. Colapvanquejec elvita najan elyicpilcojo. Quellhip eyca apquilyicpilcoc, ayinyemaclha elhojoc sat mataa lhama quellhip. Elhic sat najan apquilvalhoc quellhip.

SAN JUAN 14:26

Evac sat Espíritu Santo, yoyam epasmoc quellhip. Coo Tata sat ingyapajacsic actemaclha aplhanma sicvisay. Elyascasingvomoc sat Espíritu Santo aclhamoclhojo asoc. Elyasingvoclhojoc sat quellhip actemaclha siltimnascama mataa quellhip.

SAN JUAN 14:6

Apcatingmavoc alhta Jesús: —Coo sictimem amay najan actomja nasoc anco najan acyimnatem ingnenyic. Am sat ancoc jeyotac coo enlhit, copvanquejec eyoclhac apnaclha coo Tata.

SAN JUAN 15:26

Coo Tata apquinyemac apvisay Singilmalhnesquiscama aptomja nasoc anco. Ongvapajacsic sat apvisay Singilmalhnesquiscama sicvaclho sat apnaclha coo Tata. Apvaac sat ancoc Espíritu yoyam epasmoc quellhip, elngacsic sat sicvisay.

SAN JUAN 16:12

Yitnec coo mocjam aclhamoclhojo amyaa, yoyam oltimnacsic quellhip. Colapvanquejec elyasingvomoc quellhip quilhvo.

SAN JUAN 3:32

Aplingasquic mataa asoc apvitay najan aplingay alhta. Apquilyascacmec mataa enlhitaoc actomjaclha appayvam.

SAN JUAN 8:38

Aclingasquic coo mataa amyaa, aptomja selhicmoscama coo Tata. Apquillanac mataa asoc quellhip ayinyema apquilyap apquiltimnascaoc —alhta aptomjac.

LOS HECHOS 11:28

Apquiningvaac alhta nipyesicsa apquilyalhinga lhama profeta Dios aplingascama. Apvisay alhta Agabo. Espíritu Santo alhta apnac apvalhoc. Apquiltimnasamcaa alhta amyaa, yoyam covac sat alnapma mayc lhalhma anco. Naysicsa aptimem apvisqui Claudio alhta intamongvocmoc mayc.

LOS HECHOS 20:23

Eyascasamcoc mataa Espíritu Santo moclhama tingma sicvamlha mataa. Eyascasamcoc yoyam omalhca coo, yoyam elascacsic eyimpejic.

LOS HECHOS 27:24

Aptomjac lhac seyanya: “Nongya nasa Pablo. Incaymalhquic evoclhac sat lhip apnaclha apvisqui co Roma. Eycaso ayinyema, yoyam elvomsacpoc tap aplhamoclhojo apquillhalhmaa” —alhta aptomjac ángel Dios apcasinancama.

2 TESALONICENSES 2:12

Elnatovasacpoc sat aplhamoclhojo apquiltomja apquilyasquiyam actomja nasoc anco. Elnatovasacpoc sat najan apquiltomja apquilyisponcama acmasom.

2 TESALONICENSES 2:3

Noelyejiclhojo nasa enlhitaoc yoyam elyinimsic quellhip. Cotyapoc sat amamyi acyinamam olhma nipyesicsa enlhitaoc apquiltomja apquilinmelhaycam Dios, yicpintama evotac Visqui ingac. Etacpoc sat lhama apyimtalhnamo apvisay mongyascalhma inyap, etvasacpoc sat ningiltovasomalhquilha.

HEBREOS 1:1

Appamejitcasquic nic nat mataa Dios aclhamoclhojo actemaclha. Appamejitcasquic nic nat Dios profeta yoyam ellingacsic appayvam nipyesicsa ningilyeyjamcaa.

1 SAN JUAN 2:20

Apquillhocac alhta quellhip Espíritu Santo ayinyema Jesucristo aptomja apponquinomap. Apquilyasamcoc quellhip aclhamoclhojo asoc apquilanomacpo.

1 SAN JUAN 2:27

Quellhip eyca acyitna apquilvalhoc Espíritu Santo ayinyema apmescama Jesucristo. Am ingyaymacpoc poc enlhit yoyam elhicmocsic nipyesicsa quellhip. Espíritu Santo aptomja apquillhicmoscama aclhamoclhojo asoc. Actomja nasoc anco aplhicmoscama Espíritu Santo, jave acmovan amyaa. Eltime sat mataa apquilpasmeyquiclha Jesucristo actemaclha alhta apquillhicmoscama Espíritu Santo.

1 SAN JUAN 4:6

Nincoo eyca ningiltomja Dios apquitquic. Apquililjalhnoc mataa ninlhanma apquiltomja Dios apquitquic. Am eliljalhnoc mataa ninlhanma metnaja Dios apquitquic. Monginatsejec sat nincoo aptemaclha Espíritu apanco Dios aptomja nasoc anco najan actemaclha anco somquic quilyicjamo actomja acmovan amyaa.

1 SAN JUAN 5:6

Apvaac nat Jesucristo. Yitnec nat anit asoc monquinatquiscama apvoya: yingmin najan em pac. Jave acvamlha yingmin aclhenomalhca. Inlhenalhquic anit: najan yingmin najan em pac acyinquinomalhca. Espíritu apanco Dios eyca aptomja aplhanma yoyam colhejec acyascacmo. Espíritu apanco Dios apvisay aptomja nasoc anco.

EL APOCALIPSIS 1:1

Eycaso actemaclha apvitay asoc Jesucristo ayinyema Dios. Apquiltamjoc Jesucristo elhicmocsic asoc acyilhomalhca yoyam elyasamcojo apquilancam. Yoyam cotlapsic sat colva. Apcapajasquic alhta apcasinancama Jesucristo lhama ángel apnaclha Juan yoyam elhicmocsic asoc yoyam colvac sat.