SAN JUAN 15:8 - Enhlit Bible

⁸ Inlhamaclhec sat ancoc apyilhna quellhip, colhic sat ayaco coo Tata. Eltimjic sat quellhip siltamsoycaoc ajanco.

SAN JUAN 15:8 Iomraidhean Croise

ISAÍAS 60:21

Elyiplovcasojoc sat siyanamaclha apyovoclhojo enlhitaoc, melantipsacpejec sat mataa apquileyvomaclha. Ellhojoc sat ayimjaclha ninganma, ayinyema siyinayclha alhta coo. Coo alhta silantipquiscama, yoyam colhic seyaco gloria ajanco.

ISAÍAS 61:3

Colhic sat acmesa apquilnatanma apyitsicsaoc, jave mocjam tajap apyitsicsaoc. Colhic sat acmesa apquilitsovascama, jave mocjam apava acmayovsa apquilvalhoc. Colhic sat acmesa apquilayo, jave mocjam ayay apquilvalhoc. Colhic sat alyitquisa yamit actamila najan ayimjaclha acyilhna Visqui ingac, colhic sat ayaco Dios.

HAGEO 1:8

Elyas sat maa nalhma netin inquilhe, elpatmenta sat yamit, yoyam ongillaniclha mocjam tingma apponquinomap. Copayjiclhac sat evalhoc coo, colhic sat seyaco maa.

SAN MATEO 5:16

Ellhojo sat quellhip lha. Elapongmit sat nipyesicsa enlhitaoc. Colvitalhcac sat quellhip apquiltamjaycam altamila. Colhic sat ayaco Ingyapam netin —alhta aptomjac.

SAN MATEO 5:44

Coo eyca actomjac silanya quellhip: Elasicjojo cotnaja ingmoc. Elmalhnesquis asoc altamila enlhit apquiltomja apquilminlhinaycam. (Eltamilsojo sat enlhit apquiltomja apquiltanoncama. Elmalhnesquis sat enlhit apquiltomja apquilyamneycam quellhip najan apquilminlhinaycam).

SAN MATEO 9:8

Apcacpec alhta apvitacpo. Apquilacoc alhta enlhitaoc Dios Ingyapam aptomja apquilmopvanesquiscama enlhit.

SAN LUCAS 6:35

Nincoo eyca, pac ongilasicjojo cotnaja ingmoc. Pac ongimlimojo najan ongmesic asoc inganco apmaycaoc poc enlhit. Colhenejec sat ingvalhoc acyanmongayclha. Avanjec sat cotnejic acyanmongam netin. Ontimjic sat nincoo Dios Ingyapam netin apquitquic. Apquimlaycmojo mataa enlhit colhanma apquilvalhoc najan apquilmapsomcaa.

SAN JUAN 13:35

Apquilasicjacpoc sat ancoc nipyesicsa quellhip, melquinatsejec sat enlhit lhalhma anco apquiltomja quellhip siltamsoycaoc —alhta aptomjac Jesús.

SAN JUAN 15:5

‘Coo sictimem uva avjac, quellhip maa actingaoc. Apquilinlhanacmec sat ancoc quellhip selyipitcaycam coo acno silyipitcaycam quellhip, colhamiclhac sat apyilhna quellhip. Colapvanquejec quellhip ellanac lhama asoc mepqui coo.

SAN JUAN 8:31

Aptomjac alhta Jesús apquilanya judíos quilhva apquiltimem melyasquiyam: —Apquilyiplovcasquic sat ancoc quellhip sicpayvam, eltimjic sat siltamsoycaoc.

1 CORINTIOS 10:31

Actomjac coo silanya quellhip: Eltime sat mataa apquilayo Dios naysicsa aptoycaoc najan naysicsa apyinaycaoc najan naysicsa apquiltingyey moc asoc.

1 CORINTIOS 6:20

Avanjec alhta apyanmonquiscama Dios acyanmongam quellhip. Elane sat comojoc apquilyovoclhojo apquiltimem apquilayo Dios.

FILIPENSES 1:11

Coyit apquilvalhoc actemaclha actamila ayinyema Jesucristo. Sat cotnejic malha acyilhna acnaclhamalhca. Colhic sat mataa ayaco Dios Ingyapam.

TITO 2:10

Incaymalhquic apquilancam eltimjic mepqui apquilminyilhma. Sat eltimjic apquilpeyvomo apanco. Elyispac sat poc enlhitaoc elvita apquiltemaclha apquilancam. Colhic sat ayaco singillhicmoscama ayinyema Dios aptomja singvomquiscama tap.

TITO 2:5

Incaymalhquic coltimjic alyascamco anco najan actemaclha actamilaycam avalhoc. Incaymalhquic yoyam coltamjam mataa tingma ac. Incaymalhquic yoyam coltamilsalhcojo anco yoyam najan colilyejiclhojo anatamcaa. Yoyam cotanovalhquejec mataa Dios appayvam.

1 SAN PEDRO 2:12

Eltamilsacpojo apanco nipyesicsa enlhit lhalhma anco. Ayinyemaclha inquilantipsalhquic mataa apquilvisay quellhip nipyesicsa apquilmopvancaa amyaa. Cotalhcac sat nipyesicsa maa actemaclha apquiltamilcasomacpo apanco quellhip. Eltimjic sat apquilayo Dios as enlhitaoc acvocmo sat acnim ningyicpilcomalhquilha.

1 SAN PEDRO 4:11

Apquiltimnam sat ancoc lhama nipyesicsa quellhip, ilhen sat Dios appayvam. Yitnec sat ancoc lhip actemaclha aptamjaycam, iyiplovquis sat actemaclha Dios apmescama. Incaymalhquic mataa yoyam colhic ayaco Dios Ingyapam ayinyemaclha singilpasmom Jesucristo. Colhic sat mataa ayaco Dios Ingyapam najan apmopvan cotmongvoycamlha nelha. Amén.