SAN JUAN 15:7 - Enhlit Bible

⁷ ‘Apquilinlhanacmec sat ancoc quellhip selyipitcaycam coo, innamquic sat ancoc sicpayvam apquilvalhoc quellhip. Natamin ellhovac sat quellhip moclhama asoc selmalhnaycam coo.

SAN JUAN 15:7 Iomraidhean Croise

1 REYES 3:5

Apnec nic nat apvisqui Salomón netin inquilhe Gabaón. Invitac nic nat apvanmoncama alhtaa. Aptomjac nic nat Dios apcanya Salomón: —Jelmalhna sat asoc, momyovejec sat coo — nic nat aptomjac.

JOB 22:26

Dios epayesiclhac sat apvalhoc lhip, colhic sat apvalhoc lhip mepqui acyasquiyam.

JOB 23:12

Yitnec mataa silyajayquiclho appayvam, seyanama inlhojo yavamlha otnejic.

SALMOS 119:11

Yitnec acmam evalhoc lhip appayvam, yoyam mosilhnanalhquejec napato lhip.

SALMOS 37:4

Ingyasicjojo mataa Visqui ingac. Elhcac sat lhip asoc actemaclha aclhanma apvalhoc.

PROVERBIOS 10:24

Ningillhocac asoc aclhanma ingvalhoc, acyitna inlhojo acpeyvomo ingvalhoc. Yitnec sat ancoc apcay enlhit apmapsom, elngamcojoc sat acmasom.

PROVERBIOS 4:4

Aptomjac alhta tata seyanya coo: Lhip, coma sat apvalhoc sicpayvam, iyiplovquis sat mataa siyanamaclha, colhic sat lhip acyimnatem apnenyic.

ISAÍAS 58:8

Cotnejic sat malha ayitsay olhma. Coltamalvomoc sat apquilyimsem quellhip. Cotalhcac sat siclho apquiltemaclha apquilpeyvomo quellhip, cotalhcac sat malha ayimjayquinta gloria mayayoclha ajanco.

JEREMÍAS 15:16

Acjalhnoc alhta mataa lhip appayvam sepamejitquiscama lhip. Inmec alhta evalhoc lhip appayvam naysicsa siyitsovascama, silancam coo seyasinancama lhip Visqui ingac apyimtalhnamo.

SAN MATEO 7:7

Aptomjac alhta mocjam Jesús: ‘Elilmalhnam, ellhovac sat. Elquitam, elviticlhac sat. Elilmalhnam yoyam ellicsic atong, colhic sat aclicsa atong.

SAN JUAN 14:13

Elmalhnaquic sat ancoc quellhip moclhama asoc naysicsa apquillhanma sicvisay, olyejiclhojoc sat coo. Yoyam colhic ayaco coo Tata ayinyema coo sicvisay Apquitca.

SAN JUAN 15:16

Jave quellhip selyacyescama alhta coo. Coo eyca sictomja silyacyescama quellhip. Alasinaquic coo quellhip, yoyam ellhong quellhip, yoyam colhamojo apyilhna quellhip. Coytic sat mataa apyilhna quellhip. Apquililmalhnaquic sat ancoc asoc coo Tata naysicsa apquillhanma sicvisay, elmesacpoc sat quellhip.

SAN JUAN 16:23

‘Invocmec sat ancoc acnim, mejelmalhnamejec sat lhama asoc. Actomjac coo silanya quellhip: Naso, apquililmalhnaquic sat ancoc quellhip asoc coo Tata, actemaclha apquillhanma sicvisay, elmesacpoc sat quellhip.

SAN JUAN 8:31

Aptomjac alhta Jesús apquilanya judíos quilhva apquiltimem melyasquiyam: —Apquilyiplovcasquic sat ancoc quellhip sicpayvam, eltimjic sat siltamsoycaoc.

SAN JUAN 8:37

Acyasamcoc coo, quellhip jelajic, ayinyemaclha am colmac apquilvalhoc coo sicpayvam.

GALATAS 4:2

Elyejiclhojoc sat siclho apquitca actemaclha apcanem elyejiclhojo. Invocmec sat ancoc acnim yoyam ingyanic apyap, natamin elmiclhac sat apquilnatam.

GALATAS 5:16

Actomjac silanya quellhip: Eltamilsacpojo apanco ayinyema Espíritu apanco Dios. Comascoc sat apquilvajaneycaoc apquiltemaclha nano.

DEUTERONOMIO 6:6

Colma sat apquilvalhoc aclhamoclhojo siltimnascama lhac quellhip.

COLOSENSES 3:16

Elane sat coyangvomoc allheneycam apquilvalhoc Jesucristo appayvam nipyesicsa quellhip. Ellhicmosacpojo sat nipyesicsa quellhip actemaclha apquilyascamco. Elpasim sat mataa poc. Elminaycmas sat mataa actemaclha apquilayo Dios. Elminaycmas sat ningminaycmascama alvisay salmos najan alvisay himnos najan actemaclha ningayo Dios. Collhen sat mataa apquilvalhoc Dios naysicsa apquilminaycmascama. Ayinyemaclha apquillhocac quellhip Dios apcaycaoc.

1 SAN JUAN 2:14

Quellhip elyapmayc. Actalhoscasquic alhta quellhip. Ayinyemaclha apquilyicpilcangvocmec quellhip Dios aptomja apma siclhoc anco, amamyi apquilantipquiscama aclhamoclhojo asoc. Quellhip quilyimnanic. Actalhoscasquic alhta quellhip. Ayinyemaclha apmeleyjac alhta quellhip, am colhno somquic quilyicjamo. Ayinyemaclha coleyjac almam apquilvalhoc Dios appayvam.

1 SAN JUAN 2:27

Quellhip eyca acyitna apquilvalhoc Espíritu Santo ayinyema apmescama Jesucristo. Am ingyaymacpoc poc enlhit yoyam elhicmocsic nipyesicsa quellhip. Espíritu Santo aptomja apquillhicmoscama aclhamoclhojo asoc. Actomja nasoc anco aplhicmoscama Espíritu Santo, jave acmovan amyaa. Eltime sat mataa apquilpasmeyquiclha Jesucristo actemaclha alhta apquillhicmoscama Espíritu Santo.

1 SAN JUAN 3:22

Ongillhovac sat asoc ningilmalhnaycam Dios. Ayinyemaclha ningyiplovcasquic mataa singanamaclha Dios najan actomja apyisponcama.

1 SAN JUAN 5:14

Cotnajamejec sat ingvalhoc napato Dios. Ayinyemaclha apjalhnoc mataa ningilmalhnancama, ningilmalhna inlhojo asoc actemaclha apmayjayoclha Dios.