SAN JUAN 15:27 - Enhlit Bible

²⁷ Ellingacsic sat quellhip lha coo sicvisay, ayinyemaclha quellhip apquiltomja alhta sepasmom siclhoc anco —alhta aptomjac Jesús.

SAN JUAN 15:27 Iomraidhean Croise

SAN MARCOS 1:1

Eycaso ayenmoclha tasic amyaa Jesucristo, Dios Apquitca.

SAN LUCAS 24:48

Eltime sat quellhip apquillingascama sicvisay.

SAN JUAN 19:35

Aclingasquic coo as amyaa sictomja sicvitaycamco alhta. Nasoc anco actomja siclingascama. Acyasamcoc maa actomja nasoc anco as amyaa, yoyam melyascomoc quellhip lha.

SAN JUAN 21:24

Eycaso apquiltamescama aptomja lhac aplhenamap. Aptomja aplingascama as amyaa najan aptalhescama as vaycajac. Ningyasamcoc nincoo actomja nasoc anco amyaa aplingascama alhta.

LOS HECHOS 1:8

Apvayventac sat ancoc Espíritu Santo tacjaplhit quellhip, ellhovamcoc sat apquilmopvan. Eltimjic sat quellhip apquillingascama sicvisay tingma Jerusalén najan yoclhilhma Judea najan yoclhilhma Samaria acvocmo nelha lhalhma anco.

LOS HECHOS 13:31

Apvitacpec alhta mataa aclhamoclhojo acnim Jesús. Apquilvitaclhec alhta mocjam apquillhalhmaa alhta mengyitsepmaclha. Yoclhilhma Galilea alhta apquilinyictac. Tingma Jerusalén alhta apquilmiyaclha. Quilhvo eyca apquiltomja apquillingascama apvisay as enlhitaoc nipyesicsa apnaymacoc.

LOS HECHOS 18:5

Lhama alhta apquilvactamo Silas najan Timoteo. Yoclhilhma Macedonia alhta apquilinyemac. Apyinyovquic alhta Pablo moc aptamjaycam. Acvamlha apquillhicmoscama alhta aptomjaclha. Apquilyascasingvocmec alhta judíos actemaclha aplhenamap Jesús aptomja Cristo apanco. Apquiljalhanmec alhta mataa judíos, yoyam evac Cristo.

LOS HECHOS 23:11

Moc alhtaa alhta intomjac. Apvitac alhta Pablo napaat Visqui ingac. Aptomjac alhta apcanya: —Pablo, iyimnaticsojo apvalhoc. Aplingasquic lhip sicvisay tingma Jerusalén. Elngacsic sat najan sicvisay tingma Roma —alhta aptomjac.

LOS HECHOS 3:15

Apquilajac alhta quellhip aptomja singmescama acyimnatem ingnenyic. Eyca Dios aptomja aplhaticjasquiyam nipyesicsa apquilmasquingvaycmo. Ningiltomja ningilvitaycamco nincoo.

LOS HECHOS 4:20

Mongvanquejec nincoo ongilvatsamcoc ongiltimnam asoc ningvitay najan ninlingay —alhta apquiltomjac.

LOS HECHOS 4:33

Yiplovcoc alhta apquilmopvan apóstoles apquilapajasomap naysicsa apquillingascama actemaclha aplhaticjangviyam Visqui Jesús. Appasmec alhta aplhamoclhojo Dios Ingyapam.

1 SAN PEDRO 5:1

Yitnec coo sicpayvam actamila yoyam oltimnacsic apquilimja apmamyi Jesucristo apmolhama. Ayinyemaclha coo najan sictimem siyimja emamyi. Sictomja najan sicvitaycamco aplingaycamco acmasca Cristo. Olhojoc sat lhama ayitsayoclhilhma Cristo apvactamo sat, sicno apquilimja apmamyi.

1 SAN PEDRO 5:12

Ingyalhing Silvano aptalhescama as vaycajac actemaclha coo sicpayvam. Ingyalhing appeyvomo aptomja Silvano. Ayapajascasquic quellhip actalhesomalhca acyavatem. Altamjoc ongvapajasquisic quellhip aso sicpayvam actamila yoyam elyasamcojo actomja nasoc anco Dios apcaycaoc apquillhoy quellhip.

1 SAN JUAN 4:14

Ningvitac nat nincoo. Ninlingasquic nincoo as amyaa: Apcapajasquic nat Apquitca as nalhpop yoyam elvomsic tap enlhitaoc lhalhma anco.

EL APOCALIPSIS 1:2

Aplingasquic alhta Juan Dios appayvam actomja nasoc anco najan amyaa Jesucristo najan asoc actemaclha alhta apvitay.

EL APOCALIPSIS 1:9

Coo nac sicvisay Juan, sictomja elyalhinga quellhip. Sictomja siclingaycamco lhama quellhip. Opasmiclhac sat quellhip acvaa sat Dios apquilnancascama. Sictomja silinlhanyacmo lhama quellhip ayinyema ninpasmeyquiclha Jesucristo. Acnec alhta acyayem lhip acvisay Patmos, sicmomalhca alhta. Acmalhquic alhta ayinyema siclingascama Dios appayvam najan ayinyema siclingascama apvisay Jesucristo.