SAN JUAN 15:2 - Enhlit Bible

² Apquilyatemenquic moclhama actingaoc coyilhnama. Apcalhnascasquic moclhama actingaoc acma acyilhna, yoyam colhamiclha acyilhna.

SAN JUAN 15:2 Iomraidhean Croise

JOB 17:9

Melhnanmejec mataa enlhit appeyvomo, mepqui inlhojo apsilhnanomap apanco napato Dios.

SALMOS 92:14

Inquilhnec mataa acyilhna actomjayclho acvanyam yamit. Alhnancoc mataa yamit, acyimnatem anco, mepqui ápac (enlhit appeyvomo).

PROVERBIOS 4:18

Apquiltemaclha enlhit apquilpeyvomo acyitsomalhca ayitsasquiscama olhma. Mopacmec siclho, yiplovcoc mataa ayitsay actamila anco.

ISAÍAS 27:9

Incaymalhquic siclho israelitas eltovacsic altares acyitnamaclha quilaycmasquiscama, colhojoc sat apquiltipilquem mataymong anic. Elsavojoc sat apnatovascama yamit mayayoclha, najan altares apquilvatnamaclha asoc acmasis, yoyam colhic ayaco quilaycmasquiscama acyitsomalhca dios. Colhic sat acmascosa melyascalhma apancaoc najan apquilsilhnanomap apanco, elasicjiclhojoc sat mocjam Visqui ingac.

ISAÍAS 29:19

Elitsovacsojoc sat enlhit conjamalhca apquilvalhoc ayinyema Visqui ingac. Elitsovacsojoc sat mepqui apquilyimtalhnamo, aplhenacpo Dios mayayo aptomja apyimtalhnamo nipyesicsa israelitas.

DANIEL 11:35

Elvatsamcoc sat napocja apquilyascamco apquiltemaclha ayinyema macminlhinaycam. Colhic sat acyipcona apquilvalhoc apquilyascamco apquiltemaclha, acvaycmo actamongvamlha nelha acnim. Yejemec sat cotningvomoc nelha acnim.

OSEAS 6:3

Pac ongilvascapoc, yoyam ongilyasamcojo apmayjayoclha Dios. Ingyilhyemoc sat Dios Visqui ingac jingilpalhavota. Nasoc anco as amyaa, acno actiyapma mataa acnim, acno acmamayaclha ayenmo año najan nelha año — alhta apquiltomjac co Israel.

MALAQUÍAS 3:3

Evac sat Dios Apyimtalhnamo, yoyam ingyalhnacsic apquilvalhoc almasomcaa sacerdotes, Leví aptovana niptamin. Etnejic sat Dios Apyimtalhnamo, acno apcalhnascama plata najan oro alyinmom naysicsa talha. Natamin elsantimsic mocjam asoc macmescama Dios, yoyam emoc sat tacja naysicsa apyisponcama.

SAN MATEO 13:12

Yitnec sat ancoc asoc, ongillhoveclhac sat mocjam. Colhamiclhac sat asoc inganco. Yitnec sat ancoc lhama asoc, colhic sat sintapilhquiscaso asoc ingac.

SAN MATEO 13:33

Apquiltimnasam alhta mocjam moc apyitquiscama Jesús: —Visqui netin apquilnancascama acyitsomalhco quilpasmongam apquimpascaoc. Inpalhacasquic sat ancoc quilvana nipyesicsa motajap, natqui acyacvom inlhojo. Yejemoc apquimpamco apyovoclhojo motajap macyelaquiscama —alhta aptomjac.

SAN MATEO 15:13

Apcatingmavoc alhta Jesús: —Copatipsalhcac sat moclhama yamit cotnaja apquinayclha coo Tata apna netin.

SAN MATEO 21:19

Apvitac alhta higo yamit ayimja nicja amay. Apyocmec alhta inyicje. Am alhta etac acyilhna, acvamlha ava. Aptomjac alhta Jesús apcanya yamit: —¡Coylhejec sat mataa lhiya! —alhta aptomjac. Yejemoc alhta ayitsepa yamit.

SAN MATEO 25:29

Yitnec sat ancoc asoc, ongillhoveclhac sat mocjam. Colhamiclhac sat asoc ingac. Yitnec sat ancoc lhama asoc, colhic sat sintapilhquiscaso asoc ingac.

SAN MATEO 3:10

Inyitnec quilhvo tava ayimjaclha yamit, yoyam colyatemenalhca inquipmenaoc. Am sat ancoc cotamilac acyilhna moclhama yamit, colyatemenalhcac sat. Cotlhalhcac sat natilh.

SAN MATEO 3:12

Apmaycam pala acpayjem apmic. Ingyimpocsic sat motajap apyimpeoc. Ingyicjecsic sat motajap apactic congne tingma. Evatniclhac sat apyimpeoc talha, cosponejec sat —alhta aptomjac Juan.

SAN MATEO 7:19

Am sat ancoc cotamilac acyilhna yamit, colhic sat acyatemena. Cotlhalhcac sat natilh.

SAN MARCOS 4:20

Poc enlhit eyca acyitsomalhco actic mayinayclha actamilaclha lhopactic. Apquillingac ancoc amyaa, yejemoc almam apquilvalhoc. Inlhamaclhec apyilhna enlhit malha actic invocmoc treinta actic. Poc enlhit malha actic invocmoc sesenta actic. Najan poc malha cien actic —alhta aptomjac Jesús.

SAN LUCAS 8:13

Poc enlhit acyitsomalhco mayinayclha actic tacjalhit mataymong. Apquillingac ancoc amyaa apquilsovascamo almam apquilvalhoc. Mepqui quipmenaoc apquilvalhoc enlhit. Apquilinlhanacmec siclho actemaclha melyasquiyam. Apquillingamcoc sat ancoc mactovascama, eyca pa elvatsamcoc.

SAN JUAN 15:1

Coo sictimem malha uva avjac actomja nasoc anco. Coo Tata aptomja malha aptamilquiscama uva avjac.

SAN JUAN 15:16

Jave quellhip selyacyescama alhta coo. Coo eyca sictomja silyacyescama quellhip. Alasinaquic coo quellhip, yoyam ellhong quellhip, yoyam colhamojo apyilhna quellhip. Coytic sat mataa apyilhna quellhip. Apquililmalhnaquic sat ancoc asoc coo Tata naysicsa apquillhanma sicvisay, elmesacpoc sat quellhip.

SAN JUAN 15:3

Apquilalhnayo inyicje quellhip ayinyema coo sicpayvam siltimnascama mataa quellhip.

SAN JUAN 15:6

Am sat ancoc elinlhanacmoc quellhip selyipitcaycam coo, malha ningyamasma sat etnejic. Elhojoc sat actema nac uva actong ningyamasma yoyam coyma. Colhic sat ayansaclho, colvatnalhcac sat natilh.

SAN JUAN 15:8

Inlhamaclhec sat ancoc apyilhna quellhip, colhic sat ayaco coo Tata. Eltimjic sat quellhip siltamsoycaoc ajanco.

SAN JUAN 17:12

Altimnasquic alhta mataa as enlhitaoc actemaclha lhip apmopvan naysicsa sicnaycamo lhama. Acmiyovquic alhta mataa as enlhitaoc. Am alhta etvasacpoc lhama enlhit. Apvamlha lhama enlhit aptomja aplhinganyam, apcanyomap alhta elhnanmoc. Yoyam cotmongvomoc nelha actemaclha aclhanma Dios appayvam actalhesomalhca.

ROMANOS 11:17

Apquilyitsacpec judíos malha yamit ayenomalhca. Apquilyitsacpec enlhitaoc lhalhma anco malha yamit actiyapma anco nalhma. Apquilhacpec alhta napocja judíos, malha yamit actingaoc alyatemenomalhca. Innec alhta acpalhaquiscacmo lhip nipyesicsa judíos, malha actong ayitcoc yamit actiyapma anco macyipitquisquiyam moc yamit mayinayclha. Aptomjac lhip appasmeyquiclha judíos, malha lhama yamit inquipmenaoc acpasmeyquiclha actingaoc.

ROMANOS 11:22

Quip ilanojo lhip. Dios aptomja apcasicjayo najan aptomja apnescamo apyanmongsayclha. Apyanmongsaclhec mataa apquiltemaclha melilyajayquiclho. Apcasicjavoc mataa Dios lhip aptomja meyasquiyam. Iyiplovcasojo sat lhip mataa. Am sat ancoc eyiplovcasac lhip, eyinyovacpoc sat lhip lha, malha yamit actingaoc alyatemenomalhca.

ROMANOS 8:28

Ningyasamcoc nincoo: Ningasicjavoc sat ancoc Dios, incaymalhquic jingilyascasingvomoc aclhamoclhojo asoc altamila actemaclha ningvitay. Ayinyemaclha nincoo ningiltomja ningilanyomalhca, malha singevoycam Dios. Eycaso actomja apmayjayoclha Dios.

1 CORINTIOS 13:1

Evanquic sat ancoc apquilpayvam enlhitaoc najan apquilpayvam ángeles. Eyca acyitna mepqui siyasicjayo. Otnejic sat coo malha tava ápac alicnajaycam najan malha asoc payjem alicnajaycam.

TITO 2:14

Apyinyovsomacpo apanco yoyam ematong singyanmongam nincoo. Yoyam jingilvomsic tap naysicsa asoc almasomcaa. Yoyam ongiltimjic ningilalhnayo mepqui ningmasom. Yoyam ongiltimjic apquitquic yoyam ongilyiplovcasojoc actemaclha actamila.

HEBREOS 12:15

Elavojo quellhip elyinyoc Dios apcaycaoc. Noeltime nasa allom apquilvalhoc actomja malha singvoy nipyesicsa enlhitaoc.

1 SAN JUAN 2:19

Apquilvatsamquic sinpasmeyquiclha as enlhitaoc. Ayinyemaclha cotnaja alhta nintemolhama as enlhitaoc. Apquiltomjac alhta ancoc nintemolhama, mejingyamyiclhejec alhta. Eycaso ayinyema ningyascamco, am elanomacpo nintemolhama.

EL APOCALIPSIS 3:19

Actomjac coo mataa siyanem yoyam elilyejiclhojo. Alyicpilhquitquic coo mataa enlhit sictomja silasicjayo. Ilaniclha sat lhip apvalhoc. Ivascap sat apyiplovquiscama.