SAN JUAN 15:16 - Enhlit Bible

¹⁶ Jave quellhip selyacyescama alhta coo. Coo eyca sictomja silyacyescama quellhip. Alasinaquic coo quellhip, yoyam ellhong quellhip, yoyam colhamojo apyilhna quellhip. Coytic sat mataa apyilhna quellhip. Apquililmalhnaquic sat ancoc asoc coo Tata naysicsa apquillhanma sicvisay, elmesacpoc sat quellhip.

SAN JUAN 15:16 Iomraidhean Croise

GÉNESIS 18:18

Ayinyemaclha Abraham etnejic sat apquilyap aplhamoclhojo apquilmolhama apquilyimnatem. Pac olhamascasiclhac sat coo apquinyema Abraham aplhamoclhojo enlhitaoc lhalhma anco.

SALMOS 145:4

Apquiltimec apquilayo aplhamoclhojo enlhitaoc najan aptovana, ayinyema lhip aptamjaycam simpilapquiscama.

SALMOS 71:18

Visqui ingac, nojeyinyov nasa sictomja sat sicvanyam, sicmopá sat. Olngacsic sat aptemaclha lhip acyivey apmopvan nipyesicsa aplhamoclhojo enlhitaoc najan aptovana lhalhma anco.

PROVERBIOS 11:30

Colhic sat acyimantesa ingnenyic, ayinyema nintemaclha acpeyvomo. Comascoc sat acyimnatem ingnenyic, ayinyema ningyimtalhnesomalhco inganco.

ISAÍAS 27:6

Ellhamiclhac sat mocjam enlhitaoc Israel lhalhma anco, apquilyitsomacpo ayimjaclha ninganma, coctong sat alhquipcoc, colvitalhcac sat ilhnamoc najan cotlaycaoc acyilhna lhalhma anco.

MIQUEAS 5:7

Apnam enlhit apquilaymomap Jacob aptovana niptamin nipyesicsa enlhitaoc lhalhma anco. Ellhojoc sat yalya ayinyema Dios Apyimtalhnamo, malha yingmin acmamay payjoc ayimjaclha paat, acvoy anco acmamay, jave enlhit aptimesquiscama.

SAN MATEO 21:22

Apquililmalhnaquic sat ancoc quellhip asoc, noelyasquim nasa, yoyam ellhovamcoc. Nasoc anco ellhovamcoc sat —alhta apquiltomjac.

SAN MATEO 7:7

Aptomjac alhta mocjam Jesús: ‘Elilmalhnam, ellhovac sat. Elquitam, elviticlhac sat. Elilmalhnam yoyam ellicsic atong, colhic sat aclicsa atong.

SAN LUCAS 6:13

Alhtooc alhta apquilevamcaa apquiltamsoycaoc. Apquilyacyesquic alhta doce. Apquiltimec alhta apquilvisay apóstoles apquilapajasomap:

SAN JUAN 13:18

‘Am olhenac quellhip apquilanomacpo. Acyasamcoc coo apquiltomja silyacyesaycam nipyesicsa quellhip. Incaymalhquic cotmongvomoc nelha actemaclha Dios appayvam actalhesomalhca: Enlhit sictomo lhama nintom aptomja setanongvoyam, etnejic sat malha cotnaja emoc.

SAN JUAN 15:19

Apquilvajanamquic sat ancoc quellhip apquiltemaclha enlhit lhalhma anco, malha apquilpalhaviyam, elasicjacpojoc sat quellhip. Inmasquec apquilpalhaviyam quellhip, ayinyemaclha alyacyesquic alhta coo quellhip nipyesicsa enlhit lhalhma anco. Eycaso ayinyema apquiltanovmap quellhip nipyesicsa enlhit lhalhma anco.

SAN JUAN 15:5

‘Coo sictimem uva avjac, quellhip maa actingaoc. Apquilinlhanacmec sat ancoc quellhip selyipitcaycam coo acno silyipitcaycam quellhip, colhamiclhac sat apyilhna quellhip. Colapvanquejec quellhip ellanac lhama asoc mepqui coo.

SAN JUAN 6:70

Apcatingmavoc alhta Jesús: —¿Jave ya alhta silyacyescama quellhip doce? Lhama eyca nipyesicsa quellhip aptomja malha yavey —alhta aptomjac.

LOS HECHOS 1:24

Yejemoc alhta aptomja apquililmalhnancama: —Visqui, lhip apyasamcoc apquilvalhoc aplhamoclhojo enlhitaoc. Apcanit enlhit nac aso. Jinlhicmos sat nincoo actomja lhip apquilyacyescama.

LOS HECHOS 1:8

Apvayventac sat ancoc Espíritu Santo tacjaplhit quellhip, ellhovamcoc sat apquilmopvan. Eltimjic sat quellhip apquillingascama sicvisay tingma Jerusalén najan yoclhilhma Judea najan yoclhilhma Samaria acvocmo nelha lhalhma anco.

LOS HECHOS 10:41

Am alhta elhicmosacpoc aplhamoclhojo enlhit. Aplhicmosacpec alhta apvamlha ningyesicsa nincoo ningiltomja singilyacyescama ingmamyi Dios Ingyapam. Apquiltamjoc yoyam onlingacsic apvisay. Ninpasmec alhta nincoo aptom najan apyam Jesús natamin aplhaticjangviyam nipyesicsa apquilmasquingvaycmo.

LOS HECHOS 22:14

Aptomjac alhta seyanya: “Apyacyesquic nat lhip Ingyapam aptomja ningilyeyjamcaa Dios apancaoc. Apquiltamjoc yoyam eyasamcojoc lhip Dios Ingyapam apmayjayoclha. Apquiltamjoc yoyam etac lhip Enlhit Appeyvomo najan elngac appayvam apanco.

LOS HECHOS 9:15

Aptomjac alhta apcanya Visqui ingac: —Ingva, iyas sat maa. Acyacyesquic alhta as enlhit. Altamjoc etnejic apsoycam sicvisay nipyesicsa enlhit metnaja judíos najan nipyesicsa apquilviscaa apancaoc najan nipyesicsa enlhitaoc Israel.

ROMANOS 1:13

Quellhip elyalhinga. Pac oltimnacsic mocjam lhama: Altamjoc alhta mataa otnejic maycaa nipyesicsa quellhip. Am alhta ovanac oyacsic, moc asoc mataa selyascamalhma. Altamjoc oltimnacsic tasic amyaa nipyesicsa quellhip, malha siyinayclha actic yoyam ongvita acyilhna. Acno alhta mataa siltimnascama nipyesicsa enlhitaoc moc yoclhilhma.

ROMANOS 15:4

Intomjac nic nat aclhanma Dios appayvam actalhesomalhca yoyam ongilyasingvomoc nincoo. Yoyam najan coytic aljalhneycam ingvalhoc, ayinyema actemaclha ningilinlhanyacmo najan ayinyema aptamilquisquiyam ingvalhoc, actemaclha aclhanma actalhesomalhca.

ROMANOS 9:21

Apvanquic apquillanay yatingvalhva emoc yelpa yoyam ellanac asoc apquiltamjoclha ellana. Apvanquic emoc lhama yelpa yoyam ellanac siclho aptamila apanco yatingvalhva, yoyam ellanac najan yamaptamila.

1 CORINTIOS 10:11

Eycaso actomja singillhicmoscama actemaclha apquillhenamap ningilyeyjamcaa yoyam ongiltamilsalhcojo inganco. Ayinyemaclha incamquitvaac actamongvomlha nelha acnim.

GALATAS 1:15

Dios aptomja seponquinquiscama amamyi sictiyam, seyanem yoyam otnejic apquilancam ayinyema singasicjayo.

EFESIOS 2:10

Nincoo ningilinyema Dios aptomja singmescama ingvalhoc alhnanco ayinyema Cristo Jesús yoyam ongilyiplovcasojo actemaclha actamila. Dios aptomja singillanesquiscama yoyam ongilyiplovcasojo actemaclha actamila.

COLOSENSES 1:23

Elinlhanmojo sat quellhip apquilyiplovquiscama actemaclha melyasquiyam. Noelojo nasa comasquingvomoc aljalhneycam apquilvalhoc ayinyema tasic amyaa apquillingay alhta quellhip. Inpayesalhquic alhta as amyaa nac jay lhalhma anco. Coo nac Pablo siyanyomalhca otnejic sicsoycam amyaa.

COLOSENSES 1:6

Inlingalhquic lhalhma anco as amyaa nac jay, malha ningvitay acyilhna. Acno alhta siclhoc apquillingay quellhip lha tasic amyaa. Apquilyicpilcangvocmec alhta Dios apcaycaoc actomja nasoc anco.

1 TIMOTEO 2:7

Eycaso ayinyema aptimesquiscama sicvisay soycam amyaa najan apóstol siyapajasomalhca nipyesicsa enlhitaoc lhalhma anco. Nasoc anco siclhanma, cotnaja acmovan amyaa. Apquiltamjoc yoyam olhicmocsic actemaclha mongyasquiyam najan actomja nasoc anco.

2 TIMOTEO 1:11

Eyasinaquic alhta Dios yoyam oltimnacsic as tasic amyaa. Etnescasquic alhta yoyam otnejic soycam amyaa yoyam otnejic apóstol siyapajasomalhca, yoyam otnejic sillhicmoscama aplhamoclhojo enlhitaoc.

2 TIMOTEO 2:2

Aplingac alhta mataa lhip amyaa actomja nasoc anco. Altimnasquic alhta mataa napatavo apquiltomja apquilvitaycamco. Ilasina sat lhip poc enlhitaoc apquilpeyvomo apquilmopvan ellhicmocsic apnaymacoc.

TITO 1:5

Acyamyeclhec alhta lhip acyayem lhop acvisay Creta. Ayinyemaclha altamjoc alhta yoyam epenacsojoc lhip actemaclha ayaymomalhca. Am alhta ovanac coo openacsojo. Altamjoc coo yoyam etingyac lhip nipyesicsa ingilyalhinga yoyam eltimjic apquilimja apmamyi moclhama tingma Jesucristo apmolhama. Eycaso siyanya alhta etnejic lhip.

HEBREOS 11:4

Meyasquiyam nic nat innac Adán apquitca apvisay Abel. Actamila anco ilhnic nat apmescama asoc macmescama Dios, am nic nat colhnoc apmescama apipma Caín. Aplhenquic nic nat Dios aptomja appeyvomo Abel. Apyispaquic nic nat Dios actemaclha apmescama Abel. Apquitsepmec nic nat inyicje Abel, aptomja eyca singlingascama actemaclha meyasquiyam.

SANTIAGO 3:18

Actemaclha acpeyvomo actomja malha acyilhna ayinyema actic ayenomalhca actamilaycam ingvalhoc.

1 SAN PEDRO 3:15

Collhen sat mataa apquilvalhoc Cristo aptomja Visqui ingac. Elpenacsojo sat elyasamcojo quellhip. Apquilmalhnacpec sat ancoc quellhip actemaclha melyasquiyam acyitna apquilvalhoc, elatingmojo sat mataa. Eltamilsojo sat apquilvalhoc naysicsa apquilatingmaycam.

1 SAN PEDRO 3:2

Apquilvitac sat ancoc altemaclha altamilcasomalhco anco quellhiya, coyiplovjoc sat apquilyanmonquiscama apquilvalhoc mepqui altimnascama quellhiya.

1 SAN JUAN 4:10

Eycaso actemaclha anco ningasicjayo: Am ongilasicjac nat nincoo Dios. Dios eyca aptomja singasicjayo siclhoc anco. Apcapajasquic nat Apquitca yoyam emascocsic mongilyascalhma.

1 SAN JUAN 4:19

Pac ongilasicjojo sat mataa Dios, ayinyemaclha singasicjayo ilhnic nat apmamyi.