SAN JUAN 15:14 - Enhlit Bible

¹⁴ Apquilyiplovcasquic sat ancoc siyanamaclha quellhip, oltimjic sat enaymacoc quellhip.

SAN JUAN 15:14 Iomraidhean Croise

1 REYES 4:5

Azarías, Natán apquitca superintendente. Zabud, sacerdote Natán apquitca aptomja consejero apnaclha apvisqui.

2 REYES 18:6

Am nic nat elvatasac mataa apyiplovquiscama Dios. Am nic nat eyinyavac mataa apcanamaclha Dios, ayinyema aplingascama ilhnic nat Moisés.

2 CRÓNICAS 20:7

Dios Visqui ingac, apquilantipcasquic nat lhip actomja apquilaoclha as yoclhilhma napatavo enlhitaoc Israel. Apquillhocac nat aptovana niptamin Abraham, apvisay lhip aptimem poc, elhnam sat mataa cotmongvoycamlha nelha.

ÉXODO 7:6

Apquilyajaclhoc nic nat Moisés najan Aarón actemaclha apcanama Dios.

PROVERBIOS 18:24

Apnam ingnaymacoc apquiltomja singvenéycam najan singiltovascama. Poc ingnaymacoc apquiltomja singasicjayo, malha ingyipma najan ingyalhing.

LOS CANTARES 5:1

Lhiya eyalhing, lhiya sicponcanma. Acvoctac coo ayimjaclha ninganma. Acliquic coo yamit mirra najan asoc acmasis. Actovquic coo pa'pac yamyovjene. Acyinquic coo uva ayingmenic najan leche. ¡Quellhip enaymacoc, eltovaoc sat quellhip, elyinaoc sat apquiltamjoclha elyinamcoc!

ISAÍAS 41:8

Quellhip apquilvisay Israel apmolhama selancam coo. Quellhip apquilvisay Jacob apquilmolhama silyacyescama alhta coo. Abraham aptovana niptamin, aptomja alhta sictimem emoc.

JEREMÍAS 32:23

Apquiltiyaningvaac nic nat as yoclhilhma yoyam elhnam sat mataa. Am nic nat elyiplovcasac lhip appayvam, am nic nat colcac apquilvalhoc lhip apcanamaclha najan apcascamaclha. Yiplovcoc apquillingaycamco acyimtalhnama ayinyema lhip apyanmongsayclha apquiltemaclha apancaoc.

EZEQUIEL 12:7

Acpenasquic coo asoc ajanco, yoyam osovc. Acnim anco sicpiquena silnatam tap tingma ajac napatavo enaymacoc, malha sicmomalhca seyantamaycam mocjay, acno siclho seyanama Visqui ingac. Actalhnacmo silana malamong pared tingma ajac. Acpatmec silnatam napatavo enaymacoc, sicyinyova tingma ajac.

SAN MATEO 12:50

Aplhamoclhojo enlhit apquiltomja apquilyajayquiclho apmayjayoclha Dios Ingyapam, eyca as enlhit najan quilvana actomja elyalhinga najan meme —alhta aptomjac.

SAN LUCAS 12:4

“Actomjac coo siyanya quellhip enaymacoc: Mongacyejec nincoo enlhit, yoyam jingilnapoc ningyovoclhojo. Colapvancaac jintimesquisic mocjam moc.

SAN JUAN 13:17

Apquilyasamcoc sat ancoc quellhip, elyiplovcasojo actema nac jay. Copayjiclhac sat apquilvalhoc quellhip.

SAN JUAN 14:15

‘Aptomjac alhta mocjam Jesús: —Nasoc sat ancoc apquiltomja selasicjayo quellhip, elyiplovcasojoc sat siyanamaclha.

SAN JUAN 14:21

Aplingac sat ancoc najan apyiplovcasquic sat ancoc enlhit siyanamaclha coo, eyca as aptomja nasoc anco seyasicjayo. Coo Tata ingyasicjojoc sat enlhit aptomja seyasicjayo. Ongvasicjojoc sat coo mataa najan olhicmosalhcojoc sat ajanco —alhta aptomjac.

SAN JUAN 14:28

Apquillinga inyicje siclhena lhac: Pac coo olhong. Ovotac sat mocjam nipyesicsa quellhip. Nasoc sat ancoc selasicjayo quellhip coo, coyiplovjoc sat acpayjayclha apquilvalhoc sicmiyaclho apnaclha coo Tata. Apyimtalhnamo coo Tata, molhno coo.

SAN JUAN 2:5

Intomjac alhta inquin alanya apquilancam: —Elyejiclhojo sat Jesús apquilanem ellanac asoc —alhta intomjac.

SANTIAGO 2:23

Invocmec nic nat aclhanmaclha Dios appayvam actalhesomalhca: “Am nic nat eyascacmoc Abraham Dios appayvam. Innec nic nat actimesa appeyvomo ayinyema meyasquiyam. Apquiltimec nic nat Dios Ingyapam apvisay aptimem poc Abraham” —nic nat intomjac.

1 SAN JUAN 5:3

Ningasicjayo Dios actomja ninyiplovquiscama singanamaclha. Inquilhyevamoc anco ongyiplovcasojo singanamaclha Dios.

RUT 3:6

Inmiyaclhec nic nat amyip Rut. Inyiplovcasquic nic nat acpayvam inyipyamong.