SAN JUAN 15:12 - Enhlit Bible

¹² Eycaso actomja siyanamaclha coo: Elasicjacpojo nipyesicsa quellhip, acno coo silasicjayo mataa quellhip.

SAN JUAN 15:12 Iomraidhean Croise

MALAQUÍAS 1:2

Aptomjac alhta Dios Apyimtalhnamo apquilanya: Avanjec silasicjayo quellhip — alhta aptomjac. Apquilatingmavoc alhta quellhip: Jalhco sat ontimjic ongilyasamcojo — alhta apquiltomjac. Apcatingmavoc alhta Dios Apyimtalhnamo: Siyasicjayo ayinyema sicvita siclhoc nat Jacob, apipma nat Esaú.

SAN JUAN 13:34

Pac olmesic quellhip singanamaclha alhnancoc: Elasicjacpojo nipyesicsa quellhip. Altamjoc coo yoyam elasicjacpojo nipyesicsa quellhip, acno coo silasicjayo mataa quellhip.

SAN JUAN 15:17

Actomjac coo silanya quellhip: Elasicjacpojo nipyesicsa quellhip —alhta aptomjac.

ROMANOS 12:10

Elasicjacpojo mataa nipyesicsa quellhip, ayinyemaclha apquiltomja apquilyalhinga. Eltimesquis mataa apquilayo poc.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

1 TESALONICENSES 3:12

Ningiltamjoc nincoo yoyam eyancasiclhac Visqui ingac actemaclha apquilasicjayo nipyesicsa quellhip najan nipyesicsa aplhamoclhojo enlhitaoc. Acno nincoo lha ningilasicjayo quellhip.

1 TESALONICENSES 4:9

Am oltamjoc otalhocsic mocjam actemaclha yoyam elasicjacpojo ingilyalhinga. Ayinyemaclha Dios alhta aptomja apquillhicmoscama quellhip actemaclha apquilasicjamacpo nipyesicsa quellhip.

2 TESALONICENSES 1:3

Quellhip ingilyalhinga. Ningiltimec mataa nincoo gracias Dios Ingyapam naysicsa ningilmalhnesquiscama quellhip. Mongvanquejec nincoo mongilmalhnesquisic quellhip, ayinyemaclha inyangvocmec melyasquiyam quellhip najan actemaclha apquilasicjayo moclhama nipyesicsa quellhip.

1 SAN PEDRO 1:22

Apquilyajaclhoc alhta quellhip amyaa actomja nasoc anco. Apquilalhnasquic alhta apquilvalhoc quellhip yoyam elasicjojo ingilyalhinga. Elinlhanmojo sat apquilasicjamacpo nipyesicsa.

1 SAN PEDRO 3:8

Actomjac coo silanya quellhip: Elhnasojo mataa moc apquilvalhoc. Eltime sat mataa apquilpasmeyquiclha. Elimlimojo sat mataa. Noelyimtalhnesacpojo apanco quellhip.

1 SAN PEDRO 4:8

Elasicjacpojo nipyesicsa quellhip. Ayinyemaclha ningasicjayo actomja acmasma yoyam onlhenic apquiltamongvaycmolhma ingmoc.

1 SAN JUAN 3:23

Eycaso actomja singanamaclha Dios: Apquiltamjoc mongilyascomoc nincoo apvisay Jesucristo Dios Apquitca. Apquiltamjoc ongilasicjalhcojo nincoo ningyesicsa, acno actemaclha singanamaclha ontimjic.

1 SAN JUAN 4:21

Eycaso singmescama singanamaclha Dios: Ningasicjavoc sat ancoc Dios, incaymalhquic najan lha ongasicjojo ingyalhing.

2 SAN JUAN 1:5

Pac ongvanic quellhip yoyam ongilasicjalhcojo ningyesicsa. Cotnaja sictalhesquiscama quellhip singanamaclha alhnancoc. Actomja eyca singanamaclha siclhoc anco.