SAN JUAN 14:6 - Enhlit Bible

⁶ Apcatingmavoc alhta Jesús: —Coo sictimem amay najan actomja nasoc anco najan acyimnatem ingnenyic. Am sat ancoc jeyotac coo enlhit, copvanquejec eyoclhac apnaclha coo Tata.

SAN JUAN 14:6 Iomraidhean Croise

SAN MATEO 11:27

‘Aptomjac alhta Jesús apquilanya: Elmesquic coo Tata aclhamoclhojo asoc sicmovan. Paj lhama apyascamco sicvisay Apquitca. Apvamlha coo Tata apyasamco. Paj lhama apyascamco apvisay coo Tata. Acvamlha coo sicyascamco apvisay coo Tata. Najan maa apquilyasamcoc sictomja silyascasingviyam apvisay coo Tata.

SAN JUAN 1:14

Enlhit apanco alhta aptomjaclhac apvisay Appayvam. Apnactac alhta ningyesicsa. Ningvitac alhta gloria aptamila apanco. Eycaso actomja gloria aptamila apanco Ingyapam Apquitca apvamlha pac lhama, am colhno moc gloria actamila anco. Inlanoc alhta apvalhoc singamliyam najan aptomja nasoc anco.

SAN JUAN 1:17

Singanamaclha ayinyema ilhnic nat Moisés. Eyca singaycaoc najan amyaa actamila ayinyema Jesucristo.

SAN JUAN 1:4

Acyimnatem apnenyic nic nat innac maa. Ayinyema ilhnic nat acyimnatem ingnenyaoc. Eyca as acyimnatem apnenyic apquilsascasquic alhta olhma enlhitaoc.

SAN JUAN 10:28

Olmesic sat acyimnatem apnenyaoc cotmongvoycamlha nelha. Melnatovasacpejec sat mataa. Acmiyovquic coo sicnatoscama. Copvanquejec enlhit jelnatamoc sicnatoscama.

SAN JUAN 10:7

Yejemoc alhta apquiltimnasamcaa mocjam Jesús: —Actomjac coo silanya quellhip: Coo sictimem malha nipquesic aplhancoc atong.

SAN JUAN 10:9

Coo sictimem atong. Aptalhningvaac sat ancoc enlhit, evomsacpoc sat tap. Etnejic sat enlhit malha nipquesic. Etalhningvotac sat aplhancoc najan etyapvoclhac sat mataa. Etangvomoc sat mataa aptom.

SAN JUAN 14:19

Quilhvoc sat ovonquepoc coo. Mejelviticlhejec sat mocjam enlhit lhalhma anco. Quellhip eyca jelvitac sat mataa. Colhic sat acyimnatem apnenyaoc, ayinyemaclha cayjec coo enquenyic.

SAN JUAN 15:1

Coo sictimem malha uva avjac actomja nasoc anco. Coo Tata aptomja malha aptamilquiscama uva avjac.

SAN JUAN 18:37

Aptomjac alhta mocjam Pilato: —¿Naso ya aptomja lhip Apvisqui? —alhta aptomjac. Apcatingmavoc alhta Jesús: —Naso coo sictomja Visqui. Acvaac coo aso nalhpop ayinyema sictiyam alhta sictomja enlhit. Altamjoc olngacsic amyaa actomja nasoc anco. Apquiljalhnoc mataa sicpayvam enlhit apquiltomja apquilyajayquiclho amyaa actomja nasoc anco —alhta aptomjac.

SAN JUAN 5:21

Apnalhaticjascacmec coo Tata enlhit apquilmasquingvaycmo. Apquilyimnatescasquic apnenyaoc. Acno coo lha, evanquic olyimnaticsic apnenyaoc enlhitaoc siltamjoclha olmesic.

SAN JUAN 6:33

Nintom actomja nasoc anco ayinyema netin singmescama Dios Ingyapam apvisay apvoy as nalhpop. Aptomja apmescama acyimnatem apnenyaoc enlhitaoc lhalhma anco —alhta aptomjac.

SAN JUAN 6:51

Coo nac sicvisay nintom ayinyema netin. Aptovquic sat ancoc enlhit as nintom, mengyitsepejec sat cotmongvoycamlha nelha. Nintom sicmescama coo actomja sicyovoclhojo ajanco. Momyovalhcoyc co ajanco, yoyam colhic acyimnatem apnenyic enlhit lhalhma anco —alhta aptomjac.

SAN JUAN 6:57

Acyimnatem apnenyic innac coo Tata aptomja seyapajascama. Acyimnatem enquenyic coo lha innac ayinyema coo Tata. Elhojoc sat enlhit aptomja aptom ejepitic. Colhic sat acyimnatem apnenyic ayinyema coo.

SAN JUAN 6:68

Apcatingmavoc alhta Simón Pedro: —Visqui, ¿soc enlhit ongyamejic nincoo? Apvamlha lhip inyitnac appayvam actema nac cotmongvoyam nelha acyimnatem ingnenyic.

SAN JUAN 8:32

Elyasingvomoc sat quellhip actomja nasoc anco. Actomja nasoc anco ayinyema ningmiyovmalhquilha —alhta aptomjac.

SAN JUAN 8:51

Actomjac coo silanya quellhip: Naso, apyiplovcasquic sat ancoc enlhit coo sicpayvam, mengyitsepejec sat mataa cotmongvoycamlha nelha —alhta aptomjac.

LOS HECHOS 3:15

Apquilajac alhta quellhip aptomja singmescama acyimnatem ingnenyic. Eyca Dios aptomja aplhaticjasquiyam nipyesicsa apquilmasquingvaycmo. Ningiltomja ningilvitaycamco nincoo.

LOS HECHOS 4:12

Paj poc singvomquiscama tap. Paj najan moc apvisay ninlhanma as nalhpop nipyesicsa enlhitaoc actemaclha singvomquiscama tap.

LOS HECHOS 9:2

Apquiltamjoc alhta elhca vaycajac, yoyam esovc apcaneyquiclhilha judíos tingma Damasco. Apquiltamjoc alhta elmoc najan elpilhtetic enlhit melyasquiyam tasic amyaa najan quilvanaa. Apquiltamjoc alhta enalanta tingma Jerusalén.

ROMANOS 15:16

Yoyam otnejic silancam Jesucristo najan soycam amyaa nipyesicsa enlhitaoc lhalhma anco. Eyasinaquic alhta yoyam olngacsic tasic amyaa ayinyema Dios nipyesicsa. Apquiltamjoc najan Dios elvita enlhitaoc lhalhma anco eltimjic apquilponquinomap ayinyema Espíritu Santo. Eycaso cotnejic sat malha macmescama Dios aptomja apyisponcama.

ROMANOS 5:2

Ingvanquic ongilyoclhojo Dios yoyam ongillhovac singaycaoc. Eycaso ayinyema mongyasquiyam Jesucristo. Yitnec nincoo quilhvo Dios singaycaoc. Inpayjeclhec nincoo ingvalhoc, ayinyemaclha acyitna aljalhneycam ingvalhoc yoyam ongilpasmoc sat gloria aptemaclha apyimtalhnamo Dios.

ROMANOS 5:21

Acmovan innac mongilyascalhma. Avanquic mataa colnapoc aplhamoclhojo enlhitaoc apquilyiplovquiscama actemaclha mongilyascalhma. Acmovan najan innac Dios singasicjayo. Actomja singiltimesquiscama ningilpeyvomo napato Dios. Actomja singmescama acyimnatem ingnenyaoc cotmongvoycamlha nelha ayinyema Jesucristo Visqui ingac.

1 CORINTIOS 15:45

Yitnec actalhesomalhca Dios appayvam: “Enlhit apquillanomap apmamyi ilhnic nat Adán. Apvanmoncama ilhnic nat innac” —nic nat intomjac. Apvanmoncama ayinyema Dios alhta innac poc Adán apvisay Cristo, aptomja apyimnatescama ingnenyaoc.

EFESIOS 2:18

Ingvanquic nincoo ningilanalhco ongilyoclhojo Ingyapam ayinyema ninpasmeyquiclha Cristo, ayinyemaclha apnec ingilvalhoc Espíritu apanco Dios.

COLOSENSES 2:17

Jave nasoc anco asoc allhenomalhca yoyam colvac sat. Apvamlha pac Cristo aptomja nasoc anco.

COLOSENSES 2:9

Innoc aptemaclha Cristo Dios. Ingillhicmosquic Cristo aptemaclha Dios.

COLOSENSES 3:4

Cristo aptomja apyimnatescama ingnenyaoc. Apvoctac sat ancoc mocjam yoyam ongvitac sat. Elvitacpoc sat quellhip lha apquilpasmeyquiclha Cristo aptemaclha apyimtalhnamo.

HEBREOS 7:25

Apvanquic mataa Jesús elvomsic tap apquiltomja apquilyoyquiclha apnaclha Dios, ayinyema apnalayclha Jesús. Ayinyemaclha Jesús aptomja apquilmilaneycaoc yoyam elmalhnesquisic mataa Dios yoyam epasmoc enlhitaoc.

HEBREOS 9:8

Espíritu Santo aptomja singillhicmoscama mongmovan ongilantilhic anit apvalhoc apvisay “apponquinomap apanco”. Ayinyemaclha singilyascamalhma apvisay lhama apvalhoc apyitna amamyi.

1 SAN PEDRO 1:21

Quellhip apquiltomja melyasquiyam Dios ayinyema Cristo aptomja aplhaticjangviyam nipyesicsa apquilmasquingvaycmo. Aplhaticjascacmec alhta Dios. Aptimescasquic alhta yoyam colhic ayaco Cristo. Eycaso ayinyema quellhip melyasquiyam Dios najan aljalhneycam apquilvalhoc.

1 SAN PEDRO 2:4

Moc amyaa acyitsomalhca. Elyoclha sat quellhip apnaclha Visqui ingac aptomja malha mataymong actomja acmamnave anco.

1 SAN PEDRO 3:18

Ayinyemaclha Cristo aplingamco alhta apmatnam acyanmongam mongilyascalhma nincoo. Apvamlha lhama apmatnam, paj moc yoyam ematong mocjam. Appeyvomo apanco alhta Cristo. Apmatnec alhta singyanmongam ningiltomja ningilmasomcaa yoyam jingnalaclha apnaclha Dios. Apquitsepquic alhta apyovoclhojo. Espíritu Santo aptomja apyimnatescama apjangaoc Cristo.

1 SAN JUAN 1:8

Ninlhenam sat ancoc mepqui mongilyascalhma nincoo, ongilsilhnanalhcac sat nincoo. Am coyitnac actomja nasoc anco ingilvalhoc.

1 SAN JUAN 2:23

Mongiltomja Ingyapam apquitquic naysicsa ninganem colhic acyascacmo Apquitca. Eyca ninlhenquic sat ancoc apvisay Apquitca, ongiltimjic sat Ingyapam apquitquic.

1 SAN JUAN 5:20

Ningyasamcoc najan: Apvaac nat Dios Apquitca yoyam jingilyascasingvomoc nincoo. Apquiltamjoc ongilyicpilcangvomoc Dios aptomja nasoc anco. Ningilpasmec mataa aptomja nasoc anco apvisay Jesucristo Dios Apquitca. Eyca as apvisay Dios aptomja nasoc anco najan apvisay apyimnatescama ingnenyaoc cotmongvoycamlha nelha.

1 SAN JUAN 5:6

Apvaac nat Jesucristo. Yitnec nat anit asoc monquinatquiscama apvoya: yingmin najan em pac. Jave acvamlha yingmin aclhenomalhca. Inlhenalhquic anit: najan yingmin najan em pac acyinquinomalhca. Espíritu apanco Dios eyca aptomja aplhanma yoyam colhejec acyascacmo. Espíritu apanco Dios apvisay aptomja nasoc anco.

2 SAN JUAN 1:9

Apyitnocjasquic sat ancoc enlhit actemaclha singillhicmoscama Cristo, eyca as metnaja apyipitcayo Dios. Apquilinlhanacmec sat ancoc actemaclha singillhicmoscama Cristo, eyca as aptomja apyipitcayo Dios Ingyapam najan Apquitca.

EL APOCALIPSIS 1:5

Altamjoc yoyam ellhovac quellhip apcaycaoc ayinyema Jesucristo. Aptomja aplingascama amyaa appeyvomo mepqui apyeycajascaoc aplhanma. Aptomja aplhaticjangviyam apmamyi nipyesicsa apquilmasquingvaycmo. Aptomja Apvisqui tacjaplhit apquilviscaa lhalhma anco as nalhpop. Cristo aptomja singasicjayo, aptomja apmascoscama mongilyascalhma ayinyema apquitsepma singyanmongam.

EL APOCALIPSIS 19:11

Acvitac alhta acmayjeclho netin. Yejemoc alhta sicvita nolhing apmopoy. Aptomja apquinamtem apvisay alhta Appeyvomo najan Aptomja Nasoc Anco. Ayinyemaclha inpeyvoc anco actemaclha apyicpilquemo najan actemaclha apquilnapomap.

EL APOCALIPSIS 20:15

Am sat ancoc coyitnac apvisay actalhesomalhca vaycajac acyitna apquilvisay enlhit acyimnatem apnenyaoc, yiplovcoc apyinyovmap naysicsa talha acvanyam.

EL APOCALIPSIS 22:1

Elhicmosquic alhta ángel lhama vatsam. Ayalhnayo alhta yingmin actomja acyimnatescama ingnenyic. Malha alhta memonganyi ningvitangvoyacmo tap. Intipquic alhta acyitnaclha Dios aptajanem najan Nipquesic Apquitcoc aptajanem.

EL APOCALIPSIS 22:17

Aptomjac Espíritu Santo najan Nipquesic Apquitcoc apponcanma: —Ingyilhyim —aptomjac mataa. Itne sat lhip lha aptomja aplingay: —Ingyilhyim —sat itne. Acnim sat ancoc incajac lhip, ingyilhyim. Apquiltamjoc sat ancoc eyinic, iyin sat yingmin actomja acyimnatescama ingnenyic mepqui acyanmongam.

EL APOCALIPSIS 3:14

‘Aptomjac alhta mocjam seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Laodicea: “Eycaso appayvam aptomja apvisay Nasoc Anco, aptomja mepqui apyeycajascaoc aplhanma najan mepqui apmopvan amyaa, aptomja apvitaycamco apquilantipquiscama Dios aclhamoclhojo asoc:

EL APOCALIPSIS 3:7

‘Aptomjac alhta mocjam seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Filadelfia: “Eycaso appayvam aptomja apponquinomap najan aptomja nasoc anco. Acyitna catquiscama atong ayinyema siclhoc apvisqui David. Apliquic sat ancoc atong, copvanquejec poc enlhit ingyapiclha. Apcapeclhec sat ancoc atong, copvanquejec poc enlhit elcoc: