SAN JUAN 14:27 - Enhlit Bible

²⁷ ‘Altamjoc coo coltamilam apquilvalhoc netamin coo. Ellhovac sat quellhip ayinyema coo actamilaycam evalhoc. Intasi nac actamilaycam ingvalhoc ayinyema coo, am colhno ayinyema enlhit lhalhma anco. Nocoltamjam nasa apquilvalhoc, noela nasa quellhip.

SAN JUAN 14:27 Iomraidhean Croise

2 CRÓNICAS 20:30

Mepqui ilhnic nat mocjam apquilimpocjay cotnaja ingmoc nipyava co Judá, naysicsa aptimem apvisqui Josafat.

JOB 34:29

Am sat ancoc ingyajalhnoc Dios, ¿soc enlhit yoyam ingyinmelham? Apyilhanmec sat ancoc Dios, ¿soc enlhit apmopvan eticlhac mocjam Dios? Colapvanquejec elinmelham enlhitaoc,

SALMOS 11:1

Sicyilhanmeycam coo visqui ingac. Apquiltomjac mataa seyanya coo: —Ingyinyi sat nalhma malha ayinyem nata — alhta apquiltomjac.

SALMOS 112:7

Mongilacyejec mataa amyaa acmasom. Actamilaycam mataa ingilvalhoc najan acpeyvomo napato Visqui ingac.

SALMOS 27:1

Visqui ingac aptomja seyitsasquiscamalhma najan sevomquiscama tap. Mongvacyejec sat mataa coo. Visqui ingac aptomja seyimnatescama. Cotyemejec sat mataa evalhoc.

SALMOS 28:3

Nojetvas nasa lhip naysicsa apquilnapma lhip apquilmapsomcaa. Nojetvas nasa lhip naysicsa apquilnapma lhip apquilyinimquiscama. Apquiltemaclha apancaoc ellhenic acmasis apquilpayvam. Acmasom anco apquilvalhoc as enlhitaoc.

SALMOS 29:11

Dios Visqui ingac aptomja apyimnatescama apyimpeoc apnaymacoc. Dios Visqui ingac ayinyema actamilaycam apquilvalhoc apnaymacoc.

SALMOS 56:11

Moyascacmoc coo semasma Dios. Mepqui siyay coo. ¿Apvanqui ya jetvacsic enlhit? Ayinayc coo paj.

SALMOS 56:3

Moyascacmoc coo yoyam jemyoc lhip naysicsa ayay evalhoc.

SALMOS 72:2

Etnejic sat apyicpilquemo appeyvomo nipyesicsa apnaymacoc. Najan nipyesicsa mepqui apquilnatam (mepqui asoc).

SALMOS 72:7

Ongvitac sat nintemaclha nimpeyvomo najan actamilaycam ingvalhoc. Naysicsa aptimem apvisqui cotmongvoycamlha nelha.

SALMOS 85:10

Acno moc actemaclha singasicjayo najan actomja nasoc anco. Am coyitnocjac mataa actamilaycam ingvalhoc najan actemaclha acpeyvomo.

SALMOS 91:5

Mengyacyejec sat lhip ayasomquilha alhtaa. Mengyacyejec sat lhip yanca apmoctamap acnim anco.

PROVERBIOS 3:25

Mengyacyejec sat actiyam tacja, actomja alnapma enlhit apquilmapsomcaa.

ISAÍAS 12:2

Dios aptomja sevomquiscama tap, mepqui sicyasquiyam coo, mepqui siyay coo. Visqui ingac aptomja sevomquiscama tap, sictomja sicyilhanmeycam, aptomja seyimnatescama.

ISAÍAS 41:10

Noela nasa quellhip. Coo sictomja sellhalhma. Noncotnajam nasa apquilvalhoc. Coo sictomja Dios Apvisqui apancaoc. Olyimnaticsojoc sat quellhip. Opasmoc sat mataa quellhip. Coo sat omamcoc emic actomja acyimnatem.

ISAÍAS 41:14

Noela nasa quellhip Jacob apquilmolhama. Apquitcoc apancaoc quellhip malha ascoc. Apcanito quellhip enlhitaoc Israel. Eycaso sicpayvam sicvisay Dios: —Opasmoc sat quellhip. Sicmasma quellhip sicvisay Sicyimtalhnamo.

ISAÍAS 54:13

Oyascasingvomoc sat quellhip apyovoclhojo, colhic sat actamilaycam apquilvalhoc.

ISAÍAS 55:12

Elyacsic sat maa quellhip acyiplomo acpayjayclha apquilvalhoc. Elvotac sat mocjam acyiplomo actamilaycam apquilvalhoc. Cotnejic sat malha alitsovascama inquilhe alvinatem najan acvayveyquinta lhopactic. Malha alitsovascama sat cotnejic yamtaa.

ISAÍAS 57:19

Olngacsic sat sicpayvam: ¡Colhic actamilaycam apquilvalhoc apnaycam mocjay! ¡Colhic actamilaycam apquilvalhoc apnaycam ningato! ¡Oltamilquiscomoc sat enlhitaoc ajanco!

ISAÍAS 9:6

Aptiyacmec lhama sicaa apquinavo aptomja Dios singmescama. Eyquima aptomja apyimtalhnamo apanco. Apvisay Apmopvan Simpilapquiscama. Moc apvisay Singyascasingviyam. Moc apvisay Dios Apyimtalhnamo. Moc apvisay Dios Netin. Moc apvisay Apquilvinsayclho olhma.

JEREMÍAS 1:8

Nongya nasa apquilinmelhaycam enlhitaoc, coo sictomja sicmasma lhip. Siclhanma lhac sicvisay lhip Apvisqui pac — alhta aptomjac Dios.

LAMENTACIÓNES 3:17

Eyimtalhnesquic alhta sictiyascam coo, mepqui actamilaycam evalhoc coo.

EZEQUIEL 2:6

Lhip enlhit, nongya nasa enlhitaoc, nongya nasa apquilpayvam. Colhojoc sat aptiyascam lhip nipyesicsa, malha naysicsa amaoc, naysicsa aleyvam yitaja. Nongya nasa lhip apquilpayvam apquiltomja selinmelhaycam coo.

DANIEL 4:1

Aptalhosquic nic nat amyaa apvisqui Nabucodonosor: Coo sicvisay Visqui Nabucodonosor. Altamjoc quellhip coytic actamilaycam apquilvalhoc apyovoclhojo enlhitaoc apquileyvam as nalhpop.

DANIEL 6:25

Aptalhosquic nic nat vaycajac apvisqui Darío, apcapajasa as amyaa nipyesicsa enlhitaoc lhalhma anco. Eycaso appayvam actalhesomalhca: ¡Coytic sat actamilaycam apquilvalhoc quellhip!

ZACARÍAS 6:13

Ellaniclhac sat tingma apponquinomap aptovasomap alhta siclho. Colhic sat ayaco, acno mayayo apvisqui apyimtalhnamo. Elhic sat netin apvisqui aptajanem, elhojoc sat lhama sacerdote, cotnejic sat actamilaycam apquilvalhoc apcanit.

NÚMEROS 6:26

Dios aptomja apcasicjayo najan apmescama actamilaycam apvalhoc — sat eltimjic mataa sacerdotes.

SAN MATEO 10:26

Aptomjac alhta mocjam Jesús: —Noela nasa quellhip enlhitaoc. Am coytejec sat lhama acyilhomalhca asoc, cotalhcac sat. Am coytejec sat lhama asoc acposomalhca, colngalhcac sat acvisay.

SAN LUCAS 1:79

Colsacsic sat ilhma enlhit apnaycam yatesaclhilhma najan ayajapvoy pisquisca apquilitsepma. Jinnaliclhac sat amay actemaclha actamila ingvalhoc. —alhta aptomjac Zacarías.

SAN LUCAS 10:5

Apquilantalhningvocmec sat ancoc lhama tingma, eltime sat siclho: “Coltamilam sat ingilvalhoc as tingma”.

SAN LUCAS 12:4

“Actomjac coo siyanya quellhip enaymacoc: Mongacyejec nincoo enlhit, yoyam jingilnapoc ningyovoclhojo. Colapvancaac jintimesquisic mocjam moc.

SAN LUCAS 2:14

Gloria apcapongmatem Dios apna netin. Coltamilsojoc apquilvalhoc enlhit apquilasicjayo Dios Ingyapam —alhta apquiltomjac.

SAN JUAN 14:1

Aptomjac alhta mocjam Jesús: —Nocoltamjam nasa apquilvalhoc. Noelyasquim nasa Dios Ingyapam. Nojelyasquim coo lha.

SAN JUAN 16:33

Altimnasquic lha inyicje as asoc, yoyam eltamilsojoc apquilvalhoc quellhip apquiltomja selyipitcayo. Ellingamcoc sat acmasca quellhip naysicsa apquileyvam as nalhpop. Elyimnaticsojo apquilvalhoc. Coo nac sicyimnatem, am olhno enlhit lhalhma anco —alhta aptomjac.

SAN JUAN 20:19

Ayenmoclha semana alhnancoc alhta intomjac. Intalhnacmec alhta. Apquilapeclhec alhta apatnaoc tingma apnamcaclha apquiltamsoycaoc. Judíos alhta apquilacac. Yejemoc alhta aptalhningvoclho Jesús. Apquiningvoclhec alhta nipyesicsa apquilpamejitsa: —Colpayjiclha apquilvalhoc —alhta aptomjac.

SAN JUAN 20:21

Aptomjac alhta mocjam Jesús apquilanya apquiltamsoycaoc: —Colpayjiclha apquilvalhoc quellhip. Pac olapajacsic quellhip acno coo lha seyapajascama coo Tata —alhta aptomjac.

SAN JUAN 20:26

Ocho acnim alhta intomjac apquilaneyclho mocjam apquiltamsoycaoc congne tingma. Tomás alhta najan apquillhalhma. Apquilapeclhec alhta apatnaoc tingma. Yejemoc alhta apquiningvactamo Jesús nipyesicsa. Aptomjac alhta Jesús apquilanya: —Colpayjiclha apquilvalhoc —alhta aptomjac.

LOS HECHOS 10:36

Apcapajasquic alhta amyaa Dios Ingyapam nipyesicsa enlhitaoc Israel. Aplingasquic mataa actemaclha actamilaycam ingvalhoc singmescama Jesucristo. Aptomjac apvisqui tacjaplhit enlhit lhalhma anco.

LOS HECHOS 18:9

Alhtaa alhta apvita Pablo malha ningaat ayinyema Visqui ingac. Aptomjac alhta apcanya Visqui ingac: —Nongya nasa lhip. Nolvatesquim nasa apquiltimnascama tasic amyaa.

ROMANOS 15:13

Dios ayinyema aljalhneycam ingvalhoc. Altamjoc coo yoyam epayesiclha apquilvalhoc Dios najan emquesic actamilaycam apquilvalhoc quellhip naysicsa melyasquiyam. Yoyam coyangvomoc aljalhneycam apquilvalhoc ayinyema apmopvan apanco Espíritu Santo.

ROMANOS 5:1

Ningiltimesalhquic nincoo ningilpeyvomo napato Dios ayinyema mongyasquiyam. Yiplovcoc najan actamilaycam ingvalhoc napato Dios ayinyema Jesucristo Visqui ingac.

ROMANOS 5:10

Nincoo ningiltomja siclhoc anco ningilinmelhaycam Dios, malha metnaja apnaymacoc napato Dios. Ingilasicjaclhec alhta Dios naysicsa nintemaclha inganco ayinyema apmatnam Apquitca singyanmongam. Quilhvo eyca acyitna actamilaycam ingilvalhoc napato Dios aptomja singasicjayclho mocjam. Nasoc anco jingilmeyvoc sat yoyam ongileyoc sat lhama Cristo.

ROMANOS 8:6

Inlhenquic sat ancoc ingvalhoc nintemaclha inganco yoyam ongyiplovcasojo, coyiplovjoc sat ningitsepma. Inlhenquic sat ancoc ingvalhoc actemaclha ayinyema Espíritu apanco Dios yoyam ongyiplovcasojo, coyiplovjoc sat actimem acyimnatem ingnenyaoc najan actamilaycam ingilvalhoc.

1 CORINTIOS 1:3

Altamjoc coo yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam najan Jesucristo Visqui ingac.

GALATAS 1:3

Altamjoc coo yoyam ellhovac quellhip apcaycaoc najan actamilaycam apquilvalhoc ayinyema Dios Ingyapam najan Jesucristo Visqui ingac.

GALATAS 5:22

Asoc altamila eyca, malha acyilhna ayinyema Espíritu apanco Dios acvisay: actemaclha ningasicjayo najan actemaclha acpayjayclha ingvalhoc najan actemaclha actamilaycam ingvalhoc najan actemaclha nintamilquiscamo ingvalhoc najan actemaclha acliclamo ingvalhoc najan actemaclha ningamliyam najan actemaclha mongilvatseycaoc ningyiplovquiscama.

GALATAS 6:16

Altamjoc yoyam colhic actamilaycam apquilvalhoc najan ellhovac Dios apcamliyam, apquiltomja apquilyiplovquiscama actemaclha ayinyema Dios najan apquiltomja nasoc anco Dios apquitquic.

FILIPENSES 4:7

Dios Ingyapam sat elmesic altamilaycam apquilvalhoc, am colhno ayinyema enlhit apquillhanma. Coltamilic sat apquiltemaclha quellhip ayinyema altamilaycam apquilvalhoc apquiltomja apquilpasmeyquiclha Cristo Jesús.

COLOSENSES 1:2

Actalhescasquic as vaycajac actemaclha aclhanma evalhoc ingilyalhinga apnaycam tingma Colosas, apquiltomja melyasquiyam Jesucristo najan apquiltomja Dios apquilyacyescama. Altamjoc co yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam.

COLOSENSES 1:20

Apquiltamjoc nic nat Dios yoyam coytic altamilaycam apquilvalhoc enlhitaoc ayinyema apquitsepma Cristo netin asoc timyescama. Apquiltamjoc nic nat Dios yoyam elasicjiclhojoc mocjam enlhitaoc apquileyvam as nalhpop najan apnaycam netin.

COLOSENSES 3:15

Elane sat coytic actamilaycam apquilvalhoc ayinyema Cristo. Eycaso actomja apmayjayoclha Dios. Apquiltamjoc eltimjic apquilpasmeyquiclha quellhip, malha alyiptetaclha acyitna ningyovoclhojo nincoo. Eltime sat mataa gracias Dios Ingyapam.

2 TESALONICENSES 1:2

Altamjoc coo yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam najan Jesucristo Visqui ingac.

2 TESALONICENSES 3:16

Actamilaycam ingvalhoc ayinyema Visqui ingac. Ningiltamjoc nincoo yoyam ellhovac quellhip mataa actamilaycam apquilvalhoc najan aclhamoclhojo actemaclha. Ningiltamjoc yoyam epasmoc quellhip Visqui ingac.

2 TIMOTEO 1:7

Am jingilmesac Dios Espíritu apanco yoyam ongilá. Eyca ingilmasquic Espíritu apanco actemaclha yoyam colhic ningmovan, yoyam najan colhic ningasicjayo ingmoc, yoyam najan ongiltamilsalhcojo inganco.

HEBREOS 13:20

Dios ayinyema actamilaycam ingvalhoc. Dios aptomja aplhaticjasquiyam Jesucristo Visqui ingac nipyesicsa apquilmasquingvaycmo. Eycaso em pac actomja actimesquiscama monquinatquiscama apmayjayoclha Dios aplhanma yoyam colhejec acyascacmo cotmongvoycamlha nelha. Jesucristo aptomja malha quilancam nipquesic apyimtalhnamo.

HEBREOS 7:2

Cotlaycaoc nic nat asoc apmetsovjom Abraham naysicsa apquilnapomap. Apquilmasquic nic nat Abraham moclhama diez asoc apmetsovjom macmescama Melquisedec aptomja Dios apquilancam. Moc ningiltimem Melquisedec “Visqui Appeyvomo”. Apquiltimec nic nat moc apvisay “apvisqui tingma Salem”, ningiltimem nincoo Salem apvisay “apvisqui actamilaycam ingvalhoc”.

EL APOCALIPSIS 1:4

Coo sicvisay Juan. Actalhescasquic quellhip actemaclha aclhanma evalhoc siete apcaneyquiclhilha Jesucristo apmolhama apnaycam yoclhilhma Asia. Altamjoc coo yoyam ellhovac quellhip apcaycaoc najan altamilaycam apquilvalhoc ayinyema Dios. Apnec nic nat Dios Ingyapam, apnec najan quilhvo nac jay, evotac sat mocjam. Najan yoyam ellhovac quellhip apcaycaoc ayinyema siete espíritu Dios apquilasinancama apnaycam napato Dios apmaclha netin aptajanem apanco.

EL APOCALIPSIS 2:10

Nongya nasa lhip apvita sat mayasquiscama apyimpejic. Elalhingsacpoc sat singilpilhtetomaclha napocja quellhip ayinyema yavey diablo yoyam coyipconic quellhip. Ellingamcoc sat quellhip acmasca acvaycmo diez acnim. Ilinlhanmojo sat lhip apyiplovquiscama acvocmo apquitsepma. Omquesic sat acyanmongam lhip. Elhcac sat acyimnatem apnenyic.

EL APOCALIPSIS 21:8

Elyinyovacpoc sat naysicsa talha acvanyam macpalhaquiscama azufre acpayesayclha talha enlhitaoc apquiltomja anit apvalhaoc najan apquiltomja apquilyasquiyam najan apquiltomja apquiltamongvaycmolhma najan apquiltomja ticyovam yapmayc najan apquiltomja apquilanatama najan apquiltomja apquilyojolhmaa najan apquiltomja apquilpayescamo quilaycmasquiscama acyitsomalhca Dios najan apquiltomja apquilmopvancaa amyaa. Eycaso acvisay moc ningitsepma.