SAN JUAN 14:18 - Enhlit Bible

¹⁸ Meltimjic sat quellhip apquilyeyjeycam netamin. Ovotac sat mocjam, yoyam olhojoc lhama quellhip.

SAN JUAN 14:18 Iomraidhean Croise

SALMOS 101:2

Naysicsa sictiyascam otamilsalhcojo ajanco. ¿Co sat acvam jeyotac sat lhip? Otyisam sat mepqui sicsilhnanomalhca ajanco nipyesicsa sicmolhama.

SALMOS 23:4

Mongvacyejec sat otjanyac acyimtalhnama, malha naysicsa sicmilanem alvata alhtaa. Lhip aptomja siclhalhma coo. Intamilaclhec evalhoc sicvita yamit apquileyneycam apsoycam mataa lhip.

ISAÍAS 43:1

Eycaso sicpayvam sicvisay Dios. Sictomja silantipquiscama quellhip Jacob apmolhama apquilvisay enlhitaoc Israel: —Noela nasa quellhip. Alvomcasquic tap quellhip. Actimescasquic apquilvisay quellhip. Enlhitaoc ajancaoc actomjac quellhip.

ISAÍAS 51:12

Coo ayinyema siyanama quellhip, yoyam elvascapoc. ¿Apquilaca ya quellhip? ¿Naso ya apquilay ayinyema enlhit, apquilyitsomacpo paat, yoyam coymac sat?

LAMENTACIÓNES 5:3

Ningilyeyjeycam nincoo, paj nincoo ingilyap. Tampeyi actomjayclho meme ingac.

OSEAS 14:3

Jave singmasma nincoo co Asiria, jave singmasma nolhing apcapaoc najan apquilmaycam. Jave Dios Visqui ingac quilaycmasquiscama ningillanay nincoo. Apvamlha lhip Dios Apyimtalhnamo aptomja singasicjayclha mocjam, malha ningiltomja ningilyeyjeycam — sat eltime elanic — nic nat aptomjac profeta.

OSEAS 6:3

Pac ongilvascapoc, yoyam ongilyasamcojo apmayjayoclha Dios. Ingyilhyemoc sat Dios Visqui ingac jingilpalhavota. Nasoc anco as amyaa, acno actiyapma mataa acnim, acno acmamayaclha ayenmo año najan nelha año — alhta apquiltomjac co Israel.

SAN MATEO 18:20

Apquillhenquic sat ancoc sicvisay apcanito enlhit apcanayclha, olhic sat coo lha nipyesicsa —alhta aptomjac.

SAN MATEO 28:20

Ellhicmos sat enlhitaoc, yoyam elyiplovcasojo aclhamoclhojo asoc silanya eltimjic quellhip. Quip elanojo, molyinyovejec sat mataa quellhip acvocmo actamongvomlha nelha acnim as nalhpop —alhta aptomjac Jesús. Amén.

SAN JUAN 14:16

Olmalhnesquisic sat coo Tata, yoyam ingyapajacsic sat apvisay Aptamilquisquiyam Ingvalhoc, yoyam epasmoc quellhip. Moc apvisay Espíritu aptomja nasoc anco. Elhojoc sat lhama quellhip cotmongvoycamlha nelha.

SAN JUAN 14:3

Alaningvoclhesquic sat ancoc apnaycamcaclha, ovotac sat mocjam. Onalaclhac sat quellhip, yoyam elhnam sat quellhip sicnaclha coo.

SAN JUAN 16:16

‘Acyavataclhojo sat cotnejic mejelvitay quellhip. Ovotac sat jayqui mocjam, jelviticlhac sat quellhip. Omyaclhac sat apnaclha coo Tata —alhta aptomjac.

SAN JUAN 16:33

Altimnasquic lha inyicje as asoc, yoyam eltamilsojoc apquilvalhoc quellhip apquiltomja selyipitcayo. Ellingamcoc sat acmasca quellhip naysicsa apquileyvam as nalhpop. Elyimnaticsojo apquilvalhoc. Coo nac sicyimnatem, am olhno enlhit lhalhma anco —alhta aptomjac.

2 TESALONICENSES 2:16

Jesucristo Visqui ingac najan Dios Ingyapam aptomja singilasicjayo nincoo. Dios singaycaoc ayinyema ningillhoy acpayjayclha ingvalhoc cotmongvoycamlha nelha najan aljalhneycam ingvalhoc actamila.

HEBREOS 2:18

Aplingamcoc alhta acmasca Jesús, aplingamcoc alhta najan acyipconma. Eycaso ayinyema apmopvan Jesús epasmoc enlhitaoc apquiltomja apquillingaycamco acyipconma.