SAN JUAN 14:10 - Enhlit Bible

¹⁰ ¿Apyascacme ya lhquip sictomja sicyipitcayo coo Tata najan seyipitcayo coo lha Tata? Jave sicpayvam ajanco siltimnascama mataa quellhip. Aptamjam mataa coo Tata, ayinyemaclha eyipitcavoc mataa coo.

SAN JUAN 14:10 Iomraidhean Croise

SAN JUAN 10:30

Inlhama nincoo Tata najan coo —alhta aptomjac.

SAN JUAN 10:38

Allanac sat ancoc coo Tata aptamjaycam naysicsa selyasquiyam quellhip, noelyasquim nasa sictamjaycam coo. Yoyam elyicpilcangvomoc quellhip, yoyam najan melyascamejec quellhip, aptomja seyipitcayo coo Tata najan sictomja sicyipitcayo coo Tata —alhta aptomjac.

SAN JUAN 11:26

Mengyitsepejec sat mataa enlhit aptiyascam mocjam aptomja mejeyasquiyam coo. ¿Am ya coyascacmoc lhiya? —alhta aptomjac.

SAN JUAN 12:49

Jave siltimnaycam ajanco. Coo Tata aptomja seyapajascama, yoyam oltimnam najan olhicmocsic enlhitaoc.

SAN JUAN 14:11

Nojelyasquim nasa quellhip sictomja sicyipitcayo coo Tata najan seyipitcayo coo lha Tata. Apquilyascacmec sat ancoc quellhip sicpayvam, noelyasquim nasa apquilvita sictamjaycam —alhta aptomjac.

SAN JUAN 14:20

Elyasingvomoc sat quellhip acvocmo sat acnim sictomja sicyipitcayo coo Tata. Najan lha quellhip apquiltomja selyipitcayo coo. Najan lha coo sictomja sicyipitcayo quellhip.

SAN JUAN 14:24

Am sat ancoc jeyasicjac enlhit, meyiplovsejec coo sicpayvam. Jave inyicje sicpayvam ajanco amyaa apquiljalhenmo mataa quellhip. Eyca appayvam coo Tata aptomja seyapajascama.

SAN JUAN 17:8

Altimnasquic alhta mataa lhip appayvam simquescama coo. Inquilmec alhta apquilvalhoc lhip appayvam. Apquilyasingvocmec alhta as enlhitaoc siyinyema coo lhip. Am alhta elyascacmoc as enlhitaoc, lhip aptomja seyapajascama.

SAN JUAN 3:2

Alhtaa alhta intomjac apmiyacmo apnaclha Jesús. Aptomjac alhta Nicodemo: —Singillhicmoscama, ningyasamcoc nincoo. Dios Ingyapam aptomja apcapajascama lhip, yoyam jingillhicmocsic nincoo. Apvanquic lhip ellanac aptamjaycam sinpilapquiscama. Copvanqueje eyca poc enlhit elhnasojoc actemaclha lhip aptamjaycam mepqui aplhalhma Dios Ingyapam —alhta aptomjac.

SAN JUAN 5:17

Aptomjac alhta Jesús: —Aptamjaycam nic nat mataa coo Tata najan quilhvo nac jay. Sictamjaycam coo lha —alhta aptomjac.

SAN JUAN 5:19

Aptomjac alhta Jesús apquillhicmosa enlhitaoc: —Actomjac coo silanya quellhip: Movanquejec otnajam elhapco sicvisay Dios Apquitca. Acvajanamquic coo mataa sicvita actemaclha aptamjaycam Tata. Moclhama aptamjaycam coo Tata acnasoc coo lha sicvisay Apquitca.

SAN JUAN 7:16

Apcatingmavoc alhta Jesús: —Jave sillhicmoscama ajanco, eyca ayinyema coo Tata aptomja seyapajascama.

SAN JUAN 8:28

Aptomjac alhta mocjam Jesús: —Coo sicvisay Sictiyam Sictomja Enlhit. Jelmiyasiclhac sat netin coo. Natamin jelyicpilcangvomoc sat quellhip sictomja Cristo. Melquinatsejec sat quellhip cotnaja siclingascama ajanco. Aclingasquic mataa amyaa aptomja selhicmoscama coo Tata.

SAN JUAN 8:38

Aclingasquic coo mataa amyaa, aptomja selhicmoscama coo Tata. Apquillanac mataa asoc quellhip ayinyema apquilyap apquiltimnascaoc —alhta aptomjac.

SAN JUAN 8:40

Naso, apquililtamjoc quellhip jelajic, ayinyemaclha altimnasquic quellhip amyaa actomja nasoc anco, ayinyema coo Tata Dios. Am nic nat etnemac mataa Abraham apquiltomjaclha nac quellhip.

LOS HECHOS 10:38

Apquilyasamcoc quellhip aplhenacpo Jesús co Nazaret. Dios Ingyapam apcatsisquiscama alhta najan apmescama apmopvan ayinyema Espíritu Santo. Apquillanac alhta mataa Jesús aptamjaycam actamila naysicsa aptiyascam. Apquiltamilquiscacmec alhta aplhamoclhojo actovascama yavey. Ayinyemaclha aptomja mataa aplhalhma Dios Ingyapam.

2 CORINTIOS 5:19

Dios aptomja aptimesquiscama apcasicjayclho aplhamoclhojo enlhitaoc lhalhma anco ayinyema Cristo. Am alhta elyipsatac Dios melyascalhma enlhitaoc. Ingilasinaquic nincoo yoyam ongilpayecsic as amyaa actemaclha singasicjayclho mocjam.

COLOSENSES 1:19

Apquiltamjoc nic nat Dios yoyam elhnasojoc aptemaclha Cristo.

COLOSENSES 2:9

Innoc aptemaclha Cristo Dios. Ingillhicmosquic Cristo aptemaclha Dios.

1 SAN JUAN 5:7

Natqui altomja allhanma netin yoyam colhejec acyascacmo: Ingyapam najan Dios appayvam najan Espíritu Santo. Eyca as natqui aptomja malha lhama.