SAN JUAN 13:8 - Enhlit Bible

⁸ Aptomjac alhta mocjam Pedro: —Visqui, mejelicsejec sat mataa yingmin emancoc —alhta aptomjac. Apcatingmavoc alhta Jesús: —Am sat ancoc olcasac yingmin lhip, copvanquejec jepasmoc coo —alhta aptomjac.

SAN JUAN 13:8 Iomraidhean Croise

GÉNESIS 42:38

Apcatingmavoc nic nat Jacob: —Acmiyovquic coo elyantemiclha Benjamín. Ayinyemaclha apquitsepquic alhta appipma. Aplhapcoc apcaymacpoc. Aptajanyavoc sat ancoc acyimtalhnama nalhit amay apquilyasaclha quellhip, esilhnanacpoc sat. Jelsilhnanac coo yoyam ongitsapoc ayinyema acyitnocjayo evalhoc— nic nat aptomjac.

2 SAMUEL 20:1

Apnec nic nat lhama enlhit apmapsom apvisay Seba, apyap nic nat Bicri, apquilmolhama ilhnic nat Benjamín, tingma pac nic nat Gilgal. Apcansaclhec nic nat enlhitaoc acyiplomo apquilmaycam, aptomja apquilanya: —Metnaja ningmolhama apvisqui David, Isaí apquitca. ¡Copvanquejec etnejic visqui ingac! ¡Quellhip apquilmolhama Israel, eltajiclha sat apyovoclhojo! — nic nat aptomjac.

1 REYES 12:16

Apquillingac nic nat aplhamoclhojo enlhitaoc actemaclha melyajayquiclho apvisqui. Apquiltomjac nic nat enlhitaoc apquilanya: Am ongiltamjoc lhip ontimjic visqui ingac David aptavin niptamin. Ellanac sat David aptovana apquiltamjoclha ellana. ¡Quellhip enlhitaoc Israel, eltajiclha! — nic nat apquiltomjac enlhitaoc. Apquiltajaclhec nic nat aplhamoclhojo enlhitaoc Israel.

SALMOS 51:2

Ingyalhnas sat evalhoc acmasom. Jeliquis sat acmasom.

SALMOS 51:7

Jeliquis sat evalhoc acmasom, malha apmaycam hisopo yoyam jeyalhnacsic coo. Ingyalhnas sat evalhoc yoyam cotnejic acmopoy anco, colhno asoc ningmopiscama.,

ISAÍAS 4:4

Ayinyema apyanmongsayclha Dios apquiltemaclha apancaoc co Jerusalén, colhic sat ayalhnasa tingma acyivey ema acyanquinomalhca, colhic sat acmascosa apquiltemaclha apancaoc acmasom apyovoclhojo tingma Sión (Jerusalén).

EZEQUIEL 36:25

Oyapacsic sat apyimpeoc quellhip yingmin alhnancoc, ayinyema alhta apquilpaysimsomap apanco apquilayoclha quilaycmasquiscama.

ZACARÍAS 13:1

Aptomjac alhta mocjam Visqui ingac: Coytic sat tingma Jerusalén actiyapmaclha yingmin, actomja ayalhnascama meyascalhma najan apquilsilhnanomap apanco David aptovana niptamin najan apnaycam tingma Jerusalén.

SAN MATEO 16:22

Yejemoc alhta apyantama Pedro aplhapco Jesús. Apyimnatasquic alhta appayvam Pedro. Aptomjac alhta apcanya: —Visqui, Dios Ingyapam sat emyoc. Am cotnejec sat actomjaclha lhac lhip aplhanma —alhta aptomjac.

SAN MATEO 21:29

Apcatingmavoc nic nat apquitca: “Eje, altamjoc coo” —nic nat aptomjac. Am nic nat eyca eyocmoc aptamjaycam.

SAN MATEO 26:33

Aptomjac alhta Pedro apcanya Jesús: —Apquilnatjavoc sat ancoc apquilanomacpo, monatjoy sat coo —alhta aptomjac.

SAN MATEO 26:35

Aptomjac alhta mocjam Pedro: —Ongvitsapojoc sat ancoc lhama lhip, moyinimsejec sat lhip —alhta aptomjac. Apnasoc alhta moc apquilpamesma apquiltamsoycaoc.

SAN JUAN 13:6

Yejemoc alhta apvoclho Jesús apnaclha Simón Pedro, yoyam elcoc yingmin apmancoc. Aptomjac alhta Pedro apcanya Jesús: —Visqui, ¿lhip ya jelquisic yingmin emancoc? —alhta aptomjac.

SAN JUAN 13:9

Aptomjac alhta Pedro apcanya Jesús: —Visqui, jave acvamlha emancoc. Jeliquis sat najan emeoc najan epatic —alhta aptomjac.

SAN JUAN 3:5

Apcatingmavoc alhta Jesús: —Actomjac coo siyanya lhip: “Naso, am sat ancoc etyacmoc mocjam enlhit ayinyema yingmin najan Espíritu Santo, metangvomejec sat Dios apquilnancascama.

LOS HECHOS 22:16

¿Soctomja apna nac mocjam? Itnimiclha netin. Itingya sat yapasquiscama yingmin actemaclha meyasquiyam apvisay Visqui ingac, yoyam colmascosalhca melyascalhma lhip” —alhta aptomjac seyanya Ananías.

1 CORINTIOS 6:11

Eycaso apquiltemaclha quellhip nano. Quilhvo eyca almascosalhco melyascalhma quellhip, apquiltomja Dios apquilyacyescama. Innec altimesa apquilpeyvomo napato Dios. Eycaso ayinyema Jesucristo Visqui ingac najan ayinyema Espíritu apanco Dios.

EFESIOS 5:26

Apquiltamjoc alhta elponquinsic apmolhama. Apquilyanmoncascasquic alhta apquilvalhoc apmolhama, ayinyema Dios appayvam acyiplomo yapasquiscama yingmin.

DEUTERONOMIO 12:12

Ellanac sat fiesta quellhip napato Dios, apquilpasmeyquiclha apquitquic najan enlhit apquiltimesaycam nipyesicsa quellhip, apquilpasmeyquiclha levitas apquiltomja apnaymacoc, mepqui alhta apquillhoy amyipayc levitas.

COLOSENSES 2:18

Innec alhta ayaco Visqui ingac apyimnatem. Apquilposquic mataa actemaclha apquilyimtalhnesomacpo apanco as enlhitaoc. Eyca apquilyiplovcasquic mataa apquiltemaclha apancaoc. Apquiltamjoc mataa as enlhitaoc yoyam elpayicsojo quellhip ángeles. Apquilanayquic mataa colvitac apquilvanmoncama asoc mongvitay nincoo. Inquilquitamquic mataa apquilvalhoc apquiltemaclha apancaoc naysicsa alajamalhco apquilvalhoc as enlhitaoc.

COLOSENSES 2:23

Apquillhenquic mataa as enlhitaoc actemaclha apquilyascamco apanco. Apquilposquic mataa actemaclha apquilyimtalhnesomacpo apanco. Ayinyema apancaoc yoyam elpayicsojo ángeles. Ayinyema apquilasquiscama apanco apyimpeoc. Alhtoc apquilyiplovcasac mataa as asoc. Colapvanquejec eltamacsic mataa apquilmayjayoclha apanco actemaclha ayitsepma apnenyaoc.

TITO 3:5

Am nat ongiltamilcasalhcac inganco. Eyca ingilvomcasquic alhta tap ayinyema singamliyam Dios. Najan ayinyema singyapasquisaycaoc acvisay malha nintiyam alhnancoc. Najan ayinyema Espíritu Santo singiltimesquiscama ingjalhnancaoc.

HEBREOS 10:22

Ingilane sat ongilyoclhojo apnaclha Dios acyitna ingvalhoc ayalhnayo najan acyitna acyimnatem mongyasquiyam. Innec alhta alalhnasa ingilvalhoc. Inmasquec najan alsilhnanomalhca ingvalhoc. Innec alhta singyapasquisa yingmin ningyovoclhojo, ayinyema yingmin ayalhnayo.

EL APOCALIPSIS 1:5

Altamjoc yoyam ellhovac quellhip apcaycaoc ayinyema Jesucristo. Aptomja aplingascama amyaa appeyvomo mepqui apyeycajascaoc aplhanma. Aptomja aplhaticjangviyam apmamyi nipyesicsa apquilmasquingvaycmo. Aptomja Apvisqui tacjaplhit apquilviscaa lhalhma anco as nalhpop. Cristo aptomja singasicjayo, aptomja apmascoscama mongilyascalhma ayinyema apquitsepma singyanmongam.

EL APOCALIPSIS 7:14

Actomjac alhta coo siyatingmavo: —Visqui, lhip apyasamcoc —alhta actomjac coo. Aptomjac alhta seyanya mocjam: —Avanjec alhta apquillingaycamco acmasca apquilinyemayaclha as enlhitaoc. Apquilyimyesquic alhta apquilantalhnama em pac Nipquesic Apquitcoc. Apquilmopisaclhec alhta apquilantalhnama.