SAN JUAN 13:38 - Enhlit Bible

³⁸ Apcatingmavoc alhta Jesús: —¿Naso ya pa eyinyoc lhip apyimnatem seyanmongam coo? Actomjac coo siyanya lhip: Naso, yicpintama copayo tataa, natqui sat etnejic lhip: Moyasamcoc coo as enlhit —alhta aptomjac

SAN JUAN 13:38 Iomraidhean Croise

PROVERBIOS 16:18

Onlingamcojoc singiltovascama, acyitna inlhojo ningyimtalhnesomalhco inganco. Ongillhnanmoc sat mataa, acyitna inlhojo ayajamalhco ingvalhoc.

PROVERBIOS 28:26

Acyeyjamelhma nincoo, ningyiplovquisa inlhojo aclheneycam ingvalhoc. Ongmiyovalhcac sat nincoo, ningyiplovquisa inlhojo actemalcha acyascamco ingvalhoc.

PROVERBIOS 29:23

Ongiltanovalhcac sat, acyitna inlhojo ayajamalhco ingvalhoc. Colhic sat singaco, mepqui inlhojo ayajamalhco ingvalhoc.

SAN MATEO 26:34

Apcatingmavoc alhta Jesús: —Actomjac coo siyanya lhip: Naso, copayo sat tataa alhtaa nac jay. Yicpintama anit alpayvam, natqui sat etnejic lhip: Moyasamcoc coo as enlhit —sat etnejic lhip —alhta aptomjac.

SAN MARCOS 14:30

Aptomjac alhta apcanya Jesús: —Naso, copayoc sat tataa alhtaa nac jay. Yicpintama anit alpayvam, natqui sat etnejic lhip: Moyasamcoc coo as enlhit —alhta aptomjac.

SAN LUCAS 22:33

Apcatingmavoc alhta Simón: —Visqui, altamjoc coo oyacsojoc lhama lhip singilpilhtetomaclha najan omatnojoc sat lhama lhip —alhta aptomjac.

SAN LUCAS 22:34

Aptomjac alhta apcanya Jesús: —Pedro, actomjac coo siyanya lhip: Yipintama copayo tataa as alhtaa nac jay, natqui sat etnejic lhip: Moyasamcoc coo as enlhit —alhta aptomjac.

SAN JUAN 16:31

Apcatingmavoc alhta Jesús: —¿Naso ya apquiltomja melyasquiyam quellhip?

SAN JUAN 21:17

Natqui alhta intomjac apquilmalhnaycam Jesús: —Simón, Jonás apquitca. ¿Eyasicjavo ya lhquip? —alhta aptomjac. Inyitnocjavoc alhta apvalhoc Pedro, ayinyemaclha actomja natqui apquilmalhnayclho Jesús. Apcatingmavoc alhta Pedro: —Visqui, apyasamcoc lhip aclhamoclhojo asoc. Apyasamcoc najan actemaclha siyasicjayo lhip —alhta aptomjac. Aptomjac alhta mocjam Jesús: —Ilmes sat aptoycaoc sicnatoscama nipquesic —alhta aptomjac.

LOS HECHOS 11:10

Natqui siclingay alhta intomjac. Yejemoc alhta apmiyaclho netin manta apyiviy.

1 CORINTIOS 10:12

Ninganayquic sat ancoc ongyimnac nintimem mongyasquiyam incaymalhquic ongavojo yoyam mongilsilhnanalhqueje.