SAN JUAN 13:34 - Enhlit Bible

³⁴ Pac olmesic quellhip singanamaclha alhnancoc: Elasicjacpojo nipyesicsa quellhip. Altamjoc coo yoyam elasicjacpojo nipyesicsa quellhip, acno coo silasicjayo mataa quellhip.

SAN JUAN 13:34 Iomraidhean Croise

SALMOS 119:63

Sictimem enaymacoc aplhamoclhojo apquiltomja apquilayo lhip. Apquiltomja apquilyiplovquiscama singanamaclha.

SALMOS 16:3

Inlicavoc evalhoc enaymacoc apquilponquinomap as nalhpop, apquiltomja Dios apquilyacyescama.

LEVÍTICO 19:18

Noelyanmongsiclha nasa quellhip aptemaclha apanco poc. Colvonquim sat aptomjaclha. Elasicjojo mataa poc, acno apcasicjamacpo apanco. Coo sicvisay Dios Visqui apancaoc quellhip.

LEVÍTICO 19:34

Eltime sat mataa ingmoc. Elasicjojo mataa, acno apquilasicjamacpo apanco. Quellhip alhta najan metnaja apnaymacoc co Egipto. Coo sicvisay Dios Visqui apancaoc quellhip.

SAN MATEO 5:44

Coo eyca actomjac silanya quellhip: Elasicjojo cotnaja ingmoc. Elmalhnesquis asoc altamila enlhit apquiltomja apquilminlhinaycam. (Eltamilsojo sat enlhit apquiltomja apquiltanoncama. Elmalhnesquis sat enlhit apquiltomja apquilyamneycam quellhip najan apquilminlhinaycam).

SAN JUAN 15:17

Actomjac coo silanya quellhip: Elasicjacpojo nipyesicsa quellhip —alhta aptomjac.

SAN JUAN 17:21

Altamjoc eltimjic lhama apquilpasmeyquiclha as enlhitaoc, acno lhip Tata aptomja seyipitcayo najan coo lha sictomja sicyipitcayo lhip. Yoyam ongiltimjic nincoo lha ninpasmeyquiclha as enlhitaoc. Elyicpilcangvomoc sat enlhitaoc lhalhma anco, aptomja seyapajascama lhip.

ROMANOS 12:10

Elasicjacpojo mataa nipyesicsa quellhip, ayinyemaclha apquiltomja apquilyalhinga. Eltimesquis mataa apquilayo poc.

ROMANOS 13:10

Ningasicjavoc sat ancoc ingmoc, mongvanquejec ongiltimesquisic apmapsom. Ningasicjayo ingmoc actomja acsovjomo acyovoclhojo singanamaclha.

ROMANOS 13:8

Elsavojo sat elmascocsic apquilmaycaoc nasa quellhip. Elinlhanmojo quellhip apquilasicjayo mataa poc. Apquilasicjavoc sat ancoc quellhip poc, eycaso apquiltomja apquilyiplovquiscama singanamaclha ayinyema Dios.

GALATAS 5:22

Asoc altamila eyca, malha acyilhna ayinyema Espíritu apanco Dios acvisay: actemaclha ningasicjayo najan actemaclha acpayjayclha ingvalhoc najan actemaclha actamilaycam ingvalhoc najan actemaclha nintamilquiscamo ingvalhoc najan actemaclha acliclamo ingvalhoc najan actemaclha ningamliyam najan actemaclha mongilvatseycaoc ningyiplovquiscama.

GALATAS 5:6

Ningilanalhco ningiltomja ninpasmeyquiclha Cristo Jesús. Colhenalhquejec mataa asoc monquinatquiscama ingyimpejic najan mepqui asoc monquinatquiscama ingyimpejic. Incaymalhquic coytic mongyasquiyam naysicsa ningyiplovquiscama actemaclha ningasicjayo.

GALATAS 6:10

Ingilane sat ongilyiplovsic nintemaclha actamila as ningvamlha nac jay. Siclhoc mataa nipyesicsa ingilyalhinga najan lha nipyesicsa aplhamoclhojo enlhitaoc.

GALATAS 6:2

Elpasim sat mataa poc naysicsa acyimtalhnama apvalhoc, actomja malha apquilpatam. Eycaso actomja yoyam onsovjongvomoc singanamaclha ayinyema Cristo.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

COLOSENSES 1:4

Ninlingac nincoo amyaa actemaclha melyasquiyam quellhip Jesucristo. Najan actemaclha apquilasicjayo quellhip aplhamoclhojo Dios apquilyacyescama.

1 TESALONICENSES 3:12

Ningiltamjoc nincoo yoyam eyancasiclhac Visqui ingac actemaclha apquilasicjayo nipyesicsa quellhip najan nipyesicsa aplhamoclhojo enlhitaoc. Acno nincoo lha ningilasicjayo quellhip.

2 TESALONICENSES 1:3

Quellhip ingilyalhinga. Ningiltimec mataa nincoo gracias Dios Ingyapam naysicsa ningilmalhnesquiscama quellhip. Mongvanquejec nincoo mongilmalhnesquisic quellhip, ayinyemaclha inyangvocmec melyasquiyam quellhip najan actemaclha apquilasicjayo moclhama nipyesicsa quellhip.

HEBREOS 13:1

Elinlhanmojo sat quellhip apquilasicjamacpo nipyesicsa apquilyalhinga.

SANTIAGO 2:8

Nasoc sat ancoc quellhip elyiplovcasojo actemaclha singanamaclha ayimja amamyi: “Ingyasicjojo poc acno apcasicjamacpo apanco” —nic nat intomjac. Actamila sat cotnejic apquiltemaclha quellhip.

1 SAN PEDRO 1:22

Apquilyajaclhoc alhta quellhip amyaa actomja nasoc anco. Apquilalhnasquic alhta apquilvalhoc quellhip yoyam elasicjojo ingilyalhinga. Elinlhanmojo sat apquilasicjamacpo nipyesicsa.

2 SAN PEDRO 1:7

Natamin elyiplovquis actemaclha apquilasicjamacpo nipyesicsa ingilyalhinga. Natamin elyiplovquis actemaclha apquilasicjayo aplhamoclhojo enlhitaoc.

1 SAN JUAN 3:11

Eycaso actomja amyaa apquillinga quellhip siclhoc anco: Ningilanyalhquic ongilasicjalhcojo ningyesicsa.

1 SAN JUAN 3:23

Eycaso actomja singanamaclha Dios: Apquiltamjoc mongilyascomoc nincoo apvisay Jesucristo Dios Apquitca. Apquiltamjoc ongilasicjalhcojo nincoo ningyesicsa, acno actemaclha singanamaclha ontimjic.

1 SAN JUAN 4:21

Eycaso singmescama singanamaclha Dios: Ningasicjavoc sat ancoc Dios, incaymalhquic najan lha ongasicjojo ingyalhing.

2 SAN JUAN 1:5

Pac ongvanic quellhip yoyam ongilasicjalhcojo ningyesicsa. Cotnaja sictalhesquiscama quellhip singanamaclha alhnancoc. Actomja eyca singanamaclha siclhoc anco.