SAN JUAN 12:36 - Enhlit Bible

³⁶ Ayitsayolhma innac mocjam quellhip. Noelyasquim nasa ayitsayolhma, yoyam eltimjic quellhip ayitsayolhma ayitquic —alhta aptomjac. Lhama alhta apsovja aplhanma as asoc. Aplhinquic alhta Jesús. Apyilhacpoc alhta apna.

SAN JUAN 12:36 Iomraidhean Croise

ISAÍAS 60:1

Aptomjac alhta Visqui ingac: ¡Enalhaticjaoc quellhip co Jerusalén, elitsovacsojo! Ayilhyacmec coo sictomja siyitsasquiscama olhma nipyesicsa quellhip. Gloria mayayo coo acyitsomalhca acnim ayitsasquiscama olhma apquileyvomaclha quellhip.

SAN MATEO 21:17

Pilapcasquic alhta apquimpaclho Jesús. Aptipquic alhta tingma Jerusalén. Apmiyaclhec alhta tingma Betania. Aptiyanvoclhec alhta maa.

SAN MATEO 5:14

‘Quellhip apquiltomja malha ayitsayolhma nipyesicsa enlhitaoc as nalhpop. Mongvanquejec ongajapsic tingma apyitna netin inquilhe acvinatem.

SAN LUCAS 16:8

Aptomjac nic nat apcanya apvisqui: “Mayordomo apmapsom nac lhip. Aptemaclha apyascamco apanco lhip” —nic nat aptomjac. Aptomjac alhta mocjam Jesús: Apquilyascamco apanco enlhit lhalhma anco nipyesicsa apnaymacoc. Am elhnoc enlhit apquileyvam ayitsayoclhilhma —alhta aptomjac.

SAN JUAN 1:7

Apvaac alhta aptomja apvitaycamco, yoyam elngacsic acvisay ayitsayolhma. Apquiltamjoc alhta yoyam eltimjic melyasquiyam enlhitaoc actemaclha aplhanma.

SAN JUAN 11:54

Inmasquec alhta aptiyascam Jesús nipyesicsa judíos, ayinyemaclha apquililtamjoc alhta elajic. Aptipquic alhta yoclhilhma Judea. Apmiyaclhec alhta acpayjo yoclhilhma actamopeycaoc. Apnaclhec alhta lhama apquiltamsoycaoc tingma Efraín.

SAN JUAN 12:37

Inlhamoc alhta aptamjaycam sinpilapquiscama apquillanay Jesús napatavo enlhitaoc. Apquilyascacmec alhta mataa enlhitaoc.

SAN JUAN 12:46

Coo sictimem ayitsayolhma. Acvaac coo as nalhpop, yoyam melhnam yatescamalhma enlhit apquiltomja mejelyasquiyam.

SAN JUAN 3:21

Apquilyoctac mataa ayitsayolhma enlhit apquiltomja apquilyiplovquiscama actomja nasoc anco. Apquililtamjoc yoyam colvitalhca apquiltemaclha altamila ayinyema Dios Ingyapam —alhta aptomjac.

SAN JUAN 8:12

Yejemoc alhta apquiltimnasamcaa mocjam Jesús: —Coo sictimem siyitsasquiscamalhma enlhit lhalhma anco. Seyiploycam sat ancoc enlhit, colhic sat ayitsayolhma. Colhic sat acyimnatem apnenyic ayinyema ayitsayolhma. Metyisamejec sat mataa acyinatesaclhilhma.

SAN JUAN 8:59

Yejemoc alhta apquilma mataymong judíos. Apquililtamjoc alhta elajic Jesús. Apyilhacpoc alhta aptepa tingma apponquinomap Jesús.

EFESIOS 5:8

Quellhip apquiltemaclha nano acvisay apquileyvam naysicsa yatescamalhma. Quilhvo eyca apquiltomja apquilpasmeyquiclha Visqui ingac apquiltomja apquileyvam naysicsa ayitsayolhma. Eltime sat quellhip enlhit apquilsasquiscamalhma.

1 TESALONICENSES 5:5

Quellhip apquileyvam ayitsayoclhilhma najan apquileyvam acnim anco. Jave nincoo ningileyvam alhtaa.

1 TESALONICENSES 5:8

Incaymalhquic ontimjic mepqui singilyeyjamelhma ayinyemaclha nincoo ningileyvam acnim anco. Yitnec mataa apquilajapquiscama apnenyaoc singilpilhtetemo najan apquilajapquiscama apcatcoc naysicsa apquilnapomap. Incaymalhquic nincoo lha coytic mongyasquiyam najan ningilasicjayo najan aljalhneycam ingvalhoc ongilvomsalhca tap.