SAN JUAN 12:35 - Enhlit Bible

³⁵ Aptomjac alhta Jesús apquilanya: —Am covanco apnaycamo lhama quellhip ayitsayolhma. Ayitsayolhma innac mocjam quellhip, eltiyasam sat quellhip. Lha eyqui nasa covac yatesaclhilhma. Aptiyasam sat ancoc enlhit yatescamalhma, meyasamquejec sat apyasaclha (elhnanmoc sat).

SAN JUAN 12:35 Iomraidhean Croise

PROVERBIOS 4:19

Apquileyvec mataa yatescamalhma enlhit apquilmapsomcaa. Apquilpilapacmec naysicsa apquillhingam, melvitay asoc acnaycaoc amay.

ISAÍAS 2:5

Quellhip Jacob aptovana. Noc, ongileyoc sat mataa ayitsayoclhilhma ayinyema Dios.

JEREMÍAS 23:12

Elyiplaclhac sat amay yatescama olhma, elyingacpoc sat, elpilapmoc sat maa. Otnesquisic sat apquillingaycamco acyimtalhnama. Eycaso sicpayvam sicvisay Visqui apancaoc — alhta aptomjac.

SAN LUCAS 18:37

Apquilatingmavoc alhta: —Jesús co Nazaret lhac apyeycaac apnaclha —alhta apquiltomjac.

SAN JUAN 11:10

Etlapmoc sat enlhit aptomja aptiyascam alhtaa. Ayinyemaclha incaymalhquic ayitsasquiscama olhma —alhta aptomjac.

SAN JUAN 11:9

Aptomjac alhta Jesús apquilanya: —Yitnec doce horas ayenmo actiyapma acnim acvocmo actalhna acnim. Metlapmejec enlhit aptomja aptiyascam acnim anco. Ayinyemaclha yitnec ayitsasquiscama olhma as nalhpop.

SAN JUAN 12:36

Ayitsayolhma innac mocjam quellhip. Noelyasquim nasa ayitsayolhma, yoyam eltimjic quellhip ayitsayolhma ayitquic —alhta aptomjac. Lhama alhta apsovja aplhanma as asoc. Aplhinquic alhta Jesús. Apyilhacpoc alhta apna.

SAN JUAN 12:46

Coo sictimem ayitsayolhma. Acvaac coo as nalhpop, yoyam melhnam yatescamalhma enlhit apquiltomja mejelyasquiyam.

SAN JUAN 16:16

‘Acyavataclhojo sat cotnejic mejelvitay quellhip. Ovotac sat jayqui mocjam, jelviticlhac sat quellhip. Omyaclhac sat apnaclha coo Tata —alhta aptomjac.

SAN JUAN 7:33

Aptomjac alhta mocjam Jesús: —Olhic sat mocjam acyavataclhojo nipyesicsa quellhip. Otajojoc sat mocjam apnaclha coo Tata aptomja seyapajascama.

SAN JUAN 8:12

Yejemoc alhta apquiltimnasamcaa mocjam Jesús: —Coo sictimem siyitsasquiscamalhma enlhit lhalhma anco. Seyiploycam sat ancoc enlhit, colhic sat ayitsayolhma. Colhic sat acyimnatem apnenyic ayinyema ayitsayolhma. Metyisamejec sat mataa acyinatesaclhilhma.

2 CORINTIOS 3:14

Am nic nat elyasamcoc enlhitaoc Israel acvocmo quilhvo nac jay. Inquilyipsatalhquic sat ancoc amyaa apmayjayoclha Dios aplhanma nano, melyasingvomejec mataa. Ayinyemaclha actomja malha alalasomalhca apava apquilvalhoc aplhamoclhojo enlhitaoc Israel. Colapvancaac eljalhyovacsic mataa. Apvamlha Cristo apvanquic eljalhyovacsic ayalomalhca apquilvalhoc yoyam elyasingvomoc.

GALATAS 6:10

Ingilane sat ongilyiplovsic nintemaclha actamila as ningvamlha nac jay. Siclhoc mataa nipyesicsa ingilyalhinga najan lha nipyesicsa aplhamoclhojo enlhitaoc.

EFESIOS 5:8

Quellhip apquiltemaclha nano acvisay apquileyvam naysicsa yatescamalhma. Quilhvo eyca apquiltomja apquilpasmeyquiclha Visqui ingac apquiltomja apquileyvam naysicsa ayitsayolhma. Eltime sat quellhip enlhit apquilsasquiscamalhma.