SAN JUAN 12:16 - Enhlit Bible

¹⁶ Am alhta elyasamcoc siclho apquiltamsoycaoc actomjaclha as asoc. Apquilyasingvoclhoc alhta natamin aplhaticjangviyam actemaclha mayayo Jesús. Actemaclha aplhenamap nic nat Jesús acno actomjaclha alhta apquilvitay.

SAN JUAN 12:16 Iomraidhean Croise

SAN MARCOS 16:19

Lhama alhta apsovja apquiltimnaycam Visqui Jesús, apmiyaclho eyca netin. Apnaclhec alhta apnaclha Dios Ingyapam. Yejemoc alhta apquillhinga apquiltamsoycaoc.

SAN MARCOS 9:32

Am alhta elyasamcoc aplhenaclha. Inquilnovquic alhta elmalhneclhojo.

SAN LUCAS 18:34

Am alhta elyasamcoc asoc aplhanma. Am alhta epeyvasoc aplhanma. Am alhta elyicpilcac actemaclha aplhanma Jesús.

SAN LUCAS 24:25

Aptomjac alhta apquilanya Jesús: —Melyascamco nac quellhip. Alyasquiyam apquilvalhoc pac quellhip amyaa apquillhanma ilhnic nat profetas Dios apquillingascama.

SAN LUCAS 24:45

Apyascasingvocmec alhta Jesús actemaclha aclhanma vaycajac actalhesomalhca nano.

SAN LUCAS 9:45

Am alhta elyasamcoc apquiltamsoycaoc aplhanma. Am alhta epeyvasoc aplhanma. Am alhta colapvancaac elyasamcojo. Inquilnovquic alhta elmalhneclhojo.

SAN JUAN 12:23

Aptomjac alhta apquiltimnasamcaa Jesús: —Invocmec acvamlha acnim, yoyam colhic seyaco sicvisay Sictiyam Sictomja Enlhit.

SAN JUAN 14:26

Evac sat Espíritu Santo, yoyam epasmoc quellhip. Coo Tata sat ingyapajacsic actemaclha aplhanma sicvisay. Elyascasingvomoc sat Espíritu Santo aclhamoclhojo asoc. Elyasingvoclhojoc sat quellhip actemaclha siltimnascama mataa quellhip.

SAN JUAN 16:4

Altimnasquic lha inyicje as asoc, yoyam colvac sat. Altamjoc coo, yoyam elyasingvoclhojoc quellhip siclhanma amamyi alhta —alhta aptomjac. ‘Aptomjac alhta mocjam Jesús: —Am oltimnasac siclho quellhip as asoc, ayinyemaclha sicnaycamo lhama quellhip.

SAN JUAN 17:5

Lhip Tata, acnec nat coo apnaclha lhip yicpintama allanomalhquilha as nalhpop. Yitnec nat coo gloria sictamila ajanco netin. Jitnesquis sat gloria sictamila ayinyema netin napato lhip, sictemaclha nat gloria sictamila ajanco netin.

SAN JUAN 2:22

Natamin aplhaticjangviyam alhta Jesús nipyesicsa apquilmasquingvaycmo apquilyasingvayclho actemaclha aplhanma Jesús. Am alhta elyascacmoc apquiltamsoycaoc actemaclha actalhesomalhca vaycajac najan Jesús appayvam aplhena nac lha.

SAN JUAN 7:39

Espíritu Santo alhta aplhenac Jesús. Enlhit apquiltomja melyasquiyam Jesús ellhovamcoc sat Espíritu Santo. Am alhta evac mocjam Espíritu Santo. Ayinyemaclha am alhta covocmoc, yoyam coyangvomoc apyimtalhnamo Jesús.

LOS HECHOS 2:33

Apyasacpec alhta netin. Apnesacpec alhta apyimnatamaclha Dios Ingyapam. Apmesquic Apyap Espíritu Santo aplhanma alhta yoyam emquesic. Eyca as asoc apquilvitay najan apquillingay quellhip alvaa ayinyema Espíritu Santo.

LOS HECHOS 2:36

Eyca as Jesús apquilyipitquiscama alhta quellhip asoc timyescama. Elyasamcojo quellhip enlhitaoc Israel. Noelyasquim nasa amyaa. Apvisqui Apponquinomap aptimescasac Dios Ingyapam —alhta aptomjac Pedro.

LOS HECHOS 3:13

Quip elanojo. Dios Ingyapam aptomja ilhnic nat apvisqui apancaoc Abraham najan Isaac najan Jacob. Aptimesquiscama apyimtalhnamo Apquitca apvisay Jesús. Apquilanem alhta quellhip emacpoc Jesús najan colhic acyantamo apnaclha Pilato. Apquiltamjoc alhta inyicje eyamyiclha Pilato. Quellhip alhta eyca ayinyemaclha apquiltovascama.

HEBREOS 12:2

Pac ongilanojoc aptemaclha Jesús actomja ayinyemaclha mongyasquiyam najan aptomja apviscaycmo actomjaclha nelha mongyasquiyam. Aplingamcoc alhta acmasca Jesús netin asoc timyescama. Am alhta emancac Jesús yoyam ingyitsapoc netin asoc timyescama. Apyasamcoc alhta Jesús yoyam coyiplovjoc sat acpayjayclha apvalhoc. Apnaclhec alhta Jesús apnaclha Dios napocja actamilaclha. Apnec mataa Dios netin aptajanem.

HEBREOS 8:1

Eycaso actomja ayimja amamyi anco naysicsa ninlhanma aclhamoclhojo asoc: Apnec nincoo Dios apquilancam aptomja apma napocja Dios actamilaclha. Dios apna netin aptajanem, aptomja apyimtalhnamo apanco netin.