SAN JUAN 12:13 - Enhlit Bible

¹³ Yejemoc alhta apquilyatemenamco alha ava. Apquilamyilhamquic alhta Jesús apquilpalhamamcaa: —Sas, tasic anco. Ningilayo aptomja apquilhyam aplhanma apvisay Visqui ingac. Ningilayo aptomja Israel Apvisqui apancaoc —alhta apquiltomjac apquilpamesma.

SAN JUAN 12:13 Iomraidhean Croise

ISAÍAS 44:6

Eycaso sicpayvam Dios: —Sictimem Apvisqui nipyesicsa enlhitaoc Israel. Sictomja silvomquiscama tap sictomja Apvisqui sicyimtalhnamo. Coo sictomja siyimja emamyi najan siyimja alhayi. Paj poc Dios, sicvamlha coo.

OSEAS 3:5

Elpayquingvomoc sat enlhitaoc Israel, elquitmoc sat Dios Visqui apancaoc najan apvisqui David. Elyoclhojoc sat maa, eltimjic sat apquilayo Dios, ellhocac sat altamila asoc ayinyema Dios Apyimtalhnamo. Sat cotnejic actamongvomlha nelha acnim.

LEVÍTICO 23:40

Primer acnim elpatmenta sat acyilhna actamila anco ayinyema yamit, najan alha ava actengaoc, najan moc actengaoc acma ava alimja nicja vatsam. Colpayjiclha sat mataa apquilvalhoc naysicsa apquilayo Dios, acvaycmo siete acnim.

SOFONÍAS 3:15

Inmasquec apyanmongsayclha Dios apquiltemaclha quellhip. Apnatovasquic apyovoclhojo cotnaja ingmoc. Apnec nipyesicsa quellhip Dios apvisqui apancaoc Israel, elhnam sat mataa quellhip mepqui apquilay acmasom.

SAN MATEO 23:39

Actomjac coo silanya quellhip: Mejelviticlhejec sat mocjam acvaycmo acnim, yoyam eltimjic quellhip sicvactamo sat: “Ningilayo aptomja apquilhyam apsoyam apvisay Visqui ingac” —sat eltimjic quellhip —alhta aptomjac Jesús.

SAN MATEO 27:42

—Apquilvomcasquic alhta tap apnaymacoc. Am eyca copvanac evomsacpojo apanco tap. Nasoc sat ancoc aptomja Israel apvisqui apancaoc, ingyane sat etyapoc asoc timyescama. Mongilyascamejec sat nincoo aptomja Dios Apquitca.

SAN JUAN 1:49

Aptomjac alhta mocjam Natanael: —Singillhicmoscama, lhip nac aptomja Dios Apquitca. Lhip aptomja enlhitaoc Israel Apvisqui apancaoc —alhta aptomjac.

SAN JUAN 12:14

Apvitac alhta yamelyeyjaycoc ayitcoc Jesús. Yejemoc alhta apquinamta. Acno aclhanma Dios appayvam actalhesomalhca:

SAN JUAN 12:15

Noela nasa quellhip co Sión. Quip elanojo apquilhyam Apvisqui apancaoc. Yamelyeyjaycoc ayitcoc apquinamtem —nic nat intomjac appayvam.

SAN JUAN 19:15

Apquilpalhamam alhta eyca enlhitaoc: —Ingyaa. Ingyaa. Iyipitquis asoc timyescama —alhta apquiltomjac apquilpamesma. Aptomjac alhta Pilato apquilanya: —¿Pa ya oyipitsic asoc timyescama quellhip apvisqui apancaoc? —alhta aptomjac. Apcatingmavoc alhta apquilimja apmamyi sacerdotes: —Paj nincoo poc visqui ingac, apvamlha apvisqui co Roma —alhta apquiltomjac.

EL APOCALIPSIS 15:3

Apquilminaycmasquic alhta ningminaycmascama ayinyema Moisés aptomja Dios apquilancam. Najan ningminaycmascama ayinyema Nipquesic Apquitcoc: Alyiviy anco lhip aptamjaycam najan actomja sinpilapquiscama. Lhip Visqui ingac Dios aptomja apyimtalhnamo. Acpeyvomo lhip amay pac najan actomja nasoc anco. Lhip aptomja Apvisqui lhalhma anco.

EL APOCALIPSIS 19:16

Yitnec actalhesomalhca apcalomap niplhit avjaoc apyavaoc actemaclha apvisay apanco: “Visqui apanco nipyesicsa apquilviscaa”.

EL APOCALIPSIS 7:9

Natamin as asoc acvitac alhta enlhit appintalhnama apquilinyema lhalhma anco, mongmovan ongilyipsitic. Apquilinyema aclhamoclhojo apquilaoclha najan aclhamoclhojo apquilmolhama najan aclhamoclhojo cotnaja ninpayvamo lhama. Apcanam alhta acyitnaclha Visqui aptajanem najan apyancaclha Nipquesic Apquitcoc. Apquilmopoy alhta apquilantalhnama. Yatipaang actingaoc alhta apquilmaycam.