SAN JUAN 11:28 - Enhlit Bible

²⁸ Natamin acpamejitquiscama alhta Jesús actajavo mocjam Marta. Inyilhalhcoc alhta altimnasquiclho inyalhing María. Intomjac alhta ayanya: —María, apvoctac lhac Visqui ingac. Lhiya lhac apquiltamjoc eta —alhta intomjac.

SAN JUAN 11:28 Iomraidhean Croise

ZACARÍAS 3:10

Eltimjic sat maycaa quellhip as acnim nipyesicsa apnaymacoc apquilmolhama. Eltovamcoc sat acyilhna coning pisquisca uva avjac najan jigo yamit. Nasoc coo sicpayvam sicvisay Dios — alhta aptomjac — nic nat aptomjac profeta.

SAN MATEO 26:18

Apcatingmavoc alhta Jesús: —Elmiyaclha sat natingma apnaclha enlhit. Eltime sat elanic: “Camquitvaac acnim, yoyam omatong. Altamjoc yoyam otoc lhama siltamsoycaoc pascua apto lhip tingma pac —lhac aptomjac Visqui ingac” —sat eltimjic elanic.

SAN MARCOS 10:49

Apquiningvocmec alhta Jesús. Apcanayquic alhta eltimnasquiclha. Yejemoc alhta apquiltimnasquiclho: —Iyimnates apvalhoc. Itnimiclha netin. Jesús apquevam lipaja —alhta apquiltomjac.

SAN MARCOS 14:14

Aptalhningvoclhec sat ancoc tingma as enlhit, elyiplov sat. Elpamejitquis sat aptomja tingma pac: “Aptomjac lhac Visqui ingac: ¿Jalhco acpayjo tingma aptoycamcolha pascua apto, apquillhalhmaa sat apquiltamsoycaoc?” —eltime sat elanic.

SAN LUCAS 22:11

Elpamejitquis sat aptomja tingma pac: “Aptomjac lhac Visqui ingac: ¿Jalhco acpayjo tingma actomalhquilha pascua apto, apquillhalhmaa sat apquiltamsoycaoc?” —eltime sat elanic.

SAN JUAN 1:41

Lhama alhta apvita apyalhing. Aptomjac alhta Andrés apcanya apyalhing: —Ningvitac nincoo Mesías —alhta aptomjac. Actemaclha judíos apquiltimem. Ningiltimem nincoo Cristo.

SAN JUAN 1:45

Yejemoc alhta apquitama Felipe Natanael. Aptomjac alhta apcanya: —Ningvitac lhac nincoo enlhit aplhanma ilhnic nat Moisés singanamaclha actalhesomalhca. Najan apquillhanma ilhnic nat apnatalhescama profetas Dios apquillingascama. Apvisay Jesús, José apquitca, tingma pac Nazaret —alhta aptomjac.

SAN JUAN 10:3

Apvoctac sat ancoc apquilancam nipquesic, yejemoc sat ellicsic aptamilquiscama atong. Apquiljalhnoc apnatoscama actemaclha apquevoycam apvitip. Apquiltimec mataa apvisay moclhama apnatoscama. Apnalaclhec mataa apnatoscama tap apjalhtam.

SAN JUAN 11:20

Lhama alhta aclinga amyaa Marta apquilhyacmo Jesús. Yejemoc alhta actepa alamyilhamco. Innaclhec alhta María congne tingma ac.

SAN JUAN 11:29

Lhama alhta aclinga amyaa María. Quilhvoc alhta inquinmaclhac netin, acyoclho apnaclha Jesús.

SAN JUAN 11:30

Am alhta evoctac mocjam Jesús tingma. Apnec alhta mocjam tap tingma actajanyaclha alhta Marta.

SAN JUAN 13:13

Inyicje apquiltomjac mataa quellhip sellhena: Singillhicmoscama, moc najan: Visqui. Inpeyvoc sellhena quellhip, coo nac sicvisay.

SAN JUAN 20:16

Aptomjac alhta Jesús apcanya quilvana: —María —alhta aptomjac. Yejemoc alhta acpaycalhco. Incatingmavoc alhta hebreo appayvam: —Raboni —alhta intomjac. Ningiltimem nincoo Singillhicmoscama.

SAN JUAN 21:7

Apnec alhta maa apquiltamescama aptomja alhta Jesús apcasicjayo. Aptomjac alhta as apquiltamescama apcanya Pedro: —Visqui ingac nac maa —alhta aptomjac. Lhama alhta aplinga Simón Pedro. Yejemoc alhta apcalacpo apava. Ayinyemaclha mepqui apava alhta Pedro. Apnilhtinquic alhta congne yingmin.

1 TESALONICENSES 5:11

Eliltimnas sat mataa poc, elyimnatesquis sat najan apquilvalhoc nipyesicsa quellhip, actemaclha alhta apquilyiplovquiscama quellhip.

HEBREOS 12:12

Elyimnaticsojo sat quellhip alyilcomalhca apmeoc najan alyilcomalhca aptapnaoc.