SAN JUAN 11:21 - Enhlit Bible

²¹ Intomjac alhta Marta ayanya Jesús: —Visqui, apnec alhta ancoc lhip asi, mengyitsepejec alhta eyalhing.

SAN JUAN 11:21 Iomraidhean Croise

1 REYES 17:18

Intomjac nic nat ayanya profeta: —¿So actema apvoya nac tingma ajac? Lhip profeta Dios aplingascama. ¿Apquiltamjo ya lhquip jeyascasingvoclhojo sictemaclha ajanco? ¿Apquiltamjo ya lhquip ingyajic sictamongvoyam? — nic nat intomjac.

SALMOS 78:19

Apquilpamejitsacpec nic nat: —Apvanqui ya Dios jingilmecsic acyivey nintom yoclhilhma actamopeycaoc.

SALMOS 78:41

Apquiltovasquic nic nat mocjam apvalhoc Dios ayinyema apquiltemaclha apancaoc. Aplingamcoc nic nat acmayovsa apvalhoc Dios apyimtalhnamo.

SAN MATEO 9:18

Naysicsa aplhanma alhta Jesús as asoc apvaa lhama enlhit apquimja apmamyi apcaneyquiclhilha. Apquilpolingvaac alhta apnaclha Jesús: —Visqui, pa incotsapoc sictamongvoyam. Ityaningvomjo sat lhip. Ininquin sat apmeoc tacjalhit. Coyimnavomoc sat mocjam —alhta aptomjac.

SAN JUAN 11:2

Eycaso quilvana acvisay María, actomja ayatsisquiscama alhta asoc masis apmancoc Visqui ingac. Inlicasquic alhta najan naváyc ava apmancoc. Ningmasquem alhta intomjac inyalhing Lázaro.

SAN JUAN 11:3

Inquilapajasquic alhta amyaa Lázaro apquilyalho, yoyam colhic altimnasa Jesús: —Visqui, ningmasquem lhac intomjac lhip aptimem poc —alhta intomjac amyaa apcanyacpo.

SAN JUAN 11:32

Yejemoc alhta acvoclho María apquinmamcaclha Jesús. Inquilticlhiquic alhta atapnaoc nalhpop. Intomjac alhta María ayanya Jesús: —Visqui, apnec alhta ancoc lhip aso, mengyitsepejec alhta eyalhing —alhta intomjac.

SAN JUAN 11:37

Apquiltomjac alhta napocja enlhit: —Apquilyapitseclhec alhta apataoc mepqui apataoc. ¿Am ya copvanac alhta Jesús etnesquisic mengyitsepma Lázaro? —alhta apquiltomjac.