SAN JUAN 11:11 - Enhlit Bible

¹¹ Aptomjac alhta mocjam Jesús: —Aptinquic nintimem ingmoc Lázaro. Pac otyaningvoclhojo, yoyam olhaticjacsic aptenaclha —alhta aptomjac.

SAN JUAN 11:11 Iomraidhean Croise

2 REYES 4:31

Apvoyam apmamyi ilhnic nat Giezi. Appiquinquic nic nat yamit napaat apquitcoc apquitsepma. Am nic nat elhaticjac. Apquilamyilhamquic nic nat Giezi, aptomjac apcanya profeta: —Paj elhaticjac apquitcoc — nic nat aptomjac Giezi.

2 CRÓNICAS 20:7

Dios Visqui ingac, apquilantipcasquic nat lhip actomja apquilaoclha as yoclhilhma napatavo enlhitaoc Israel. Apquillhocac nat aptovana niptamin Abraham, apvisay lhip aptimem poc, elhnam sat mataa cotmongvoycamlha nelha.

ÉXODO 33:11

Appamejitcasquic nic nat Moisés napato Dios, acno appamejitquiscama aptimempoc. Aptajavoc nic nat mocjam tingma pac Moisés. Am nic nat eyinyavac carpa apponquinomap apyimnanic apvisay Josué, Nun apquitca. Aptamjaycamó lhama ilhnic nat Moisés.

ISAÍAS 41:8

Quellhip apquilvisay Israel apmolhama selancam coo. Quellhip apquilvisay Jacob apquilmolhama silyacyescama alhta coo. Abraham aptovana niptamin, aptomja alhta sictimem emoc.

DANIEL 12:2

Enalhaticjangvomoc sat apquilmasquingvaycmo nano, apquilatoynamap malhic. Elmiyovacpoc sat napocja, colhic sat acyimnatem apnenyaoc cotmongvoycamlha nelha. Elyinyovacpoc sat poc, elmancangvomoc sat, ellingamcojoc sat acyimtalhnama cotmongvoycamlha nelha.

SAN MATEO 27:52

Inquilmayjeclhec alhta tacjalhpopayc. Apnalhaticjangvocmec alhta aplhamoclhojo enlhit apquilpeyvomo apquilmasquingvaycmo nano.

SAN MATEO 9:24

Aptomjac alhta Jesús apquilanya: —Elantiyip siclho. Am cotsepac quilvana ayitcoc. Intinquic anco —alhta aptomjac. Apcasmesacpec alhta Jesús.

SAN MARCOS 5:39

Aptalhningvocmec alhta congne. Aptomjac alhta apquilanya: —¿Soctomja alpametamcaa nac? ¿Soctomja acyapcalha nac? Am cotsepac quilvana ayitcoc, intinquic anco —alhta aptomjac.

SAN JUAN 11:10

Etlapmoc sat enlhit aptomja aptiyascam alhtaa. Ayinyemaclha incaymalhquic ayitsasquiscama olhma —alhta aptomjac.

SAN JUAN 11:12

Apquiltomjac alhta apquiltamsoycaoc apquilanya Jesús: —Visqui, aptinquic lhac ancoc Lázaro, etamalvomoc sat —alhta apquiltomjac.

SAN JUAN 11:13

Apquitsepma alhta aplhena inyicje Jesús Lázaro. Apquilanayquic alhta apquiltamsoycaoc elhenac actemaclha nintiyanma.

SAN JUAN 11:3

Inquilapajasquic alhta amyaa Lázaro apquilyalho, yoyam colhic altimnasa Jesús: —Visqui, ningmasquem lhac intomjac lhip aptimem poc —alhta intomjac amyaa apcanyacpo.

SAN JUAN 3:29

Enlhit acma apponcanma apvisay quilhva alyimjapma. Coo eyca aptimem poc quilhva alyimjapma. Siyinmaycamo lhama nac, acjalhnoc najan appayvam, payjeclhec najan evalhoc. Eycaso invocmec acpayjayclha evalhoc.

LOS HECHOS 7:60

Yejemoc alhta apquilticlha aptapnaoc nalhpop. Apyimnatasquic alhta appayvam: —Visqui, noyanmoncasiclha nasa setvascama as enlhitaoc —alhta aptomjac. Natamin aptimem appayvam alhta apquitsepa.

1 CORINTIOS 15:18

Melvomsacpejec najan tap apquilmasquingvaycmo alhta, apquiltomja alhta melyasquiyam Cristo.

1 CORINTIOS 15:34

Elvatsaoc sat apquiltemaclha alyeyjamelhma. Elvatsaoc sat apquiltemaclha apquiltamongvaycmolhma. Am elyasamcoc mocjam napocja quellhip aptemaclha Dios. Eycaso siclhanma yoyam elmancangvomoc quellhip.

1 CORINTIOS 15:51

Pac oltimnacsic quellhip amyaa acyilhomalhca: Jave ningilanalhco yoyam ongilmasquingvomoc. Eyca moc actemaclha sat cotniclhac ningyovoclhojo.

EFESIOS 5:14

Eycaso actomja aclhanmaclha: Ilhaticja sat lhip aptomja aptiyanma. Ilhaticja sat nipyesicsa apquilmasquingvaycmo. Etac sat lhip ayitsayolhma ayinyema Cristo —nic nat intomjac.

DEUTERONOMIO 31:16

Aptomjac nic nat Dios apcanya Moisés: —Ningatoc lhip apquitsepma. Jelyinyoc sat enlhitaoc niptamin lhip. Eltimjic sat apquilayo quilaycmasquiscama ayinyema as yoclhilhma apquilvoycamlha sat quellhip. Eltovacsic sat ningmiyovmalhca, sillanay alhta nipyesicsa enlhitaoc.

1 TESALONICENSES 5:10

Apquitsepquic alhta Jesús singyanmongam nincoo yoyam ontimjic mataa ninpasmeyquiclha nincoo naysicsa ningileyvam najan naysicsa ningitsepma.

SANTIAGO 2:23

Invocmec nic nat aclhanmaclha Dios appayvam actalhesomalhca: “Am nic nat eyascacmoc Abraham Dios appayvam. Innec nic nat actimesa appeyvomo ayinyema meyasquiyam. Apquiltimec nic nat Dios Ingyapam apvisay aptimem poc Abraham” —nic nat intomjac.