SAN JUAN 10:4 - Enhlit Bible

⁴ Apquilantipcasquic sat ancoc aplhamoclhojo apnatoscama, apquinimcasquic mataa amamyi, yoyam enaliclha. Apquilyiplovquic mataa apnatoscama, ayinyemaclha apquilyicpilcoc actemaclha apquevoycam apvitip.

SAN JUAN 10:4 Iomraidhean Croise

LOS CANTARES 2:8

¡Apquilhyacme nac sicponcanma! ¡Aclingac coo appayvam! Aptomja apnilhtingaycam ayitsicsaoc inquilhe, apnilhtingayquinta netin inquilhe.

LOS CANTARES 5:2

Actinquic alhta inyicje, paj cotenac evalhoc coo. Aclingac coo seyevoycam sicponcanma, payjoc tingma apatong. ¡Lhiya eyalhing, lhiya sicponcanma, colic atong! Lhiya valhaay apquitcoc, inyesoc epatic coo ayinyema yalya alhtaa — alhta aptomjac seyanya.

SAN MATEO 16:24

Aptomjac alhta Jesús apquilanya apquiltamsoycaoc: —Apquiltamjoc sat ancoc jeyiplovjo enlhit, incaymalhquic yoyam memyovacpoyc apanco. Epatmiclhac sat apanco appatmeycam malha asoc timyescama, seyiploycam mataa.

SAN JUAN 10:16

Apquilyancac mocjam poc nipquesic. Jave apquilyanca nac aso congne apjalhtam. Incaymalhquic onalovsingvoclha nipquesic. Elilyejiclhojoc sat sicpayvam. Acvamlha lhama sat cotniclha apquilyinatamaclha. Apvamlha pac lhama sat etnejic apquilancam nipquesic.

SAN JUAN 10:27

Apquiljalhnoc mataa sicnatoscama nipquesic actemaclha siyevoycam. Alyicpilcoc coo sicnatoscama. Elyiplovquic mataa coo sicnatoscama.

SAN JUAN 10:3

Apvoctac sat ancoc apquilancam nipquesic, yejemoc sat ellicsic aptamilquiscama atong. Apquiljalhnoc apnatoscama actemaclha apquevoycam apvitip. Apquiltimec mataa apvisay moclhama apnatoscama. Apnalaclhec mataa apnatoscama tap apjalhtam.

SAN JUAN 10:5

Melyiplovejec mataa cotnaja inlhojo apvitip. Elinyajamcoc sat mataa, ayinyemaclha am elyicpilcac actemaclha apquevoycam cotnaja apvitip —alhta aptomjac Jesús.

SAN JUAN 10:8

Apquilvoy apquilmamyi aplhamoclhojo apquiltomja apquilminyilhma. Am eljalhnoc mataa apquilevoycam.

SAN JUAN 12:26

Apquiltamjoc sat ancoc enlhit jelanam coo, incaymalhquic yoyam jeyiplovjo. Jelhojoc sat lhama sicnaclha selancam coo. Colhic sat ayaco selancam coo, ayinyema coo Tata —alhta aptomjac.

SAN JUAN 13:15

Elvajanaoc sat quellhip sictomjaclha lhac. Allhicmosquic lhac quellhip actemaclha, yoyam elvajanamcoc.

SAN JUAN 18:37

Aptomjac alhta mocjam Pilato: —¿Naso ya aptomja lhip Apvisqui? —alhta aptomjac. Apcatingmavoc alhta Jesús: —Naso coo sictomja Visqui. Acvaac coo aso nalhpop ayinyema sictiyam alhta sictomja enlhit. Altamjoc olngacsic amyaa actomja nasoc anco. Apquiljalhnoc mataa sicpayvam enlhit apquiltomja apquilyajayquiclho amyaa actomja nasoc anco —alhta aptomjac.

SAN JUAN 3:29

Enlhit acma apponcanma apvisay quilhva alyimjapma. Coo eyca aptimem poc quilhva alyimjapma. Siyinmaycamo lhama nac, acjalhnoc najan appayvam, payjeclhec najan evalhoc. Eycaso invocmec acpayjayclha evalhoc.

1 CORINTIOS 11:1

Elvajanaoc quellhip sictemaclha coo. Acyiplovcasquic coo lha aptemaclha Cristo.

EFESIOS 5:1

Quellhip apquiltomja Dios apquitquic apquilasicjamacpo. Ellhnasojo sat aptemaclha Dios.

DEUTERONOMIO 1:30

Apquimja apmamyi nac Dios Apyimtalhnamo yoyam enaliclha quellhip. Elnapoc sat, eticyoc sat cotnaja ingmoc, acno aptemaclha Dios Apyimtalhnamo yoclhilhma Egipto,

HEBREOS 12:2

Pac ongilanojoc aptemaclha Jesús actomja ayinyemaclha mongyasquiyam najan aptomja apviscaycmo actomjaclha nelha mongyasquiyam. Aplingamcoc alhta acmasca Jesús netin asoc timyescama. Am alhta emancac Jesús yoyam ingyitsapoc netin asoc timyescama. Apyasamcoc alhta Jesús yoyam coyiplovjoc sat acpayjayclha apvalhoc. Apnaclhec alhta Jesús apnaclha Dios napocja actamilaclha. Apnec mataa Dios netin aptajanem.

HEBREOS 6:20

Aptalhningvoclhec alhta apmamyi Jesús congne tingma apponquinomap netin yoyam jingillanesic amay, yoyam ongilyoclhojoc sat nincoo lha apnaclha Dios. Ayinyemaclha Jesús aptomja Dios apquilancam apno ilhnic nat Melquisedec apmolhama.

1 SAN PEDRO 2:21

Eycaso actomja apmayjayoclha Dios. Ayinyemaclha aplingamcoc alhta Cristo acmasca acyanmongam quellhip. Apquillhicmosquic alhta Cristo yoyam elvajanamcoc quellhip actema nac lha.

1 SAN PEDRO 4:1

Aplingamcoc alhta acmasca Cristo. Collhen sat apquilvalhoc quellhip lha. Colapvanquejec quellhip lha melvita acmasca. Apquillingamcoc sat ancoc acmasca, elvatsamcoc sat quellhip yoyam eltamongvomjo olhma.

1 SAN PEDRO 5:3

Noeltime nasa malha apquilviscaa apquiltomja apquilapajascama mataa. Elvitasquis sat apquiltemaclha quellhip yoyam elvajanamcoc Jesucristo apmolhama.